Them Nyiaj Tshaj rau MFIP, GA, MSA, thiab SNAP

“Them nyiaj tshaj” yog thaum hauv lub nroog hais tias koj kev pab ntau tshaj qhov yuav tsum tau.  Qhov them tshaj muaj tshwm sim vim tias koj tsis qhia koj cov nyiaj tau los los sis lwm yam hauv ntaub ntawv rau koj tus neeg khiav dej num tam sim ntawd, los sis raws sij hawm.  Lub khoos kas hauv nroog yuam kom koj them rov qab qhov nyiaj tshaj ntawd vim koj tsis qhia raws cai.

Them nyiaj tshaj muaj tshwm sim thaum lub khoos kas hauv nroog ua yuam kev thaum laij koj cov nyiaj.  Rau (SNAP) thiab (MFIP) nyiaj muas noj, tsis yog them tshaj lawm los tsis yog tim koj, txoj cai muab lub khoos kas hauv nroog qhov cai rov muab cov nyiaj them tshaj koj rov qab los.

Tab sis rau nyiaj ntsuab, GA, thiab MSA, txoj cai teev tias koj yuav raug them cov nyiaj tshaj rov qab vim lub khoos kas hauv nroog ua yuam kev yog tias Minnesota DHS txiav txim tias yog ib tug neeg paub thab yeej paub tias yuam kev tiag.  Piv txwv, koj paub tias qhov nyiaj koj tau  ntau tshaj ib txwm tau es koj yuav tsum paub tias yeej yuam kev lawm tiag.  

Daim ntawv qhia txog cov nyiaj them tshaj tuaj tej zaum yuav to taub nyuaj. Hu koj lub legal aid hoob kas yog koj muaj lus nug seb koj puas yuav raug them cov nyiaj tshaj rov qab uas tsis yog tim koj.

Yog koj tsis to taub seb lub khoos kas hauv nroog soj ntsuam cov nyiaj them tshaj li cas, hu nrog koj tus neeg khiav dej num thiab kom sau daim ntawv qhia “cov nyiaj.”  Daim ntawv qhia cov nyiaj yuav qhia cov nyiaj koj thiv tshaj txhua lub hli, thiab cov hli twg yog tau them nyiaj tshaj.

Yog koj tus neeg khiav dej num tsis pab koj thaum koj hu nws, hu mus nrog koj tus neeg khiav dej num tus nais tham es nug kom meej txoj qhov nyiaj ntawm.

Yog koj xav tias koj tsis tau txais cov nyiaj them tshaj, los yog koj tsis pom zoo qhov nyiaj lawv hais tias koj tiv, los sis koj xav tias koj yuav tsum tsis txhob raug them cov nyiaj rov qab, koj muaj cai rov hais dua.  Koj yuav tau sau ib daim ntawv yog xav rov hais dua.

Tsuas pub 30 Hnub ntawm hnub koj tau txais cov nyiaj tshaj los rov hais dua qhov xwm txheej  tau MFIP, G/A thiab MSA.  Yog koj rov hais dua MFIP, GA los sis MSA nyiaj them tshaj tom qab 30 hnub tab sis tsis tau muaj 90 hnub, koj yuav tsum muaj pov thawj tseem ceeb vim li cas koj thiaj li lig.

Rau SNAP nyiaj them tshaj, koj muaj 90 Hnub ntawm hnub koj txais thawj daim ntawv qhia them nyiaj tshaj rov hais dua.

Nco ntsoov kom zoo tsis txhob cia lub sij hawm dhau thaum koj tos daim ntawv laij nyiaj.

Koj muaj feem mus sau daim ntawv thiab xa koj qhov rov hais dua hauv online.  Mus rau https://mn.gov/dhs/

• Nias qhov “How do I” lub npov saum toj nplooj no
• Hauv qab “Find” nias “edocs and forms”
• Nias koj hom lus
• Ntau 0033 rau ntawm lub npov tshawb “search bar”

Muaj lus qhia thiab yog koj xav nyeem. Nyeem daim ntawv kom zoo, teev kom meej nias “Submit” hauv qab, sab xis.  Nco ntsoov luam ib daim tseg rau koj khaws cia.

Yog koj tsis xav teev ntawv hauv online, sau tau ib daim ntawv hais txog vim li cas koj ho xav tias cov nyiaj them tshaj tsis yog.  Nco ntsoov sau koj tus zauv cim rooj plaub thiab hnub tim rau daim ntawv.  Khaws ib daim tseg rau koj.

Xas daim ntawv mus rau:      
  MN Department of Human Services
  Appeals Office
  PO Box 64941
  St. Paul, MN 55164-0941

LOS SIS koj kuj xa tau daim ntawv fax.  Tus fax naj npawb ntawm State Appeals Office yog (651-431-7523).  Khaws daim ntawv fax tseg cia.

Yog ib qho zoo tswm yim xa los sis fax ib daim ntawv luam tseg txog qhov rov hais dua qhov xwm txheej rau koj tus neeg khiav dej num thiab.

Yog koj tsis rov hais dua qhov them nyiaj tshaj (los sis lub sij hawm rov mus hais dua dhau lawm) qhov them nyiaj tshaj meej lawm.  Txhais tau tias lub xeeb muaj cai yuam koj them cov nyiaj rov qab.  Lawv yuav ua 1 los ntawm 3 yam nov:

• Yog koj tau (MFIP), GA, los sis MSA, los sis SNAP, lub xeev muaj feem txiav ib qho tawm koj cov nyiaj txhua lub hli los them qhov nyiaj tshaj.  Qhov no hu ua “recoupment” muab rov qab.

• Yog tias tam sim no koj tsis tau MFIP, GA los sis MSA, los sis SNAP, koj muaj feem teem ib qhov kev npaj maj mam them thiab rov qab them ib co nyiaj tshaj ntawm txhua lub hli.

• Tej zaum, lub xeev yuav siv qhov txheej txheem hu “revenue recapture” rov txhom tau los txiav ntawm koj cov nyiaj ua se, tau rov qab, los sis nyiaj yeej “lottery” los mus them cov nyiaj them tshaj.  Saib peb daim ntawv tseeb Thaum Lawv Tsuab Koj Qhov Nyiaj Thim Se.

Lub Xeev tsis tshua txiav nyiaj tawm ntawm ib tug daim tshev (garnishing), tab sis lawv muaj feem ua tau yog lawv txiav txim ua.  Yog lub xeev xav ua li no, lawv yuav tsum tau xa cov ntaub ntawv hais txog koj cov cai thiab kev zam ntawm txiav nyiaj tom hauj lwm tuaj rau koj.  Saib peb daim ntawv tseeb Tuav Nyiaj Thiab Koj Cov Cai. 

Muaj tej rooj them tshaj, lub khoos kas hauv nroog tej zaum yuav txwv tsis pub tus neeg tau kev pab ntxiv dua.  Qhov no hu “administrative disqualification” cov thawj txiav txim tsis tsim nyog muab. Saib peb daim ntawv tseeb Cov Rooj Plaub Ntawm Kev Dag Noj Tsoom Fwv Nyiaj.

Yuav txwv kom koj txhob txais tau kev pab, lawv yuav tsum muaj pov thawj los hais tias koj txhob txwm khib lav qhov chaw pab nyiaj. Lub khoos kas hauv nroog tej zaum yuav kom koj xee daim ntawv tso tseg koj cov cai yuav tsis mus hais qhov xwm txheej thiab txais qhov tsis muab lawm.  Yog koj xee lawm, koj muaj cai pauv tswv yim tom qab thiab kom mus hais rooj plaub.  TAB SIS koj yuav tsum teev hauv daim ntawv thiab lub khoos kas hauv nroog yuav tsum txais tau koj daim ntawv ua ntej:

1. qhov tsis muab lawm pib los sis
2. ntawm 30 hnub uas kos npe ntawm daim ntawv tso tseg, saib qhov twg ua ntej.
   ​​​​​​​

Xav kom zoo ua ntej koj yuav txiav txim seb koj yuav kos npe ntawm daim ntawv tso tseg.

Vim lub khoos kas hauv nroog sim muaj pov thawj tias koj khib lav, txhob tham nrog tus kws saib xyuas kev dag tham.  Lawv muaj feem coj cov lus koj tau hais, rov los foob koj tau, ces zoo dua  koj txhob nrog lawv tham.  Yog tus kws saib xyuas kev dag tuaj tom koj tsev, txhob cia lawv nkag los hauv tsev.  Koj tsis tas yuav tham nrog koj tus neeg khiav dej num txog cov nyiaj them tshaj.

Lub khoos kas hauv nroog kuj ua tau ntaub ntawv foob koj yog lawv xav tias koj tau khib lav.  Legal Aid tsis hais cov plaub raug txim li no.  Koj yuav tsum tau nrog ib tug kws lij choj hais plaub raug txim li no tham yog koj raug foob lub txim dag tsoom fwv noj nyiaj pab neeg.

Hauv nroog Hennepin, hu Legal Rights Center ntawm (612) 337-0030 los sis ntawm Hennepin County Public Defender (Kws Lij Choj Dawb) ntawm (612) 348-7530.

Hauv nroog Ramsey, hu Neighborhood Justice Center ntawm (651) 222-4703 los sis Public Defender (Kws Lij Choj Dawb) ntawm (651) 757-1600.

Lwm lub nroog, hu rau lub hoob kas kws lij choj dawb “public defender” los sis nug kom tau ib tug hauv tsev hais plaub.