Thaum Lawv Khaws Koj Cov Nyiaj Se Los Ntawm Xeev

Tus sau

Education for Justice

Read this in

Try our Quiz

After you're done reading this page, take a short quiz to test what you've learned!

Daim ntawv qhia no tham txog thaum twg lub xeev thiaj li khaws tau thiab tsis tau koj cov se koj tau rov qab los.

Khaws nyiaj se ua tau los yog dabtsi?

Lub Minnesota Department of Revenues muaj peev xwm khaws cov nyiaj koj ua se ntawm cov nyiaj hauj lwm, vaj tse thiab cuv xab lab yeej yog tias koj tshuav ib lub xeev lossis lub nroog koomhaum nqi. Lub hauv paus ua se yuav xa qhov se koj ua tau mus them nuj nqi uas koj tshuav. Qhov yog hu ua “khaws nyiaj se ua tau los” (revenue recapture). Siv nws mus them nyiaj nom tswv them tshaj rau koj, tej nuj nqis kho mob los ntawm cov tsev kho mob, nyiaj txais them nqi kawm ntawv, nyiaj pab hlis yug cov menyuam, tej nqi yus tshuav rau nom tswv cov vaj tse, thiab tej nqi rau kev txhaum txim.

Puas muaj cov sijhawm lawv muab tsis tau kuv cov se ua tau los?

Txawm yog koj tshuav nqi, lawv muab tsis tau yog tias koj cov se ua tau los yog:

Koj Qhov nuj nqis yog rau nqi kho mob THIAB koj cov nyiaj khwv tau rau lub sij hawm koj mus kho mob ntawd yog tau nyiaj tsawg dua li theem tseg. Qhov teem no hloov txhua xyoo. Hu mus rau Department of Revenue ntawm (651) 556-3003 kom paub xyoo koj mus kho mob teem nyia tau los lis cas. Qhov teem nyiaj khwv tau yog nyob ntawm pestsawg tus neeg tos kev noj haus nyob nrog koj xyoo ntawd.

Koj qhov nqi yog rau qhov nyiaj tsoom fwv, xws li MFIP lossis pab nyiaj zov menyuam THIAB koj tseem tau tej yam tsoom fwv pab zoo tib yam lossis SNAP (nyiaj muas noj). Tabsis lawv muab tau koj cov nyiaj ua se rov los thaum koj tseem tau nyiaj nom tswv yog tias koj tau txhob txwm dag los sis ua txhaum txoj cai rau cov khooskas pab.

Koj twb muaj txoj kev npaj maj mam them nrog lub koomhaum lawm, koj los yeej them li cog lus tseg thiab txoj kev npaj hais tias lawv yuav tsis siv khaws nyiaj se tau los.

qhov nuj nqis twb tau tshaj 6 xyoo lawm. Yuav muaj tej txoj kev zam rau txoj cai no. Piv txwv, lawv kuj tseem khaws tau nyiaj se tau los rau nqi kawm ntawv txawm dhau 6 lub xyoo lawm.

Tagnrho cov uas tau teev tseg li saud, lawv khaws tsis tau koj cov nyiaj se tau los, tabsis koj yuav tsum sau ntawv qhia lawv.

Kuv yuav tau cov lus ceebtoom dabtsi yog lawv xav khaws kuv cov nyiaj se tau los?

Ua ntej tshaj, lub koomhaum xeev lossis nroog nug lub Department of Revenue kom muab koj cov nyiaj se tau los rau lawv. Ces tsis pub dhau 5 hnub, lub koomhaum uas xa tias koj tiv lawv nyiaj yuav tsum xa ib daim ntawv ceeb toom txog koj cov cai tuaj rau koj.

Daim ntawv ceeb toom yuav tsum qhia koj:

tus nuj nqis yog rau dabtsi, tus nqi yog pestsawg, thiab thaum twg tshwm sim
tias lawv xav siv khaws nyiaj se ua tau los
qhia tias koj muaj cai tawm tsam cov nuj nqis thiab tias puas tsim nyog siv txoj cai tuaj nqa tej nyiaj se tau los
tias koj yuav cam qhov khaws nyiaj se tau lo li cas,
koj muaj cai rov sib hais dua

Yuav rov hais dua li cas?

Sau ntawv mus rau lub koomhaum hais tias koj tshuav lawv nqi, tsis yog Department of Revenue. Sau rau saum toj koj tsab ntawv tias yog “Revenue Recapture Appeal.” Sau ob peb nqi lus qhia tias yog vim li cas lawv yuav tsum txhob nqa koj cov nyiaj ua se tau los.

Cov ntsiab lus yog tau:

koj tsis tiv nqi lossis
Txawm yog tias koj tiv nqi, koj raug tiv thaiv ntawm kev khaws nyiaj se tau los–saib saud.

Luam daim ntawv khaws cia. Lub koomhaum yuav tsum tau daim ntawv rov hais dua tsis pub dhau 45 hnub txij hnub lawv xa daim ntawv ceebtoom tuaj rau koj. Lub koomhaum yuav tsum teem sij hawm mloog plaub tsis pub dhau 30 hnub. Koj tsis tas muaj kws lij choj, tiam sis kuj tsim nyog koj yuav tau hu mus sib tuav tswv yim nrog ib tug.

Koj tsis muaj cai muaj rooj mloog plaub yog tias qhov nuj nqis los ntawm tsev hais plaub qhov lus txiav txim.

Yog tsis muaj ntawv xa tuaj ceeb toom los koj yeej muaj cai rov sib hais dua:

Sau ntawv mus nug rau lub koomhaum kom rov sib hais dua
45 hnub uas muab rau koj rov mus nrog sib hais yuav tsis pib suav ntej koj txais tau ib tsab ntawv ntawd lawv tias yuav khaws nyiaj ua se tau los.

Yog lub koomhaum hais tias lawv twb xa tsab ntawv tuaj rau koj lawm, tiam sis koj yeej tsis tau txais, ces koj yuav tau kev rov sib hais nrog lawv los ntawm 2 qhe lus: Qhov ib, koj puas tau txais tsab ntawv tiag? Qhov ob, lawv puas nqa tau koj cov nyiaj ua se tau los?