Kaarka Caafimaadka iyo Uurka

Kaarka Caafimaadku ee (MA) waa barnaamijka (Medicaid) ka ee Minnesota ee la siiyo dadka danyarta ah. Kaarka (MA) waxa uu siiyaa daryeelo caafimaad oo lacag la’aan ah ilmaha iyo qoysaska, haweenka uurka leh, dadka waaweyn ee ilmaha aan lahayn, waayeelka, iyo dadka indhaha la’ ama naafadda ah. 

Kaarka (MA) ee ay maal-geliso CHIP waxaa heli kara haweenka uurka ee aan heli karin kaarka (MA) ee caadiga ah sababta oo ah waxa aysan ku lahayn wadanka sharci, ama kaliya waxa ay leeyihiin sharci (immigration) ku meelgaar ah ama ma aha muwaadiniin.

Gelida kaarka (MA) waxa ay bilaabmi kartaa marka ugu horeeysa ee aad is tiraahdid uur baad leedahay. Ka hor Luulyo 2022, gelida kaarka caafimaadka ee ku salaysan uurku waxa uu sii socon jirtay 60 cisho ka dib kolka uurku uu dhamaado. Laakiin isbedel la sameeyey bisha Luulyo 2022 ayaa waxa uu ka dhigay ku jirida kaarku inuu sii socdo muddo 12-bilood ah ka dib uurka. Waqtiga ka dambeeya kolka uurku uu dhamaado waxaa la yiraa mudadda dhalmada ka dambaysa.   

Ogow: Mudadda dhalmada ka dib ah waxa ay bilaabantaa maalinka uurka uu dhamaado. Ma quseeyso in dhalmo ay jirto iyo in kale.   

Haddii aad uur leedahay ama aad ku jirto mudadda dhalmada ka dambaysa, waxaa dhici karta inaad xaq u leedahay kaarka (MA).   

Waxa aad u baahan tahay:  

• inaad uur leedahay ama aad ku jirto mudadda 12-biood ah ee dhalmada ka dambaysa.
• aad ka soo baxdo shuruudo kale oo kaarka (MA) uu leedahay, sidda heerarka dakhliga iyo sharciga/muwaadinimadda.  

Waxaa ku jirta Akhbaar kale oo ku saabsan xaq u yeeladka “MN Health Care Programs Eligibility Policy Manual” (Buuga Yar ee Nidaamka Xaq u Yeeladka ee Barnaamijyada Caafimaad ee MN) ee ku jira Shabakada (website) Waaxda Adeega Bulshada (DHS) ee: https://mn.gov/dhs. (ingiriisi kaliya)

Haddii kaarka (MA) aad xaq ugu yeelato uur awgii, waxa aad ku jiri kaarka bisha ilmahu calool galo ilaa iyo dhamaadka mudadda 12-biloodka ah ee dhalmada ka dambaysa. Wax saameynana kuma leh arrintani hadii ay wax iska bedelaan dakhliga, baaxada qoyska ama shuruudaha cusboonaysiinta.  

Haddii aad uur leedahay aadana sharci wadanka ku lahayn, waxaa dhici karta inaad hesho kaarka (MA) ee ay maal-geliso CHIP ama Kaar Caafimaad oo Degdeg ah (EMA). Haddii aad codsato ama jaa aad haysato kaarka (MA) ee ay maal-geliso CHIP ee haweenka uurka leh ama kaarka (EMA), khasab kuguma aha inaad bixiso lambar Sooshal Sakuurti (Social Security) ama aad sheegto sharcigaaga.  Eeg warqada xogta aruursan ee ku saabsan Daryeelka Caafimaadka Degdegga ah.

Waxa dhici karta inaad xaq u yeelato kaarka (MA) ah oo ay meel-geliso CHIP haddii:

• sharci aadan lahayn ama aad tahay qof aan muwaadin ahayn oo aan heli karin (MA),
• dakhligaagu uu yahay $4,241 ama uu ka yar yahay bishii. Tani waxa ay ka hadli qoyska 2 da ah (adiga iyo uur-jiifkaagu = 2). Xadka dakhligaaga kor ayuu aadi haddii ay jiraan dadka kale oo qoyskaaga ah.
• aadan ku jirin kaar kale oo daryeel caaafimaad ah, iyo
• aad tahay qof degan Minnesota

Waxaa ku jirta Akhbaar kale oo ku saabsan xaq u yeeladka “MN Health Care Programs Eligibility Policy Manual” (Buuga Yar ee Nidaamka Xaq u Yeeladka ee Barnaamijyada Caafimaad ee MN) ee ku jira Shabakada (website) Waaxda Adeega Bulshada (DHS) ee: https://mn.gov/dhs. (ingiriisi kaliya)

Haddii kaarka (MA) aad xaq ugu yeelato uur awgii, waxa aad ku jiri bisha ilmahu calool galo ilaa iyo dhamaadka mudadda 12-biloodka ah ee dhalmada ka dambaysa. Wax saameynana kuma leh arrintani hadii ay wax iska bedelaan dakhliga, baaxada qoyska ama shuruudaha cusboonaysiinta. 

Haddii aad uur leedahay, ama aad u malaynayso inaad uur leedahay ka codsato kaarka (MA) halkan www.MNSure.org. haddii aadan heli karin kaarka (MA) ee caadiga ah sababta oo ah sharci (immigration) la’aan awgii, waydii xafiiska dhaqtarkaaga la shaqeynta hage lacag la’aan ah ama qofka kale oo la aaminsan yahay si aad u dalbato.   

Waxaad kaloo ka dalban kartaa xafiiska cayrta ee degamadaadda.

Haddii aadan helin ogaysiiska ama aad qabto su’aalo, la soo xiriir xafiiska adeegyada dhanka sharciyada ee deegaankaaga. Waxa aad ka heli kartaa adeegyada ka jira deegaankaaga shabakada ah www.lawhelpmn.org/so/providers-and-clinics

Kaarka (MA) iyo (MA) ay maal-geliso CHIP ku waxa ay fidiyaan ku jirid noocyo badan oo daryeelo (MA) ah. Ku jirida kaararku kuma koobna kaliya daryeelada la xiriira uurka uun. Xilliga uurka iyo mudadda 12-bilood ah ee dhalmada ka dambeysa, waxa aad ku jirtaa oo lagaa bixin waxyaabaha sida: 

• Booqashooyinka dhaqtarka iyo rugaha caafimaadka
• Cisbitaalada iyo adeegyada daryeelka Haweenka ee (OB/GYN)
• Daryeelada ilkaha ah
• Caafimaadka madaxa ah iyo adeegyo wax ka qabadka isticmaalka mukhaadaraadka ah
• Dawooyinka
• Qalabka Caafimaadka – sidda mashiinka caanaha la isa galiso iyo qalabka cabirka dhiig-karka 

Ka eeg bogga Soo koobidda Caymiska, kharashka la Wadaago iyo Soohdimaha wixii akhbaar ah ee ku saabsan liiska adeegyada la bixiyo kharashkooda. Gal shabakada https://mn.gov/dhs.

• Riix "eDocs document library" ee ku taal dhinaca kore ee midig ee bogga  
• Geli 3860 santuukha baarida
• Riix “Somali - Af Soomaali” iyo Riix “Search”

Haddii aad xaq u leedahay kaarka (MA) maalinta aad dhasho, ilmahaaga waxaa loo tixgelin waxa la yiraa “dhalashada cusub.” Taa macnaheedu waa ilmahaagu durbadiiba waxa uu xaq u yeelan kaarka (MA) 1 sanno. Dhalashooyinka cusubi ma aha inay ka soo baxaan wax shuruudaha kaarka (MA) ga ah marka laga reebo in Minnesota la degan yahay. Waxa ay xaq u yeelan ilaa aakhirka bisha sannad-guuradooda dhalashada ee koowaad.

Waxaa ku jirta Akhbaar kale oo ku saabsan xaq u yeeladka Ilmaha Markaa Dhashay “MN Health Care Programs Eligibility Policy Manual” (Buuga Yar ee Nidaamka Xaq u Yeeladka ee Barnaamijyada Caafimaad ee MN) ee ku jira Shabakada (website) Waaxda Adeega Bulshada (DHS) ee: https://mn.gov/dhs. (ingiriisi kaliya)