Txheej Txheem ntawm Lub Tsev Hais Plaub Rau Tsev Neeg: ‘Early Neutral Evaluation’ (ENE)

Tom qab koj ua ntaub ntawv sib nrauj los yog sib txeeb menyuam ces koj yuav muaj rooj plaub sib tham hu ua Case Management Conference (ICMC). Koj yuav tau txais ib daim ntawv ICMC. Txhua lub zos muaj cai txawv txog daim ICMC. Saib koj daim ntawv koj paub tseeb txog yam dabtsi koj yuav tsum tau ua. Nco ntsoov luam ib muab ib daim rau tug neeg sab tov, los rau lawv tus kws lij thiab choj thiab. Ib co nroog tsis toobkas kom koj xa daim ntawv ICMC mus li.

ICMC yog qhov koj tshwm ntsej muag thawj zaug hauv lub tsev hais plaub rau tsev neeg (Family Court). Nws tshwm sim li ntawm 3 mus rau 4 lub lim tiam tom qab koj xa ntawv mus.

Qhov ICMC yog ib qho sib tham tsis ceev lus tseg nrog tus kws txiav txim, nrog koj, nrog tus neeg sab tov thiab koj tus kws lij choj yog tias koj muaj lawv. Lub tswv yim no yog rau txhua leej txhua tus los hais lus tau ywj siab thiab daws kom tau cov teeb meem kom ntau li ntau tau.

Yog tias tseem tshuav tej qho teeb meem uas daws tsis tau thaum muaj kev sib tham ICMC, tus kws txiav txim yuav nug kom muaj qhov Early Neutral Evaluation (ENE) ib qho txheej txheem ib co tsev hais plaub siv los sib khom txog seb tus menyuam nrog leej twg nyob, cov sij hawm rau niam txiv saib menyuam los yog kev tsis sib pom zoo txog nyiaj txiag sab nraum qhov kev hais plaub hauv lub tsev hais plaub. Tus kws txiav txim qee zaus yuav cia li ua hais rooj plaub mus tsis muaj qhov ENE, tabsis mam li kom muaj ib qho tom qab.

Early Neutral Evaluation (ENE) yog ib qho txheej txheem ib co tsev hais plaub siv los sib khom txog seb tus menyuam nrog leej twg nyob, cov sij hawm rau niam txiv saib menyuam los yog kev tsis sib pom zoo txog nyiaj txiag sab nraum qhov kev hais plaub hauv lub tsev hais plaub. Nws yeej yog nyob ntawm koj yeem, koj thiab tus neeg sab tov txiam txim seb neb yuav ua los tsis ua.

Tej zaum koj yuav tsis pom zoo rau ENE yog tias:

• Koj ntshai tus neeg sab tov.
• Tus neeg sab tov tau ua phem/ntaus koj.
• Tus neeg sab tov muaj ib tug kws lij choj thiab koj tsis muaj.
• Koj xav tias koj qhia tsis tau qhov tseeb txog koj tej kev txhawj xeeb tim ntsej tim muag ntawm tus neeg sab tov.
• Koj xav tias tus neeg sab tov yuav tsis muaj kev ncaj ncees.

• Qhov Social ENE yog rau cov teeb meem ntsig txog seb tus menyuam nrog leej twg nyob thiab cov teeb meem ntawm cov sij hawm rau niam txiv saib tus menyuam.
   
• Qhov Financial ENE yog rau qhov kev tsis pom zoo thaum sib faib cov khoom vaj tse (property). Cov khoom vaj tse yog cov nuj nqis tiv thiab.

ENE yog tswj los ntawm ib tug neeg soj ntsuam uas yog tus neeg nyob nruab nrab (evaluators) es yeej muaj keeb txog faim kev cai lij choj ntsig txog tsev neeg, (accountants) Ib lub zos twg teeb tsa lawv cov txheej txheem, cov sij hawm, thiab tus nqi them thiab muaj cov npe ntawm cov neeg nyob nruab nrab (evaluators).

Koj thiab tus neeg sab tod, los yog koj tus kws lij choj, xaiv cov neeg nyob nruab nrab (evaluators) ntawm daim ntawv teev cov npe lub tsev hais plaub muab rau koj.

Txeeb menyuam thiab menyuam nrog leej twg nyob ENE (SENE):

• Ntawm ob rooj plaub sib nrauj thiab ntsig txog seb tus menyuam nrog leej twg nyob, koj yuav tau paub txog seb tus menyuam nrog leej twg nyob, muaj kev txiav txim txhua rau nws (legal custody), (physical custody). Tus neeg SENE yuav pab koj leg 3 qho teeb meem no. Feem ntau rooj plaub, tus neeg SENE tsuas siv yog kws txiav txim yuam thaum tuaj hais qhov ICMC nkaus xwb.
   
• Qee lub zos xa koj mus rau lub tsev hais plaub Family Court Services kom muaj tus neeg SENE, tabsis lwm lub zos muab ib daim ntawv muaj cov neeg evaluators koj yeej xaiv tau. Cov neeg evaluators feem ntau lawv yog kws lij choj los yog lwm cov neeg uas kawm tawm paub hauj lwm zoo es lawv ua hauj lwm nrog tsev neeg tej teeb meem. Ib daim ntawv teev cov evaluators no cov npe nyob hauv online ntawm koj lub zos cov tsev hais plaub lub vas sab. 
   
• Koj, thiab tus neeg sab tod, thiab koj tus kws lij choj yog tias koj muaj lawv, sib ntsib nrog 2 tug neeg soj ntsuam nyob hauv nruab nrab (neutral evaluators). Ib tug yog txiv neeg ib tug yog poj niam kom thiaj li muaj kev ncaj ncees. Kom muaj tus neeg SENE feem ntau tshwm sim li 1 mus rau 3 lub lim tiam tom qab ICMC.
   
• Ntev li 3 teev yog lub sij hawm teem rau qhov SENE. Tabsis tej zaum nws yuav tas ua ntej los yog siv sij hawm ntev dua.
   
• Feem ntau muaj lub sij hawm teev koj yuav tsum ua kom tiav ua ntej lub sij hawm ntawd. Tus kws txiav txim thaum kom muaj kev sib tham ICMC yuav hais kom qhov SENE ua kom tiav ntawm ib lub sij hawm teev cia. Feem ntau yog 45 hnub.

Nyija Txiag ENE (FENE):

• Qhov FENE pab koj daws teeb meeb txog nyiaj txiag. Nyob rau hauv ib qhov kev sib nrauj, nws yuav lis txog them nyiaj yug menyuam (child support), nyiaj yug tus txij nkawm (spousal maintenance), sib faib khoom (xws li vaj tse thiab as, tsheb, los yog cov nyiaj so hauj lwm hauv askhauj), sib faib cov nuj nqi, thiab lwm yam teeb meem ntsig txog nyiaj txiag koj muaj. Ntawm rooj plaub sib nrauj thiab ntsig txog seb tus menyuam nrog leej twg nyob, qhov FENE tsuas pab koj lis txog cov teeb meem ntawm nyiaj yug menyuam xwb.
   
• Rov hais dua, cov neeg ntsuam xyuas feem ntau yog kws lijchoj lossis lwm cov neeg kawm txawj uas ua haujlwm nrog cov tsev neeg uas muaj teebmeem. Muaj cov neeg ntsuam xyuas no cov npe online hauv koj lub nroog qhov chaw hais plaub lub vas sab. 
   
• Koj, thiab tus neeg sab tod, thiab koj tus kws lij choj yog tias koj muaj lawv, sib ntsib nrog 1 tug neeg soj ntsuam nyob hauv nruab nrab (neutral evaluator). Qhov FENE feem ntau tshwm sim li 1 mus rau 3 lub lim tiam tom qab ICMC los yog SENE.
   
• Rau qhov FENE yuav tau teem li 3 lossis 6 teev. Tabsis tej zaum nws yuav tas ua ntej los yog siv sij hawm ntev dua.
   
• Tus kws txiav txim thaum kom muaj kev sib tham ICMC yuav yuam qhov FENE ua kom tiav ntawm ib lub sij hawm teev cia. Feem ntau yog 60 hnub.

1. Tej zaum koj yuav nyob ib chav ua ke los yog nyias nyob nyias chav. Ib leeg yuav qhia txog nws cov lus. Tus neeg pib rooj plaub sib nrauj lossis menyuam nrog leej twg nyob (tus Neeg ua Ntawv Foob) mus ua ntej. Qhov no tsis yog li hais lus hauv tsev hais plaub es ceev cov lus cia. Tus neeg ntsuam xyuas evaluators kuj yuav muaj lus nug koj. Thaum ib tug neeg hais lus lawm, tsis pub koj txhav lus los yog ua lub ntsej muag txawv thaum lwm tus hais lus. Nws tseem ceeb qhov koj yuav tsum tswj koj tus kheej kom siab txias txias.
   
   Ces tus neeg sab tod muaj lub hwv tsam tib yam los piav txog nws sab lus. Hais dua, tus neeg ntsuam xyuas evaluators kuj yuav muaj lus nug koj. Tus neeg sab tod tsis pub kom nws txhav lus los yog ua lub ntsej muag txawv thaum lwm tus hais lus. 
    
2. Ntxiv mus cov neeg ntsuam xyuas evaluators sib tham ntawm lawv tus kheej ntev li 15 feeb. Thaum lawv rov qab los, lawv qhia koj txog qhov lawv xav tias dabtsi yuav tshwm sim yog tias koj rooj plaub mus sib hais nram tsev hais plaub thiab tus kws txiav txiv yuav txiav txim li cas.
    
3. Ces thau tag nrho cov neeg ntawd pib sib tham txog cov hau kev kom muaj ib qho kev pom zoo. Tej zaum koj yuav muaj ib qho kev pom zoo rau tej qho los yog pom zoo tag nrho rau txhua qhov.
    
4. Thaum xaus ntawm qhov ENE cov neeg soj ntsuam evaluators sau ib daim ntawv qhia txog cov kev pom zoo koj tau pom zoo.
   • Yog txhua sib khom haum, cov neeg soj ntsuam evaluators qhia rau tus kws txiav txim plaub txog cov kev pom zoo ntawm ob tog. Yog tias qhov no tshwm sim tej zaum koj yuav tsis tau mus nram tsev hais plaub ntxiv lawm.
    
   • Yog tias tsuas yog qee yam thiaj li khom haum xwb, ces cov neeg soj ntsuam evaluators qhia tus kws txiav txim plaub txog cov muaj kev pom zoo ntawd. Lwm cov ces tus kws txiav txim plaub mam li txiav txim.
    
   • Yog tias tsis muaj kev pom zoo txog seb tus menyuam nrog leej twg nyob, lub tsev hais plaub yuav muaj kev soj ntsuam xyuas txog qhov tus menyuam nrog leej twg nyob los yog teem koj rooj plaub kom mus sib hais rooj plaub muaj yeej muaj swb.
    
   • Yog tias sib khom tsis muaj kev pom zoo li, yuav muaj rooj plaub mus sib hais muaj yeej muaj swb, thiab txhua txhua yam ces tus kws txiav txim mam li txiav txim.

Lub tsev hais plaub tsuas paub txog cov kev pom zoo koj thiab tus neeg sab tod tau pom zoo. Lwm cov lus yuav ceev tsis pub lwm tus paub. Lub tsev hais plaub yuav tsis paub txog tus lej sib tham, cov kev xav, los yog tej yam koj tsis muaj kev pom zoo thaum sib tham ntawm ENE. Qhov no thiaj li yuav ua kom paub meej tias cov txheej txheem sib hais hauv tsev hais plaub yuav tsis muaj dabtsi cuam tshuam los ntawm cov lus sab nraum lub tsev hais plaub los.

Tabsis nws tseem ceeb kom paub tias vim ib co ntaub ntawv tau muab los sib tham thaum muaj qhov ENE tsis tau txhais tias cov pov thawj no yuav tsis muab los qhia tom ntej no thaum muaj qhov txheej txheem hais plaub hauv tsev hais plaub. Piv txwv, yog ib tug menyuam daim ntawv qab nes tom tsev kawm ntawv (report card) tau muab qhia thaum sib tham ENE, nws kuj yuav muab qhia tau rau hauv tsev hais plaub. Tabsis tsis muaj leej twg nyob ntawm ENE yuav tham tau txog cov lus sib tham lawv tham txog daim ntawv qab nes tom tsev kawm ntawv (report card) thaum sib tham ntawm ENE.

• Cov ntawv sau qhia kom pab koj rau koj cov lus teev rau cov neeg soj ntsuam (evaluators).
• Teev kom meej txog koj qhov xwm txheej koj tsis xav kom koj tsis nco qab. Ntxiv thiab, teev kom meej tseem txog cov nqi lus koj xav kom tshwm sim.
• Koj tus kws lij choj, tshwj xeeb yog tias tug neeg sab tod muaj ib tug.
• Cov duab ntawm koj cov menyuam thaum muaj social ENE.
• Cov ntaub ntawv keeb kwm txog cov nyiaj txiag thaum muaj qhov ENE. Cov khoom xws li cov nuj nqi, cov tw tshev, ntawv ua se, ntaub ntawv tom tsev ceev nyiaj, ntaub ntawv qhia txog ntaub ntawv pov fwm txoj sia isalas thiab cov askhauj so tom hauj lwm. Tej cov neeg soj ntsuam (evaluators) xa ib daim ntawv kom muaj ib co kev cob qhia. Nws kuj yog tej yam xws li yuav them nqi li cas los yog lwm cov ntaub ntawv yuav tsum ua kom tiav thiab xa rov qab.

Tus nqi them rau ib tug ENE mas sib txawv los ntawm ib lub zos rau ib lus zos. Tabsis qhov nqi them rau ENE mas feem ntau tsawg tshaj qhov nqi mus sib hais hauv tsev hais plaub. Yog tias koj khwv tau nyiaj tsawg yeej muaj ib daim ntawv teev cov nqi them raws kev khwv tau nyiaj los. Yog tias lub tsev hais plaub zam qhov nqi ua ntaub ntawv hais plaub tej lub zos tej zaum yuav zam qhov nqi ENE. Cov nqi rau koj lub zos nrhiav tau nyob hauv lub vas sab ntawm cov tsev hais plaub hauv.

Cov neeg soj ntsuam (evaluators) tsuam muaj cov ntaub ntawv qhia uas koj thiab lwm tus neeg muab rau lawv. Yog muaj ib cov ntaub ntawv qhia es tsis muab teev cia, los yog tsis hais qhia kom meej thiab kom muaj tiag, cov neeg soj ntsuam (evaluators) kuj tsis muaj kev nkag siab kom tag txog cov teeb meem. Koj yuav tau qhov kev soj ntsuam yam tsis muaj kev ncaj ncees rau koj los yog tus neeg sab tod. Vim li no es thiaj li tseem ceeb rau kom koj npaj ua ntej thiab qhia koj sab lus kom tag nrho. Ib tug kws lij choj yeej pab tau kom nco ntsoov hais tej yam muaj tseeb los yog nug cov lus kom koj qhia tau koj sab.

Nco ntsoov: qhov phem tshaj plaws tsam tshwm sim tau ces yog sib khom tsis muaj kev sib haum sib pom zoo. Siv tag ob peb teev thiab siv ib co nyiaj, tabsis tsis muaj ib tug neeg phem tshaj ntawm txoj cai lij choj rau lawv li ua ntej thaum muaj qhov ENE. Thiab rov hais dua, tag nrho cov ntaub ntawv qhia thiab kev sib tham muaj nyob ntawm ENE yuav tsis muab qhia rau lub tsev hais plaub.

Ntau zaus, thaum tib neeg paub tias tus kws txiv txim yuav txiav txim li cas lawv yeej xus mus sib khom kom haum thiab muaj kev pom zoo. Yog tias ib tug neeg paub tias lawv tsis muaj ib rooj plaub khov kho, lawv kuj yuav sib khom kom muaj kev pom zoo sib haum siab.

Rau ntau tus neeg, ib qho ENE yog lawv thawj zaug thaum lawv muaj ib tug neeg nyob hauv nruab nrab los sib tham txog tej yam ntawm ob leeg thiab kom tau cov tswm yim kev xav lawm ntawm cov neeg paub ua dhau los lawm. Vim li no, tib neeg thiaj li kam sim sib tham kom sib nkag siab thiab sib khom kom haum. Ntxiv mus thiab, vim tias ib qho ENE no yuav tsis xiam sij hawm thiab nyiaj txiag qhov no thiaj li muaj laj thawj ntau rau qhov kev sib khom kom muaj kev pom zoo.