Cov Neeg Raug Ua Phem Rau thiab “U Visas”

Ib daim U visa los yog U “nonimmigrant status” tsis yog neeg txawv teb chaws muaj xwm txheej tej thaum muab rau cov neeg es tsis yog xam xaj U.S. los yog muaj npav ntsuab es raug ua phem rau hauv lub teb chaws U.S. Yog hais tias koj los yog ib tug neeg hauv koj lub tsev neeg (tus txij nkawm, menyuam, nus muag, niam thiab txiv) yog tus neeg raug ua phem rau hauv lub teb chaws U.S, tej zaum yuav muaj txoj hauv kev rau koj hloov koj qhov xwm txheej nyob. Koj kuj yuav thov tau daim U visa.

Ib daim U visa los yog U tsis yog neeg txawv teb chaws xwm txheej pub koj nyob 4 xyoos raws kev cai xwm txheej, 4 xyoos pub ua hauj lwm, thiab pub lub hwv tsam rau koj thov daim kom tau nyob tas mus li. Qee tus neeg tau txais “kev pom zoo hais tias daim ntawv thov muaj tseeb thiab tsim nyog raug ntsuam xyuas ntxiv” thaum lawv tseem tos kev txiav txim rau lawv daim U visa, vim hais tias kev txiav txim siv sijhawm ntau xyoo. Qhov bona fide determination (BFD) muab qhov xwm txheej ncua tseg thiab tso cia ua haujlwm.

Nws kuj yuav muaj thim tshem tawm rooj plaub yuav muab kom xa rov qab los yog tshem tawm hauv teb chaws. Tabsis lub U.S. Citizenship and Immigration Services (USCIS) yog qhov chaw txiav txim muab daim ntawv thov U visa, tsis yog lub tsev hais plaub immigration.

Yog hais tias koj, koj tus txij nkawm, menyuam, nus muag, los yog niam thiab txiv tau yog ib tus neeg raug ua phem rau hauv lub teb chaws U.S, koj kuj thov tau qhov U xwm txheej. Txawm tias tus neeg ntawm tsev neeg uas yog tus neeg raug ua phem rau twb yog tug neeg xam xaj koj kuj tseem yuav tau kev tsim nyog rau qhov U xwm txheej.

Yog hais tias koj ua ntawv thov qhov U xwm txheej, koj tus txiv nkawm thiab cov menyuam tsis tau sib yuav muaj hnub nyoog qis tshaj 21 xyoos kuj ua ntaub ntawv thov qhov U xwm txheej nrog koj txawm tias koj lub hnub nyoog yuav laus npaum li cas. Yog hais tias koj muaj hnub nyoog qis tshaj 21 lub xyoos thaum koj thov daim U xwm txheej, koj niam thiab koj txiv thiab koj cov nus muag es tsis tau sib yuav es hnub nyoog qis tshaj 18 xyoos kuj ua ntaub ntawv thov tau nrog koj.

Ntxiv mus thiab, yog hias tias koj yog ib tug neeg raug ua phem rau los ntawm ib lub txim tsim nyog tshwm sim nyob rau hauv lub teb chaws U.S. ces koj yeej muaj peev xwm thov tau daim U visa. Koj kuj yuav thov tau daim U visa yog tias koj yog ib tug neeg raug ua phem sab nraud lub teb chaws U.S. tab sis qhov kev ua phem txhaum txoj cai lij choj ntawm U.S. Koj yeej ua ntaub ntawv thov tau daim U visa txawm tias koj tsis nyob hauv lub teb chaws U.S. tam sim no.

Tsis yog tias txhua yam neeg raug ua phem rau yuav thov tau daim U visa. Nyob ntawm seb lub txim txhaum ntawm zoo li cas, yog koj pab qhov kev tshawb xyuas, seb qhov kev raug ua phem rauj koj li cas, thiab ntau dua. Saib kem hauv qab txog cov kev tsim nyog pab.

Yog koj xav tias koj los yog ib tug neeg hauv koj lub tsev neeg tsim nyog tau kev pab, hu rau ib tug kws lij choj immigration kom tau kev pab.

Kev dag ua txhaum cai ntiav neeg txawv teb chaws tuaj ua hauj lwm (yeej paub zoo los tseem nrhiav neeg, ntxias neeg, ntiav ib tug neeg nyob sab nraum US es yeej npaj coj lawv tuaj rau hauv teb chaws US vim kev dag)

Koj yuav tsum muaj pov thawj nram qab no:

1. Koj (los yog ib tug neeg ntawm koj tsev neeg) yog ib tug neeg es raug ua phem rau.
   Koj yuav tsum muaj povthawj qhia hais tias qhov kev txhaum cai ntawd tshwm sim tiag. Povthawj xws li daim ntawv tub ceevxwm sau tseg, ib qho kev tsis txaus siab los ntawm lub chaw ua haujlwm department of labor, lossis ntaub ntawv tiv thaiv menyuam yaus. Lwm yam pov thawj kuj pab thiab, xws li ntawv kuaj mob, ntawv sau los ntawm cov neeg pab koj tom qab raug ua phem rau. Koj kuj yuav tsum sau ib co lus tsa tes txog qhov tseeb tshwm sim ntawm qhov koj raug ua phem thiab qhov raug ua phem cuam tshuam koj lub neej li cas. Nco ntsoov sau koj lub npe, kos koj lub npe, thiab sau hnub tim. Koj tsis tas yuav kos npe kom muaj ib tug neeg saib ntsoov ntaus twj, tabsis koj ua los yeej tau. 
    
2. Koj (los yog ib tug neeg ntawm koj tsev neeg) tau raug mob lub cev ntaj ntsug los yog ua rau siab ntsws puas tag vim yog qhov raug ua phem no. Piv txwv, yog tias koj muaj mob vim yog qhov kev raug ua phem no, hais kom koj tus kws kho mob sau ib daim ntawv txog qhov teeb meem ntawm tus mob. Los yog koj muaj teeb meem nrog koj lub siab lub ntswv puas tsuaj, nug kom ib tug kws es pab koj sib tham ntuas sau ib daim ntawv txog cov teeb meem no. Koj kuj hais tau kom ib tug neeg paub txog koj qhov kev txom nyem sau daim ntawv qhia. Yog hais tias koj tsis mus ntsib kws kho mob los yog ib tus kws es pab koj tham txog kev nyuaj siab tabsis koj yeej txom nyem qhov raug ua phem, ces sau ntawv piav qhia kom meej teev tseg.
    
3. tau pab lawm, tab tom pab, los yuav pab tub ceev xwm soj ntsuam tshawb xyuas los yog tsub txim rau qhov kev koj raug ua phem. Koj yuav tsum tau mus muab daim ntawv pov thawj thwj toob (I-918 Supplement B) tus neeg ceevxwm kos npe. Nrog ib tug kws li choj tham txog mus muab daim ntawv pov thawj thwj toob thiab ua ntej koj tiv tauj tub ceev xwm. Ib tug tseem ceeb ua hauj lwm uas paub txog qhov koj pab los yog tab tom pab soj ntsuam txog lub txim muaj cai muab daim ntawv pov thawj kom kos npe thwj toob rau koj. Tus neeg tseem ceeb ua hauj lwm yog tau:
   • ib tug tub ceev xwm
   • lub nroog/xeev tus kws li choj tsub txim
   • tus kws txiav txim plaub ntug
   • tus neeg tiv thaiv cov menyuam yaus
   • tus neeg ua hauj lwm rau immigration, los yog
   • lwm cov neeg ua hauj lwm rau tsoom fwv es muaj cai
      
4. Yeej pub rau koj, los yog zam rau koj. Lub chaw immigration siv lo lus “admissible” pom zoo siv los tham txog koj cov keeb kwm es kuj yuav tsis pub kom koj tau daim visa los yog xwm txheej ib yam li U tsis yog neeg txawv teb chaws xwm txheej. Tej yam es yuav ua kom tsis pub rau koj yog:
   • nkag tuaj hauv teb chaws US tsis raws cai
   • ua tej qhov kev txhaum cai – txawm tias koj yeej tsis tau mus hauv tsev hais plaub los yog raug kaw, los yog tsuas raug nplua nyiaj xwb. Saib peb daim ntawv qhia How Being Charged with a Crime Can Affect Your Immigration Status.
   • dag rau cov neeg muaj cai ua hauj lwm rau immigration
   • hais tias koj yog xam xaj thaum koj twb tsis yog
   • pov npav txhaum cai
   • tawm lub teb chaws US mus tom qab koj nyob txhaum txoj cai tau ntev li 6 lub hlis
      

Yog hais tias tsis pub rau koj, thov kom U.S. Citizenship and Immigration Services (USCIS) zam rau koj. Daim ntawv thov kev zam yog hu ua Form I-192 Application for Advance Permission to Enter as Nonimmigrant Daim Ntawv Thov Tau Cai los Nkag ua Tus Neeg Tsis Nyob Teb Chaws No.

Nrog ib tus kws lij choj tham txog koj cov keeb kwm. Ib tug kws lij choj yeej pab tau koj txiav txim siab seb koj puas yuav tsum tau ua daim ntawv thov kev zam thiab seb puas muaj tej qhov pov thawj es koj yuav tsum tau xa mus nrog koj daim ntawv thov kev zam. Koj yuav tsum sau ib tsab ntawv teev lus es piav tias vim li cas thiaj li yuav tsum tso cai rau koj nyob thiab vim li cas koj thiaj li tsis xav rov qab mus rau koj lub teb chaw. 

Yog hais tias muaj kev pom zoo pub rau koj:

• koj yuav tau kev tso cai pub nyob teb chaws US 4 xyoos
   
• koj yuav tau kev tso cai pub ua hauj lwm hauv teb chaws US 4 xyoos
   
• Tom qab nyob tau 3 lub xyoos hauv teb chaws US nrog daim U xwm txheej, koj kuj yuav ua ntawv thov tau daim (npav ntsuab)
   
• koj kuj yuav ntxiv tau koj tus txij nkawm, cov menyuam tsis tau muaj hnub nyoog, cov niam cov txiv thiab cov nus muag es tsis tau sib yuav es tsis tau puv hnub nyoog. Tus neeg hauv tsev neeg koj yuav pab tau nyob ntawm koj lub hnub nyoog los yog lawv lub hnub nyoog
   
• txawm tias koj tsis tso koj cov txheeb ze npe tam sim no los, koj kuj yuav pab tau lawv yav tom ntej.

Raws li Cuaj Hlis 2025, USCIS tseem tabtom muab kev txiav txim zaum kawg rau cov ntaub ntawv thov U visa ua ntej lub Plaub Hlis tim 30, 2017. USCIS tsuas muab tau tsawg daim U visas tauj ib xyoos twg  xwb, yog li ntawd thiaj li tau tos kev txiav txim ntev.

Tejzaum USCIS muab tau rau koj qho uas hu ua Bona Fide Determination (BFD) kev pom zoo hais tias daim ntawv thov muaj tseeb thiab tsim nyog raug ntsuam xyuas ntxiv thaum koj tseem tos kev txiav txim. Koj yuav tau qhov BFD yog hais tias koj xa txhua yam ntaub ntawv tseem ceeb nrog koj daim ntawv thov mus thiab tsis muaj teebmeem loj ntawm koj rooj plaub. Tsis muaj ib yam dabtsi koj yuav tau ua ntxiv kom tau txais qhov BFD lawm. Qhov zoo ces yog nws tsis siv sijhawm ntev los mus saib xyuas cov BFDs. Raws li thaum lub Kaum Ib Hli 2025, 80% cov BFDs ntawm cov U visas thov siv sijhawm ntev li 2.5 xyoo rau USCIS los saib xyuas.

Lub chaw immigration saib cov ntaub ntawv ib daim zuj zus li thaum lawv xa tuaj txog. Yog li ntawd, nws tseem ceeb heev ua koj daim U visa sai li sai tau los tuav koj qhov chaw ntawm kab. Mus saib sij hawm ntev npaum li cas rau lub chaw immigration los mus txiav txim txog daim ntawm thov U visa los mus saib hauv www.uscis.gov. (lus Askiv xwb)

• Txav mus rau “Manage Your Case”
• Nias qhov “Check processing Times”
• Txav mus rau “Form” mus rau cov kev xaiv thiab xiav “I-918 Petition for U Nonimmigrant Status”
• Txav mus rau “Forms Category” mus rau cov kev xaiv thiab xiav “Petition for a noncitizen who is a victim of a qualifying criminal activity, and their qualifying family members. (Time from Initial Filing to Bona Fide Determination (BFD) Review).”
• Txav mus rau “Field Office or Service Center” mus rau cov kev xaiv thiab xiav “Service Center Operations (SCOPS)”

Qhov BFD cia li los nrog qhov muab xwm txheej ncua thiab daim ntawv ua haujlwm. Qhov kev ncua tiv thaiv kom tsis txhob raug xa tawm tebchaws ib ntus. 

Yog koj tau txais daim ntawv BFD ntawm USCIS tabsis tsis tau txais daim ntawv ua haujlwm li ntawm ob peb lub lim tiam, koj muaj feem siv daim Form I-765 mus thov daim ntawv ua haujlwm thiab luam daim ntawv BFD xa nrog mus.

Tau daim BFD thiab ntawv ua haujlwm thaum tseem tos tsis tau lav hais tias yuav muaj daim U visa rau koj. Tejzaum nws yuav yog ntau xyoo ua ntej koj mam li tau daim U visa txawm hais tias koj tau daim BFD thiab ntawv ua haujlwm lawm.

Yog koj tsis tau daim BFD thiab ntawv ua haujlwm thaum tseem tos daim U visa, koj yeej yuav tau daim ntawv ua haujlwm yog hais tias koj tau daim U visa.

Saib peb daim ntawv qhia How to Get Permission to Work in Minnesota.

Nkag mus hauv www.uscis.gov. (lus Askiv xwb)

• Saum toj ntawm nplooj ntawv, nias rau “Humanitarian” es nyob hauv qab “Topics”
• Nyob ntawm “Humanitarian” nplooj ntawd, nias rau qhov hais tias “Victims of Crime and Abuse”
• Nias qhov “Victims of Other Crimes”

• Hu koj lub legal aid hoob kas hauv zos ntawm 1-(877) 696-6529
   
• Domestic Abuse Service Center:  612-348-5073
   
• Minnesota 2-1-1: hu thoob xeev ntawm koj cheeb tsam kom tau kev pab
   
• Lossis mus nrhiav kev pab los ntawm lwm cov kev pabcuam ntawm www.lawhelpmn.org/hm/providers-and-clinics

Ua twb zoo ceev faj saib ua ntej koj yuav xa koj daim ntawv thov nyob mus rau lub chaw USCIS. Tej thaum yog tias koj daim ntawv thov tsis muaj kev pom zoo rau koj kuj yuav raug poob qhov raug muab xa rov qab. Qhov kev phom sij nov mas loj tshaj tam sim no yog muab piv rau yav tag los. Yog hais tias koj yeej tsis tau nrog ib tug kws lij choj tham ua ntej lub Ib Hlis 1, 2025, nrog dua ib tug tham ua ntej koj yuav xa cov ntaub ntawv thov no mus. Yog hais tias koj twb yeej tau ua ntej qho kev txhaum cai, dag rau tsoom fwv lawm, los yog lwm yam, koj kuj yuav raug poob rau qhov lawv muab xa rov qab. NCO NTSOOV: lub chaw USCIS yuav saib TAG NRHO koj cov keeb kwm, cov keeb kwm ua twb muab tshem tawm thiab!

Nrhiav kev pab ntawm ib tug kws lij choj immigration. Lawv pab koj saib xyuas kom txhua yam ok!

Nrhiav kev pab nyob ze koj mus saib hauv http://www.lawhelpmn.org/hm/providers-and-clinics