Rov Hais Dua Txog Tsoomfwv Nyiaj Pab Pejxeem (Welfare) rau DHS

• Minnesota Family Investment Program (MFIP)
• General Assistance (GA)
• Emergency Assistance (EA)
• Minnesota Supplemental Assistance (MSA)
• Medical Assistance (MA)
• MinnesotaCare
• SNAP (nyiaj muas noj)
• Kev pab zov menyuam
• Niam qhuav txiv qhuav saib xyuas
• Kev pab tu tsev/ua noj
•  ua hauj lwm thiab kawm hauj lwm
• lwm yam khoos kas
   

Nco cim: SNAP yog lub npe rau nyiaj muas noj (Supplemental Nutrition Assistance Program)

Mus rov hais dua ntawm SSI txoj kev txiav txim, saib daim ntawv tseeb SSI Kev Tawm Tsam.

Tsis toob kas, tab sis muaj feem pab tau.  Hu koj lub legal aid hoob kas  kom sai li sai tau rau kev pab los sis xa mus cuag lwm qhov.

Muaj ntau txoj hauv kev rau koj muaj feem xa koj qhov rov hais dua mus.

Hauv Online:
Koj mus tau sau daim ntawv thiab xa koj qhov rov hais dua hauv online.  Mus rau: https://mn.gov/dhs/

• Nias “How do I” saum toj ntawm no
• Hauv qab “Find” nias “edocs and forms”
• Nias koj hom lus
• Ntau 0033 rau lub npov tshawb fawb (search bar)
   

Muaj lus qhia thiab cov ntaub ntawv.  Nyeem koj meej, teev kom meej thiab nias “Submit” hauv qab saib xis.  Ib qho zoo ua koj khaws ib daim tseg rau koj.

Koj luam tawm daim ntawv tsis tau sau dabtsi yog koj xav xuas tes sau thiab xa mus.

Xa ntawv mus los sis xa fax:
Koj tuaj nqa tau ib daim ntawv nram lub nroog.  Yog koj tsis xav siv daim ntawv los tsis ua li cas, koj sau ib daim ntawv thiab muab xa los sis xa fax mus.  Teev tias koj xav rov hais dua txoj kev txiav txim thiab vim li cas.  Yog koj tseem xav tau cov kev pab thaum koj rov hais dua, nws muaj sij hawm xaus.  Saib “How soon do I have to appeal?” hauv qab.

Nco ntsoov teev koj tus rooj plaub tus naj npawb thiab hnub tim rau hauv koj daim ntawv.  Khaws ib daim luam tseg rau koj tus kheej.  Koj muab tau koj daim ntawv rov hais dua rau koj tus neeg khiav dej num hauv nroog.

Koj kuj xa ntawv mus los sis fax koj qhov rov hais dua mus rau:

Minnesota Department of Human Services Appeals Office
PO Box 64941
St. Paul, MN 55164-0941

Fax (651) 431-7523

• Feem ntau koj muaj 30 hnub ntawm daim ntawv tuaj nram nroog tuaj.  Rau nyiaj muas noj yog 90 hnub.  Qhov kev txiav txim qhia tias koj muaj sij hawm ntev li cas.  Nyeem kom tib zoo.
   
• Yog koj rov hais dua tom qab lub sij hawm tab sis tseem nyob ntawm 90 hnub, koj yuav tsum qhia tau tau “ib qho tseem ceeb” vim li cas thiaj li lig.  Tej yam piv txwv yog tias koj muaj mob nyhav los sis koj tsis nyob hauv zos thaum xa daim ntawv tuaj.
   
• Yog koj rov hais dua qhov muab txiav los sis txo, thiab koj tseem xav txias koj cov kev pab thaum koj rov hais dua, koj yuav tsum coj rov mus hais dua.
   
  1. Ntawm 10 hnub daim ntawv tuaj nram lub nroog tuaj, los sis
  2. Ua ntej hnub txiav los sis pib txo.

Feem ntau qhov hais tshwm sim 3 los sis 4 lim tiam tom qab koj rov hais dua.  Yog koj hais tej yam xwm ceev, xws li tsis tau Emergency Assistance (EA), koj muaj feem nug kom hais rooj plaub “ceev.”  Expedited txhais tau tias ceev.  Koj rooj plaub tej zaum yuav hais li 1 los sis 2 lub lim tiam tom qab koj rov hais dua.

Tus kwv mloog plaub yuav tsum xav daim ntawv txiav txim ntawm 90 hnub tom qab koj rov hais dua, tab sis feem ntau ntev tshaj.  Cov rooj hais ceev, tus kws mloog plaub yuav tsum xa daim ntawv txiav txim kom sai li sai tau.  Tab sis tsis muaj ib txoj cai hais kom ceev npaum li cas.

Hais rau ntawm daim ntawv rov hais dua los sis rau hauv koj daim ntawv nug kom rov hais dua.  Lub hoob kas mloog plaub yuav tsum muaj ib tug rau koj.  Tus txhais lub tej zaum yuav nyob hauv lub xov tooj thaum hais rooj plaub tseem tias rooj plaub yog hais tim ntsej tim muag.  Tej zaum lawv yuav nug tej los ntsiab lus tseem ceeb, yog li ntawd muaj tus txhais lus yog ib qho zoo rau koj tseem tias koj paub lus Askiv mentsis.

Them.  Koj yuav tsum raug them qhov nqi kom tsim nyog thaum mus hais rooj plaub, xws li zov menyuam thiab nqi thauj mus los ntawm koj thiab koj cov tim khawv.  Koj muaj feem tau kom lawv them rov qab rau koj tus nqi soj ntsuam mob yog tsim nyog rau koj los sis koj cov tim khawv.

Koj yuav tau daim ntawv qhia txog rooj plaub.  Yuav qhia thaum twg thiab qhov chaw mus hais rooj plaub.  Feem ntau cov rooj plaub hais hauv xov tooj.  Koj muaj cai mus hais tim ntsej tim muag los sis ntawm hauv “video” ntawm qee rooj plaub.

Yog koj rooj hais hauv lub xov tooj, nco ntsoov muab koj tus xov tooj kom yog rau tus kws mloog plaub thiaj hu tau rau koj.

Yog koj xav tias koj xav hais tim ntej tim muag los sis hauv “video” vim koj qhov xiam oob qhab, los sis ib tug tim khawv xiam oob qhab, hu thiab piav vim li cas koj xav tau li.  Tej zaum yuav tau rov qab teem dua koj rooj plaub.

Lub nroog yuav xa daim ntawv “Summary of Issues-Qhia Cov Ntsiab Lus Teeb meem” los sis “State Agency Summary-Lub Xeev Cov Ntsiab Qhia.”  Yuav tsum muaj cov lus tseeb thiab cov cai siv los txiav txim.  Tej zaum koj mus saib phau ntawv txog tsoomfwv cov nyiaj pab neeg seb hais li cas txog koj qhov teeb meem. Koj mus nug qhov chaw qiv ntawv, tsoomfwv pab nyiaj lub hoob kas, or lub hoob kas legal aid. Cov phau ntawv muaj nyob hauv online ntawm MN Department of Human Services vassab.

Koj yuav tsum:

• Muab koj cov ntsiab lus ua ke.  Luam cov ntawv tseg ua yuav pab tau koj.
   
• Tham nrog ib tug kam ua koj tus timkhawv los sis sau ib daim ntawv rau koj.  Yog tus timkhawv tsis tuaj koj rooj plaub, koj muaj feem hais kom tsev hais plaub ua daim ntawv yuam lawv tuaj ua timkhawv.  Hu lub hoob kas mloog plaub ntawm tus xov tooj (651) 431-3600 txog daim ntawv tsev hais plaub hu tuaj ua timkhawv.
   
• Mus xyuas koj cov ntaub ntawv nram lub hoob kas tsoomfwv pab nyiaj sai li sai tau.  Lub koom haum yuav siv tsis tau cov ntaub ntawv ntawm rooj plaub hais yog koj tsis tau pom ua ntej.
   
• Ua ntej hais rooj plaub, sau tseg thiab teev tej yam koj xav hais.
   
• Xyaum piav koj zaj dab neeg thiab qhia koj cov pov thawj rau ib tug phooj ywg.
   
• Yog rooj plaub hais hauv xov tooj, nco ntsoov saib kom koj lub xov tooj ua hauj lwm.  Koj kuj mus siv xov tooj tau rau nram lub hoob kas tsoomfwv pab nyiaj.

Cov plaub no yuav tsis hais nruj li cov plaub sib foob hauv tsev hais plaub.  Yog tias hais rooj  plaub tim ntsej tim muag, sawv daws zaum ua ke ntawm lub rooj.  Tus kws mloog plaub yuav nug kom sawv daws tsa tes teb lus ncaj ncees.  Koj tus kws khiav dej num yuav tuaj, tej zaum nrog tus nais, kws lij choj los sis ib tug sawv cev nram lub nroog.  Koj coj tau ib tug kws lij choj los sis ib tug sawv cev, nrog rau koj cov timkhawv.

Koj tus kws khiav dej num piav lub nroog zaj dab leeg thiab muab tus kws mloog plaub tej ntawv pov thawj los sis cov lus pov thawj los txhawb nqa.  Koj thiab koj cov timkhawv ua tau tib yam.  Thaum kawg, ob sab tuaj yeem hais tau ib nqe lus xaus rau nyias rooj plaub.

Tus kws mloog plaub yuav tsis tshaj tawm qhov nws txiav txim thaum hais rooj plaub tas.  Koj yuav tsum tau tos kom xa daim ntawv tuaj tom tsev.

Tus kws mloog plaub sau qhov nws pom zoo txiav txim thiab xa rau tus Thawj Kws Hais Plaub (Chief Human Services Judge).  Tus Thawj Kws Hais Plaub (Chief Human Services Judge) mam yog tus txiav txim thaum kawg thiab xa tuaj rau koj.

Yog koj tau nyiaj thaum rov hais dua rooj plaub, thiab koj swb, koj kev pab yuav raug txiav los sis txo tom tab thawj rooj plaub, tseem hais tias koj rov mus hais dua ntxiv.  Tej zaum koj yuav tau them rov qab cov nyiaj koj tau thaum rov hais dua.

Yog koj tsis pom zoo rau qhov kev txiav txim, koj muaj 30 hnub ntawm hnub tus Thawj Kws Hais Plaub (Chief Human Services Judge) xee daim ntawv txiv txim los nug kom rov muab xav dua los coj rov mus hais dua hauv tsev hais plaub loj.

Yog koj xav nug kom coj mus xav dua ua ntej, yuav tsum

• Sau ntawm daim ntawv thiab
• xa rau tus Director of Appeals thiab
• xa mus rau tag nrho cov khoos kas sau nyob hauv daim ntawv tsis pub dhau 30 hnub  ntawm qhov txiav txim los sis daim ntawv.
   

Tsis muaj daim ntawv.  Sau ib daim ntawv nug kom rov muab xav dua.  Koj yuav tau hais vim li cas koj xav tias yuav tsum muab koj rooj plaub rov mus xav dua.  Yog koj muaj lus raws cai yuav hais, teev rau hauv daim ntawv. Yog koj muaj pov thawj tshiab, qhia tias vim li cas thiaj li tsis muab coj los qhia thaum hais rooj plaub thiab muab nrog koj daim ntawv ua ke mus.  Luam ib ib daim rau txhua tus neeg nyob hauv daim ntawv thiab khaws ib daim rau koj tus kheej.

Koj daim ntawv txiav txim ntawm DHS yuav muaj tag nrho cov ntaub ntawv qhia tias yuav xa koj qhov kev thov thiab sau tafg nrho cov neeg thiab khoos kas koj yuav tsum xa ntawv mus rau.

Tus Director of Appeals rov saib xyuas koj qhov kev thov.  Tus kws txiav txim tej zaum yuav pom zoo nrog koj cov lus cav thiab muab txoj kev txiav txim tshiab los sis ib daim ntawv tshiab, los sis tej zaum lwm rooj plaub, los sis tus kws txiav txim tej zaum yuav txiav txim yuav qhov txiav txim thawj zaug lossis daim ntawv txiav txim li qub.  Koj yuav tau ib daim ntawv qhia koj ib qho ntawd thiab ua dab tsi ntxiv.

Yog koj tsis hnov lawv teb tuaj ntawm 30 hnub hu mus nug.

Koj coj rov mus hais dua hauv District Court, Tsev Hais Plaub Hauv Nroog es tsis txhob thov kom coj rov mus xav dua.  Hu koj lub legal aid hoob kas tam sim no.

Yog koj tsis nug kom rov coj mus xav dua tab sis koj tsis pom zoo rau qhov kev coj mus xav dua, koj muaj feem rov mus hais dua rau hauv tsev hais plaub hauv nroog.  Hu koj legal aid hoob kas tam sim no.

Saib peb daim ntawv tseeb Rov Mus Hais Dua hauv Tsev Hais Plaub Loj Txog Tsoom Fwv Kev Pab.