MSA - (Minnesota Supplemental Aid)

MSA yog qhov kev pab hu ua Minnesota Supplemental Aid. Nws yog ib qho nyiaj tsawg uas lub xeev muab rau cov neeg khwv tsis tau nyiaj ntau uas yog cov laus, dig muag lossis xiam oob qhab thiab yog cov tau nyiaj Supplemental Security Income (SSI). Kuj muaj feemxyuam tau txais MSA thiab yog tias koj tau nyiaj Social Security Disability uas ntau dua $794 tiamsis tsawg dua $855 tauj ib hlis.  

• Ib tug neeg uas tau nyiaj SSI pab $841 thiab nyob nws tus kheej feem ntau yuav tau $81 rau MSA. 

• Ib khub niam txiv uas nkawd nyob nkawd tus kheej thiab tau nyiaj SSI raws ib khub niam txiv $1261 feem ntau yuav tau $111 rau MSA.  

• Yog koj nyob rau tej hom tsev nyob uas tsis yog chaw pab saib xyuas kho mob, qhov nyiaj  yog $102 tauj ib hlis.  

Vim txoj kev MSA raug xam, koj feem ntau yuav tsis muaj feemxyuam tau yog tias koj nyob nrog lwm tus neeg tshwj tias yog ib tug txwj nkawm uas kuj tau nyiaj SSI thiab.  

Yog nyob koj tus kheej yog tias: 

• Koj muaj koj ntaub ntawv xauj tsev tus kheej 

• Koj muaj ib chav rau koj tus kheej 

• Koj ua thiab yuav koj tej zaub mov koj tus kheej 

Yog koj yeej nyob rau ib qho chaw li nov thiab MSA tsis kam muab nyiaj rau koj, tiv tauj Legal Aid.  

Txhua yam nyiaj koj tau uas tshaj qhov nyiaj SSI ces yuav siv los xam koj qhov MSA, tiamsis yog tias koj ua haujlwm, ib feem ntawm koj cov nyiaj uas khwv tau los yuav tsis raug suav.  

Yog koj muaj feem tau MSA, tej thaum koj muaj feem tau ntau dua yog tias:

• koj yuavtsum noj zaub mov tshwjxeeb los ntawm kws kho mob sau cia

• muaj ib tus neeg sawv cev txais nyiaj rau koj, tus saib xyuas koj lossis tus neeg tswj pab koj uas yuavtsum tau them nyiaj rau
   
• koj muaj kev yuavtsum tau kho tej yam hauv lub tsev ib zaug lossis hloov tej rooj tog lossis cav siv hauv tsev

• koj them nqi tsev siab
  • koj tabtom tsiv tawm ntawm ib lub chaw lossis ib qhov kev pabcuam txog txoj kev nyuaj siab lossis
  • tau txais kev pabcuam tu tus kheej los ntawm Medical Assistance (MA)

Tsim, yog tias koj:

• Muaj 65 xyoo lossis ntau dua lossis
   
• Dig muag lossis xiam oob qhab thiab muaj hnub nyob 18 xyoo mus rau 65 xyoos
   
• MSA siv tib co cai tib yam li Social Security los xam seb leejtwg xiam oob qhab. Koj mus nrhiav tau ntaub ntawv txog qhov no ntawm Social Security Administration lub vassab www.ssa.gov. (lus Askiv xwb)

Koj cov nyiaj tau los yuav tsum tsawg dua qhov teev saum toj. Mus thov, sau daim ntawv thov ntawm koj lub nroog tsoom fwv lub hoobkas lossis thov online ntawm https://mnbenefits.mn.gov/. (lus Askiv xwb). Koj hu xovtooj mus thov los tau thiab lossis nug kom lawv xa ib daim ntawv tuaj rau koj. Ib tug neeg ua haujlwm mas li saib xyuas koj cov nyiaj txiag thiab cov cuab tam seb koj puas tsim nyog tau kev pab.    

Khoom ntiag tug txhais tau tias nyiam thiab khoom vajtse. Yog koj tau SSI, tus nqi txwv ntawm khoom ntiag tug rau MSA yog raws tib yam li SSI. Qhov no txhais tau tias ib tug neeg muaj tau mus txog $2,000 khoom ntiag tug. Ib khub niam txiv muaj tau mus txog $3,000. Tiamsis tej yam khoom tsis suav:

• Lub Tsev Nyob
• Tus kheej tej khoom thiab cuabyeej hauv lub tsev
• 1 lub tsheb, tsis sauv tus nqi licas, tsuav tias koj lossis lwm tus hauv koj lub tsev siv xwb
• Txhua yam khoom lossis twj uas koj siv los pab koj tus kheej
• Nyiam isalas thiab txheej txheem rau kev tag sim neej uas mus txog $1,500
• Chaw zais qauv
   

Tus nqi ntawm cov khoom ntiag tug uas txwv tsis pub dhau yuav siab tshaj rau tej txhia neeg uas tsuas tau Social Security Retirment lossis Disability xwb tiamsis ho tsis tau SSI.

Qhov Emergency Minnesota Supplemental Assistance (EMSA) tsis muaj lawm. Yog koj muaj xwmtxheej ceev, mus ua ntaub ntawv thov rau qhov Emergency General Assistance. Mus saib peb daim ntawv ntawm Kev Pab Nyiaj Rau Xwm Ceev.

Koj muaj cai tsis pom zoo rov hais dua. Muaj 2 txoj kev rau koj tsis pom zoo rov hais dua:

Hauv online:
Koj mus sau rau daim ntawv thiab xa koj qhov kev tsis pom zoo rov hais dua rau lub vassab. Mus rau: https://mn.gov/dhs.

• Nias qhov “How do I” uas nyob saum toj ntawm phab nplooj no
• Hauv qab qhov “Find” nias qhov “edocs and forms”
• Nias koj hom lus
• Ntaus 0033 rau txoj kab sau ntawv nrhiav
   

Kuj muaj lus qhia thiab yog tias koj xav nyeem. Nyeem kom zoo, sau kom tiav tagnrho thiab nias “Submit” uas nyob hauv qab ntawm sab xis. Nws yog tswvyim zoo rau koj luam ib daig rau koj tus kheej.
 

Xa ntawv lossis xa fax mus:
Koj muaj feem sau ntawv thiab xa mus lossis xa fax mus. Hais rau tias koj rov hais dua txog MSA kev txiav txim thiab vim licas. Saib kom zoo tias koj yeej tau sau tus zauv ntawm koj rooj lus thiab sau hnub tim nyob rau koj daim ntawv. Luam ib daig rau koj khaws cia. Cov ntawv uas lub nroogxa ntawv tuaj rau koj yuavtsum muaj qhov chaw nyob thiab tus fax koj toobkas.

Rau ntaub ntawv ntxiv mus saib peb daim ntawv tseeb, Rov Hais Dua Txog Tsoomfwv Nyiaj Pab Pejxeem (Welfare) rau DHS.

Koj muaj 30 hnub los ua ntaub ntawv rov hais dua pib rau hnub tim uas nyob ntawm daim ntawv qhia tias tsis txais koj. Koj muaj feem rov hais dua ua ntej dhau 90 hnub ntawm daim ntawv yog tias koj muaj tej yam tseemceeb ua rau koj rov hais dua tsis tau ua ntej 30 hnub.

Koj yuav tau mus hais rooj plaub rau ib tug lws txiav txim nrog rau hauv lub xeev pab tib neeg mloog, uas yuav sau ntawv txiav txim rau koj rooj rov hais dua. Yog koj muaj xwmtxheej ceev, nug kom lawv muaj kev rov hais dua sai (“sai” txhais tau tias ceev). Thaum no ces koj rooj plaub rov hais dua yuav teem tau ceev.