Cov Nyiaj Muas Noj Thaum Muaj Xwm Ceev

“Expedited” txhais tias yuav tsum muab kom sai li sai tau. Yog tias koj tsim nyog tau, lawv yuav tsum muab qhov nyiaj muas noj sai rau koj li ntawm 5 hnub. Ntawm ib co, tej zaum koj txais pob nyiaj li ntawm 1 hnub. Tsis tas tos kom koj tsis muaj zaub mov noj. Lawv yuam tsis tau kom koj mus nqa zaub mov tom ib lub koom haum pub zaub mov noj dawb los sis pem tej vis ham ua ntej.

Koj tsim nyog tau pob nyiaj muas noj sai li sai tau yog koj tsis muaj nyiaj yuav zaub mov vim hais tias:

• Koj cov nyiaj them tsev xauj los sis nqi tsev nyob, nrog rau nqi fais fab, dej, cua sov/txias ntau tshaj qhov nyiaj koj ua hauj lwm ntxiv rau cov nyiaj ntsuab nyob ntawm tes los sis nyob tom tuam txhab tso nyiaj; los sis

• Koj cov nyiaj tau rau ib lub hlis twg ua ntej txiav se tsawg dua li $150, thiab koj muaj tsawg tshaj $100 nyiaj ntsuab los sis nyob tom tuam txhab tso nyiaj. Gross income txhais tias cov nyiaj them rau koj ua ntej txaiv se tawm.

Rau pob nyiaj MFIP los sis GA nyiaj ntsuab, koj yuav tsum tau tos 30 hnub tom qab koj tsiv los nyob rau hauv Minnesota. Lub sij hawm yuav tsum tos 30 hnub no TSIS raug cov nyiaj muas noj.

• Yog tias lub hlis no koj twb txais tau nyiaj muas noj los ntawm lub xeev koj nyob ua ntej koj tsiv, ces yuav tsum tau tos txog lwm lub hlis mam li tau nyiaj muas noj no.

• Yog tias koj tsis tau nyiaj muas noj ntawm lub xeev koj nyob ua ntej koj tsiv los, ces koj muaj feem xyuam tau cov nyiaj muas noj sai li sai tau ntawm Minnesota.

Yog tias koj tab tom khiav tawm ntawm vim koj tsev neeg muaj kev sib ceg sib ntaus,  koj muaj feem xyuam tau cov nyiaj muas noj no sai li sai tau ntau zaus thiab cov cai   saum toj no yuav tsis raug koj.

Koj tsim nyog tau nyiaj muas noj sai li sai tau yog tias:

• Txhua cov nyiaj koj tau thaum lub hli koj ua ntaub ntawv thov, them rau koj ua ntej hnub koj ua ntawv thov THIAB

• Koj qhov chaw ua hauj lwm yuav tsis them nyiaj ntxiv rau koj lub hli koj ua ntawv thov, THIAB

• Yuav tsis muaj tshaj li $25 them rau koj los ntawm lwm qhov chaw tshiab li 10 hnub tom ntej no.

Qhov chaw ua hauj lwm saib xyuas cov nyiaj muas noj yuav tsis muab tej nyiaj koj qhov chaw ua hauj lwm muab pab rau koj tsiv los ntaus nqi seb koj puas tsim nyog tau nyiaj muas noj.

Mus rau ntawm koj qhov chaw ua hauj lwm saib xyuas cov nyiaj muas noj. Feem ntau cov nroog hauv Minnesota no ces yog lub chaw hu ua Economic Assistance Office.

• Mus sau daim ntaub ntawv thov. Yog sij hawm luv, yuav tsum muab sij hawm txaus rau koj sau koj lub npe thiab chaw nyob, teev hnub tim thiab kos lub npe. Koj mam sau tej ntaub ntawv kom tas tom qab los tau.

• Yuav tsum muaj ntaub ntawv pov thawj qhia koj yog leej twg. Tej ntaub ntawv xws li koj daim ntawv tsav tsheb los sis daim ntawv hauv xeev cim koj (state ID), tiam sis muaj lwm yam ntaub ntawv pov thawj qhia koj yog leej twg los tau. Txawm tias yog ib tug xov tooj ntawm ib tus neeg paub koj thiab lees paub tias koj yog leej twg – xws li tus ua hauj lwm tom lub tsev cov neeg tsis muaj tsev nyob, koj los sis ib tug txheeb ze. Yog tias koj tsis muaj ib yam pov thawj li, ib daim ntawv kos koj lub npe lees tias koj yog leej twg yeej txaus lawm.

Yog koj xav tau kev pab tam sis ntawd, koj yuav tau mus ntsib fim ntsej fim muag seb koj puas tsim nyog tau cov nyiaj muas noj rau tib hnub koj mus thov ntawd.

Yog tias koj ua ntaub ntawv thov ua ntej hnub tim 15 ntawm ib lub hlis twg, koj yuav muaj feem xyuam tau nyiaj muas noj rau lub hli ntawd. Yog koj ua ntaub ntawv thov tom qab hnub tim 15 ntawm ib lub hlis twg, ces koj tsuas tau nyiaj muas noj rau cov hnub tseem tshuav nyob rau lub hlis ntawd lawm xwb.

Tsis muaj kev txwv tias koj yuav tsum tau cov nyiaj muas noj kom sai li sai tau ntau zaus npaum li cas tuaj rau ib lub xyoos los sis tag rau koj lub neej. Tsuav yog koj tau pob nyiaj muas noj uas muab raws caij nyoog rau tej lub hlis nruab nrab xwb.

Yog tias lawv tsis muab pob nyiaj muas noj sai li sai tau no rau koj, ces koj muaj cai coj mus hais dua. Mus sau ntawv ntsiab tias koj yuav rov hais dua pem lub hoobkas los sis sau ib tsab ntawv qhia lawv tias koj xav nrog lawv rov dua sai li sai tau. Sau hais tias xav rov hais dua “sai li sai tau” kom thiaj tshwm sim sai. Luam ib daim rau koj khaws tseg. Hu koj legal aid hoobkas sai li sai tau.

Xav paub ntxiv ces mus saib peb cov ntawv qhia tseeb, Rov Hais Dua Txog Tsoomfwv Nyiaj Pab Pejxeem (Welfare) rau DHS.

Yog xav kom tau lwm txoj kev pab thaum muaj xwm ceev, hu 211 thoob hauv lub xeev. Koj kuj ntaus koj tus zip code xa hauv xov tooj mus rau lawv ntawm 898-211 los sis mus nrog lawv sib tham rau hauv lub vas sab ntawm www.211unitedway.org.