Tau Nyiaj Hli Yug Menyuam

Yog koj tau tus menyuam nrog koj nyob, tsev hais plaub hais tau kom tus niam/txiv tom ub them nyiaj rau koj pab them tej nuj nqi rau tus menyuam. Qhov no hu uas nyiaj hli yug menyuam. Koj tau txiav txim nyiaj hli yug menyuam thaum sib nrauj, ua ntawv sib cais, kuaj seb puas yog leej txiv, sib hais seb leejtwg tau menyuam, lossis ib feem ntawm daim Ntawv Tiv Thaiv (OFP). Yuav khoom plig, khaub ncaws lossis zaub mov noj rau tus menyuam tsis suav tias yog nyiaj hli yug menyuam. 

Nyiaj hli yug menyuam muaj 3 theem:

• Yuav Tsum Yug – Ib feem ntawm koj tus menyuam kev siv nyiaj yog zaub mov, khaub ncaws, vajtse thiab thauj mus los
• Them Zos Menyuam – Ib feem ntawm them zos menyuam thaum koj ua haujlwm lossis mus kawm ntawv 
• Them Kho Mob – Tagnrho lossis ib feem ntawm isalas kho mob thiab lwm yam nqi kho/kuaj mob rau koj tus menyuam

Nco ntsoov nug koj tus neeg ua haujlwm nyiaj hli yug menyuam lossis tus kws lij choj, lossis tus kws txiav txim kom tus niam/txiv tom ub pab them zos menyuam thiab kho mob. 

Minnesota muaj kevcai teem txog yuav tsum them nyiaj hli yug menyuam npaum li cas. Nws hu uas income shares. “Income shares” teem nyiaj hli yug menyuam los ntawm saib niam thiab txiv cov nyiaj tau los ua ntej txiav se. “Gross income” yog tagnrho koj cov nyiaj khwv tau los ua ntej txiav se tawm.

Lawv kuj muab lwm yam los saib thiab, xws li nyiaj hli yug menyuam rau lwm tus menyuam lossis yug lwm tus txij nkawm, thiab leej niam/txiv cov menyuam nrog nws nyob. 

Yuav Tsum Yug: Tom qab paub niam thiab txiv qhov nyiaj khwv tau los ua ntej txiav se tawm, muab nkawv cov nyiaj khwv tau los ntxiv ua kev. Muab qhov nyiaj ua kev no piv rau cov muaj teem tseg tias niam txiv ua tau nyiaj npaum li no siv pestsawg rau lawv cov menyuam. Ces muab tus lej tau ntawm qhov teem ntawd faib rau ob niam txiv. Nws tsis yog faib sib npaug txhua zaus. Nws yog faib raws li nyias qhov feem puas tau nyiaj khwv los uas muab tus lej sib ntxiv tagnrho. Piv txwv, tej zaum niam/txiv qhov nyiaj tau los yog 60% ntawm qhov nyiaj tau los thiab tus tom ub yog 40% xwb. Muab tus lej tau los ntawm qhov teem faib rau 60% thiab 40%. 

Sijhawm nrog menyuam cuam tshuam tus nqi nyiaj yug menyuam: 

• Menyuam nrog niam/txiv pw ntau hmo dua, ces tau them nyiaj yug tsawg dua. 
   
• Yog niam thiab txiv tau cov menyuam yuav luag sib npaug thiab nkawv khwv tau nyiaj sib npaug, ces tsis tau them nyiaj hli yug menyuam. 
   
• Yog niam txiv nyiaj khwv tau los tsis sib npaug, tej zaum tus niam/txiv khwv tau nyiaj ntau dua yuav tau them mentsis nyiaj hli yug menyuam rau tus tom ub. 
   
• Yog niam/txiv tau sijhawm ntau dua tub tom ub nrog cov menyuam, tej zaum tus tau sijhawm tsawg dua yuav tau them tus tom ub nyiaj hli yug menyuam txawm tias nws khwv tau nyiaj tsawg dua.

Pab Them Kho Mob thiab Zos Menyuam: Ntxiv rau cov yuav tsum them yug menyuam, ob niam txiv muaj txoj luag haujlwm los them ib qho ntawm nkawv cov menyuam cov nqi kho mob thiab zos menyuam. Hais ntxiv, qhov no yog muaj faib raws li nkawv qhov nyiaj khwv tau los.

Yog tus niam/txiv tsis tau tus menyuam qhov nyiaj khws tau los qis dua qhov teem rau neeg pluag, nws them qhov tsawg kawg rau nyiaj hli yug menyuam. Qhov teem tsawg kawg yog $50 tauj ib hli rau 1 lossis 2 tug menyuam, $75 tauj ib hli rau 3 lossis 4 tug menyuam thiab $100 tauj ib hli rau tshaj 5 tug menyuam rov saud.   

Yog koj paub tus niam/txiv tom ub khwv tau nyiaj npaum li cas ces koj yuav paub tsim tsawv tias tsev hais plaub yuav txiav txim kom nws them nyiaj hli yug menyuam npaum li yog koj siv Minnesota qhov kev laij nyiaj hli yug menyuam hauv vas sab ntawm http://childsupportcalculator.dhs.state.mn.us (lus Askiv xwb). Nyeem cov lus sau qhia. Lawv qhia koj siv li cas thiab yam koj toobkas. Koj yim sau tau ntau, koj yim muaj feem tau tus lej yog. Tej zaum yuav tsis paub meej tabsi yuav pab qhia mentsis tias yuav zoo li cas hauv tsev hais plaub.

Tej zaum teem nyiaj hli yug menyuam siab zog lossis nqi zog cov kevcai teem nyob ntawm: 

• Nyiaj khwv tau los, cov cuab tam, cov kev siv, thiab tej toobkas los ntawm ob niam txiv, thiab
• Kev toobkas tau thiab cov kev siv los ntawm cov menyuam.

Yog tus niam/txiv yuav txij nkawm tshiab lossis nrog lwm tus nyob, tsev hais plaub tsis suav tus txij nkawm tshiab lossis tus nws nrog nyob qhov nyiaj khwv tau los.

Yog lub IV-D Unit pab koj, lawv siv txoj tus Txheej Txeem Nrhiav Kev Yug Nyiaj Ceev (Expedited (Ceev) Support Process). Siv tsis tau txoj kev txiav txim siab rau lwm yam xws li kev xyuas menyuam lossis leejtwg tau menyuam. Koj yuav tsum ntawv tshiab rau cov ntawd.  Tus txheej Txeem Nrhiav Kev Yug Nyiaj Ceev pab niam txiv sib kho tau tej teebmeem txog nyiaj hli yug menyuam ceev thiaj yoojyim. 

Lub IV-D Unit pib los ntawm xa daim ntawv Summons thiab Complaint mus cob rau ob niam txiv. Cov ntawv no muaj ob niam txiv cov nyiaj khwv tau los thiab nqi siv nyiaj, thiab tej zaum muaj tus nqi nyiaj hlis yug menyuam.  

Txawm yog lub IV-D Unit pab koj ua ntawv thiab tsis pab los koj yeej tseem yuav tau ua daim ntawv lav txog nyiaj txiag. Koj mus muab tau daim ntawv lav txog nyiaj txiag ntawm Department of Human Services lub vas sab. Nws muaj ntawv tseem ceeb koj yuav tsum muab xa nrog daim ntawv lav txog nyiaj txiag, xws li

• Tw tshev rau 3 lub hli tas los lawm
   
• Daim ntawv qhia txog cov ntawv them nqi thiab siv tawm, yog koj ua haujlwm rau koj tus kheej 
   
• Luam koj daim ntawv ua se nyuam qhuav tag no nrog rau koj daim W-2, daim ntawv 1099, cov ntawv txog nyiaj tau vim poob haujlawm thiab nyiaj pab ntxiv rau neeg ua haujlwm.
   
• Lwm cov ntawv uas qhia txog nyiaj tau los.

Yog koj tsis ua daim ntawv lav txog nyiaj txiag, tsev hais plaub teem qhov koj them nyiaj hli yug menyuam raws li lwm cov povthawj. Tsis pub koj hais lus povthawj txog koj cov nyiaj khwv tau los tsuas yog ntse tsev hais plaub pom tau tais koj muab tsis tau cov ntawv ntawd. 

Yog niam txiv tsis teb cov ntawv lossis thov kom hais rooj plaub, lub IV-D Unit hais kom lub tsev hais plaub txiav txim nyiaj hli yug menyuam raws li cov lus lawv tau nyob hauv cov ntawv.

Yog niam/txiv lossis lub IV-D unit thov kom hais rooj plaub, mam li theem. Rooj plaub yog hais los ntawm tus mloog plaub nyiaj hli yug menyuam lossis tus kws txiav txim plaub. Nroog Hennepin siv tus mloog plaub (magistrate). Ntawm rooj plaub, ob niam txiv muaj sijhawm los qhia txog tej muaj tseeb txog nkawv tej nyiaj txiag thiab kev siv.

Tom qab hnov cov lus povthawj tag, tus mloog plaub nyiaj hli yug menyuam lossis tus kws txiav txim yuav tsum xa cov lus txiav txim tuaj tsis pub dhau 30 hnub. Yog niam lossis txiv tsis txaus siab txog qhov lus txiav txim, nws thov tau kom coj rov los saib dua tsis pub dhau 20 hnub thaum txais tau lus txiav txim.

Ob niam txiv sib pom zoo txog qhov them nyiaj hli yug menyuam thaum twg los tau thiab lub IV-D unit mam li pab koj muab cov lus pom zoo mus ua qhov lus txiav txim. 

Tsis toobkas. Tabsis yog koj rooj plaub raug mus hais plaub, tej zaum koj yuav toobkas ib tug. Tej zaum ib tug neeg ua haujlwm thiab tus kws lij choj hauv lub IV-D Unit yuav tuaj hauv rooj plaub thiab hais kom them nyiaj yug menyuam tabsis tus neeg ua haujlwm IV-D thiab tus kws lij choj tsis yog sawv ces rau niam los txiv.

Tsis yog. Tsev hais plaub txiav txim tau kom them nyiaj hli yug menyuam rau lwm cov plaub: 

• Plaub sib txeeb menyuam
• Sijhawm Niam Txiv mus Saib Menyaum
• Muab cuab tam tug sib faib
• Sib ceg/ntaus hauv tsev

Qhov no suav sib nrauj, ua ntawv sib cais, thiab Ntawv Tiv Thaiv tib si.

Tagnrho cov txiav txim rau them nyiaj hli yug menyuam yeej muaj qhov nqi-nce-noj haus (COLAs) suav rog. Tsev hais plaub tsuas tshem tawm qhov COLA yog tias tus niam/txiv tom ub qhov haujlwm tsis muaj nce nyiaj li lossis yog tsev hais plaub txiav txiv kom nce nyiaj rau lwm qhov kev yug lawm.

Tus nqi COLA yog nyob ntawm khoom kim npaum li cas. Koj tau qhov nce 2 xyoo ib zaug. Yog koj siv lub IV-D chav ua haujlwm, lawv mam cia li ua rau koj. Yog koj tsis siv IV-D, koj yuav tsum mus hauv tsev hais plaub kom nce rau koj. 

Koj ntiav ib tus kws lij coj los pab koj kev nyiaj hli yug menyuam los tau, tabsis tsis tas koj ua li ntawd. Lub IV-D unit yuav tsum pab koj

• Nrhiav tus niam/txiv ploj
• Kuaj kom tau leej txiv, yog toobkas
• Kom tsev hais plaub teem tus nqi nyiaj hli yug menyuam
• Kev nyiaj tamsim no thiab nyiaj tiv yas tas (txawm yog tias tus niam/txiv tom ub nyob lwm lub xeev) 
• Kom tsev hais plaub txiav txim rau isalas kho mob yog tus niam/txiv tom ub muaj tsis kim heev 
• Kev nyiaj yug tus niam/txiv (alimony) yog tsev hais plaub tau txiav txim
• Hloov kev txiav txim rau nyiaj yug (rau tej cov plaub) 
• Kom ua raws li qhov txiav txim rau koj

Cov kev pab no yog rau tagnrho cov tsev neeg, txawm yog leejtwg tau cov menyuam los xij.

6 hli tom qab koj tau koj qhov lus txiav txim, koj mam li nug tsev hais plaub kom muaj rooj plaub hais seb tus niam/txiv tom ub puas them nyiaj hli yug menyuam tiag. Tsev hais plaub mam li muab ib daim ntawv los nrog koj qhov lus txiav txim. Yog koj xa nug kom hais rooj plaub, koj yuav tsum muab daim ntawv sau kom tiav thiab xa nws mus rau tsev hais plaub thiab tog tom ub. 

• Yog koj tau MFIP lossis lwm cov tsoom fwv kev pab: 
  Lub IV-D unit yuav tsum pab koj kev nyiaj hli yug menyuam, tsis them dabtsi li. Thaum tsev hais plaub txiav txim kom them nyiaj yug lawm, lub IV-D yuav tsum kev nyiaj los ntawm txiav nyiaj ntawm tus niam/txiv tom ub daim tshev tom haujlwm. Yog koj tau MFIP nyiaj ntsuab, koj yuav tau koj qhov nyiaj hli yug menyuam tabsis yuav txiav tawm qhov nqi koj tau nyiaj hli yug menyuam ntawm koj qhov MFIP 2 hli tom qab. 
  
  Koj kev tau nyiaj hli yug menyuam mus txog $100 tauj ib hli rau 1 tug menyuam thiab $200 tauj ib hli rau 2 lossis tshaj tus menyuam thiab tsis tau txiav koj qhov MFIP.
  
  Yog koj tau MFIP, nroog pab zos menyuam, lossis pab them kho mob Medical Assistance (MA), lub IV-D chav ua haujlwm khaws koj ib qho nyiaj yug menyuam uas yog muab los them zos menyuam lossis kho mob.

• Yog koj tsis tau MFIP lossis lwm yam kev pab ntawm tsoom fwv: 
  Lub IV-D chav ua haujlwm yuav tsum pab koj yog koj tau qhov txiav txim kom them nyiaj hli yug menyuam. Koj yuav tsum ua ntawv thov kev pab. Hu rau koj lub nroog lub hoobkas IV-D mus ua ntawv thov. Lawv tau tsev hais plaub daim ntawv txiav txim kom txiav tawm nyiaj hli yug menyuam ntawm tus niam/txiv tom ub daim tshev tom haujlwm thiab xa mus rau lub IV-D chav ua haujlwm. Ces lawv mam li xa tuaj rau koj. Lawv khaws 2% ntawm qhov nyiaj kev tau los khiav ntaub ntawv.

Koj hais tau kom tsev hais plaub hais kom tus niam/txiv tom ub them koj ncaj qha yog tias: 

• Yav tas los lawm them raws sijhawm
• Tsev hais plaub pom tau tias them nyiaj hli yug menyuam ncaj qha rau koj zoo dua rau koj tus menyuam thiab
• Tus niam/txiv tom ub pom zoo, thiab tsev hais plaub pom zoo 

Thaum koj xub thawj thov kev pab:

• Thaum koj mus tim lawv lub hoobkas, lawv yuav tsum muab daim ntawv thov tib hnub ntawd rau koj. 
   
• Lawv yuav tsum txais koj daim ntawv thov hnub uas koj ua tiav thiab them tus nqi.
   
• Yog koj hu lawv hauv xov tooj, lawv yuav tsum xa daim ntawv thov tuaj rau koj tsis pub dhau 5 hnub ua haujlwm. 

Tom qab lawv tau koj daim ntawv thov lossis tau koj cov ntawv los ntawm tus neeg ua haujlwm rau MFIP pab koj:

• IV-D muaj 20 hnub los qhib ib cov ntaub ntawv rau koj.  
   
• Rau lub sijhawm no, lub IV-D Chav ua Haujlwm yuav tsum txiav txim siab tias koj toobkas kev pab dabtsi thiab muab kom tau cov lus muaj tseeb rau koj cov ntaub ntawv. Lawv yuav tsum txiav txim siab seb lawv puas toobkas nrhiav tus niam/txiv tom ub, teem kuaj kom tau leej txiv, lossis puas ua kom tau ntawv txiav txim them nyiaj hli rau menyuam. 
   
• Lawv muaj sijhawm teem tseg rau txhua kauj ruam. Piv txwv, lub nroog yuav tsum ua ntawv kom tau lus txiav txim nyiaj hli them tsis pub dhau 90 hnub tom qab nrhiav tau tus niam/txiv ploj lawm lossis paub leej txiv yog leejtwg. 

Lub IV-D Unit yuav tsum them koj cov nyiaj hli yug menyuam tsis pub dhau 2 hnub ntawm hnub lawv tau nws. Lawv yuav tsum xa ntawv qhia koj txhua hli tias thaum twg lawv txais nyiaj hli rau koj thiab yog pestsawg. Yog koj pom muaj dabtsi yuam kev, koj yuav tsum thov kom coj los saib tsis pub dhau 30 hnub.

• Sau ib daim ntawv mus rau koj lub nroog tus thawj coj ntawm lub koomhaum nyiaj hli yug menyuam (IV-D). Qhia kom meej tseeb txog yam lub IV-D Unit ua txhaum thiab vim li cas. Sau koj chaw nyob, hnub tim thiab koj tus naj npawb rooj plaub. Luam ib daim rau koj khaws cia.
   
• Yog qhov teebmeem tsis piav meej lossis kho tsis tau ntawm 30 hnub, sau ib daim ntawv mus rau: 
  DHS: Child Support Enforcement Division
  P.O. Box 64946
  St. Paul, MN 55164-0946
   
• Yog qhov ntawd tsis tau thiab, sau ntawv mus rau: 
  Administration for Children and Families
  Child Support Enforcement
  233 N. Michigan Ave., #400
  Chicago, IL 60601-5519