Tau Nyiaj Poob Haujlwm

Unemployment Insurance (UI) Nyiaj Isalas Poob Haujlwm yog muab rau cov neeg uas poob lawv cov haujlwm vim tsis yog tim lawv. Feem ntau, tib neeg muab hu ua “Unemployment.”  Daim ntawv no qhia ib cov kev cai hais txog leegtwg thiaj muaj feem tau Nyiaj Poob Haujlwm.  Yog koj tsis paub seb koj puas yuav tau, koj yuav tsum mus thov. Txawm hais tias nws muaj lwm cov kev cai, nws muaj 4 txoj kev cai tseemceeb.

1. Koj yuav tsum ua tau ib qhov nyiaj li lawv hais ntawm 1 lossis ntau dua txoj haujlwm. 
   Nyiaj Poob Haujlwm saib sijhawm li 1-xyoo uas xaus li 1 mus rau 6 hli ua ntej hnub koj mus ua ntawv thov. Thaum koj mus ua ntawv thov, koj yuav txais ib yam dabtsi xa tuaj hu ua Statement of Benefit Account. Saib qhov no kom zoo. Nws qhia tias koj puas ua tau nyiaj txaus los mus txais Nyiaj Poob Haujlwm thaum lub sijhawm lawv suav. Thiab koj yuav tau nyiaj npaum li cas ib lim tiam yog hais tias koj tsim nyog tau. Yog qhov lawv hais no tsis yog, hu rau ntawm Department of Employment thiab Economic Assistance (DEED).
   
   Hauv zos loj, hu (651) 296-3644
   Sab nraum zos loj, hu 1-(877) 898-9090. TTY: 1-(866) 814-1252
   
   Yog hais tias koj tsis tsim nyog tau vim koj ua tsis tau nyiaj rau cov hli lawv suav, tiamsis koj ua tau nyiaj ntau tom qab cov hli ntawd, hu DEED.  Lawv mam li qhia koj seb koj yuav tsum tos thiab rov ua ntawv thov dua kom lawv suav cov hli tom qab ntawd.
    
2. Koj poob koj txoj haujlwm, thiab tsis yog tim koj.
   Feem ntau, koj tsis tau Nyiaj Poob Haujlwm yog hais tias koj tawm koj txoj haujlwm lossis yog hais tias lawv muab koj rho tawm vim “coj tsis zoo.” Muaj ib co kev zam tau. Feem ntau, koj tau Nyiaj Poob Haujlwm yog koj poob koj txoj haujlwm vim ib yam hauv qab no. Yog koj paub tsis tseeb, koj mus ua ntawv thov.
    
   • Puas yog koj raug rho tawm haujlwm?
      
   • Muab koj cov teev ua haujlwm txiav tsawg?
      
   • Puas yog koj tawm vim hais tias koj txoj haujlwm tsis muaj kev nyabxeeb, lossis leej twg hawv lossis ua phem rau koj tom haujlwm lossis koj lub neej?
      
   • Puas yog koj tawm vim hais tias muaj mob lossis xwm ceev hauv koj tsev neeg, thiab tsis pub sijhawm so?
      
   • Puas yog koj tawm lossis lawv muab koj rho tawm vim muaj kev muaj mob puas siab ntsws lossis lub cev es ua rau koj ua tsis tau haujlwm?
      
   • Puas yog koj tawm haujlwm lossis yog lawv muab koj nrho tawm haujlwm vim koj siv yeeb siv tshuaj lossis haus dej haus cawv?
      
   • Puas yog koj mob lossis raug mob thiab ua tsis tau haujlwm? Puas yog leej twg hauv koj tsev neeg mob lossis raug mob?
      
   • Puas yog tsis muaj neeg zov menyuam lossis tsis muaj tsheb lawm? Puas yog koj tus nai lossis ib tug neeg nrog koj ua haujlwm thab zes koj lossis ua phem rau koj?
      
   • Puas yog koj ua txoj haujlwm zoo li koj muaj peev xwm ua tau, tiamsis tseem raug rho tawm haujlwm vim tsis zoo txaus rau koj tus nai?
      
3. Koj yuav tsum tau mus nrhiav haujlwm tom qab poob koj txoj haulwm.
   Saib koj txoj kev nrhiav haujlwm tib yam li txoj full-time haujlwm. Siv li 30 teev ib lim tiam twg los nrhiav haujlwm tshiab. Ntawm no suav sijhawm mus:
   • tom job fairs
   • ntsib neeg thiab nrog neeg tham 
   • mus cov job clubs
   • ua haujlwm nrog ib tug neeg nrhiav haujlwm
   • nrhiav haujlwm online, lwm yam
     
     Koj yuav tsum muaj povthawj hais tias koj yeej nrhiav haujlwm yog DEED nug.
      
4. Koj yuav tsum mus ua tau haujlwm thiab khoom mus ua haujlwm tom qab poob koj txoj haujlwm.
   Yog hais tias koj muaj mob lossis lwm yam (xws li kawm ntawv) uas cuam tshuam koj mus nrhiav haujlwm lossis ua haujlwm, tej zaum koj yuav tsis muaj feem tau.

Sau cia: Yog hais tias koj tau nyiaj social security (RSDI lossis SSI), yuav nyuaj tau Nyiaj Poob Haujlwm. Tiv tauj legal aid kom paub ntxiv. Nrhiav koj lub hoobkas ntawm 1-(877) 696-6529.

• Yog koj ua tsis tau koj lub sijhawm qub vim tsis muaj neeg zov menyuam lossis tsheb, koj yuav tsum tau qhia koj tus nai paub thiab nug kom lawv kom haum koj ua ntej koj tawm. Hloov kom haum yog li hloov cov sijhawm ua haujlwm lossis ua haujlwm tom tsev. Yog koj tsis ua li no, koj yuav tsis tau Nyiaj Poob Haujlwm.
   
• Tej zaum koj muaj feem tau Nyiaj Poob Haujlwm yog koj xav hais tias koj yuav tau tawm vim koj tus nai tsis kho qhov teebmeem loj uas koj qhia lawv. Xws li chaw haujlwm tsis nyabxeeb lossis saib tsis tau koj.

Yog tej yam zoo li no tshwm sim, khaws ntaub ntawv txog txhua yam tshwm sim thiab thaum twg thiab sau koj cov lus tsis txaus siab rau hauv ntaub ntawv. Nco ntsoov khaws txhua yam tseemceeb cia.

Nco Ntsoov: nws tseemceeb yuav tsum qhia koj tus nai paub txog qhov teebmeem thiab muab sijhawm rau lawv kho. Yog koj tsis ua li, tej zaum koj yuav tsis tau Nyiaj Isalas Poob Haujlwm.

• Tej zaum koj yuav tsis tau Nyiaj Poob Haujlwm yog hais tias koj tawm koj tus kheej lossis vim hais tias koj tsis nyiam koj txoj haujlwm. 
   
• Tej zaum koj yuav tsis tau Nyiaj Poob Haujlwm yog koj tus nai hais tias muab koj rho tawm haujlwm vim “coj tsis zoo.” Coj tsis zoo xws li tsis mus haujlwm thiab mus lig.  Nws kuj yog tej yam li nyiag khoom, dag, sib ntaus tom haujlwm, lossis tsis kam ua li koj tus nai hais. Yog lawv hais kom koj tsis txhob ua tej yam dabtsi thiab koj pheej ua txhaum cov cai tom qab lawv ceeb toom, koj tus nai muab qhov ntawd hu uas coj tsis zoo.
  
  Yog koj muaj cov ntsiab zoo los ua txhaum cov cai lossis tsis ua li koj tus nai hais, tej zaum koj muaj feem tau. Feem ntau, cov ntsiab zoo yog hais txog kev nyabxeeb thiab cov neeg ua haujlwm noj qab haus huv. Yog koj xav hais tias qhov koj ua yog lawm, koj yuav tsum mus thov Nyiaj Poob Haujlwm.
  
  Tej zaum koj yeej muaj feem tau Nyiaj Poob Haujlwm yog koj tsis mus ua haujlwm vim muaj tej yam tseem ceeb, xws li muaj mob lossis lub tsheb muaj teebmeem. Yog koj qhia koj tus nai txog qhov ntawd sai li sai tau.
  
  Tej zaum koj muaj feem tau Nyiaj Poob Haujlwm yog hais tias koj tus nai muaj koj rho tawm vim hais tias yog tej yam cuam tshuam rau koj qhov puas siab puas ntsws.

Koj ua tau haujlwm part-time thaum tau Nyiaj Poob Haujlwm.

Nws ua tau li no:

• Yog koj ua haujlwm tsawg dua 32 teev ib lub lim tiam twg thiab koj khawv tau tsawg dua li qhov Nyiaj Poob Haujlwm ib liam tiag twg, koj muaj feem tau ib nrab nyiaj.
   
• Yog koj ua haujlwm 32 teev lossis tshaj ib lub lim tiam twg lossis yog koj cov nyiaj khawv los tsis txiav se ib lub lim tiam yog ib yam li lossis ntau tshaj koj qhov Nyiaj Poob Haujlwm ib lim tiam twg, ces koj yuav tsis tau Nyiaj Poob Haujlwm lub lim tiam ntawd.  

Nws tseemceeb heev uas koj yuav tsum qhia tagnrho cov nyiaj koj khawv tau rau lub lim tiam koj khwv tau nyiaj, tsis yog lub lim tiam them nyiaj rau koj. Qhia nws txhua lim tiam thaum koj nug kom them nyiaj txhua lim tiam rau koj.  Qhia koj cov nyiaj khawv tau los ntawm txhua txoj haujlwm, cov haujlwm ua ib ntus lossis part-time. Txawm yog qhov nyiaj luv nqi tsev vim tu lub tsev loj los suav tibsi.  Qhia qhov nyiaj no txawm koj xav hais tias lub Unemployment Office Hoobkas Nyiaj Poob Haujlwm twb paub txog qhov haujlwm lawm.

Yog koj tsis qhia tagnrho cov nyiaj khawv tau los lossis lwm yam nyiaj khawv tau los, koj yuav tau nyiaj them tshaj. Koj yuav tau them cov nyiaj ntawd rov qab mus rau lub Hoobkas Nyiaj Poob Haujlwm. Tej zaum koj yuav tau them ib qho nyiaj dag thiab paj. Saib peb daim ntawv qhia Them Nyiaj Poob Haujlwm Tshaj. 

Txhua rooj plaub txawv. Hu koj lub legal aid hoobkas tamsis no mus tham txog koj rooj plaub. Nrhiav koj lub hoobkas ntawm 1-(877) 696-6529.

Nyiaj poob haujlwm feem ntau yog li ntawm 50 feem pua ntawm cov nyiaj ua haujlwm koj khwv tau los mus txog rau qhov nyiaj siab tshaj uas lub xeev tso cai uas yog $948.

• Koj tus social security naj npawb
• Cov npe thiab chaw nyob ntawm koj cov chaw ua haujlwm 18 hli tas los thiab cov hnub tim koj ua txhua txoj haujlwm
• Vim li cas hos tawm cov haujlwm
• Txhua yam ntaub ntawv tom haujlwm piav vim li cas koj txoj haujlwm thiaj li xaus

Koj muaj feem tau txog 26 lim tiam Nyiaj Isalas Poob Haujlwm, tiamsis koj yuav tsum siv lawv tsis pub dhau ib xyoo hnub koj mus thov. 

Txhua lim tiam koj yuav tsum mus rau koj tus askhauj lossis hu thiab nug cov Nyiaj Poob Haujlwm.

Txawm hais tias koj muaj feem tau Nyiaj Poob Haujlwm 26 lim tiam, koj yuav tsum nco ntsoov mus qhia chaw nyob thiab xovtooj tshiab hauv lub vas sab mus txog 4 xyoos. Yog koj tsis teb mus rau DEED li ntawm 45 hnub tom qab lawv xa ntawv tuaj, koj poob koj txoj cai rov mus foob dua.

Koj rov mus foob dua tau yog hais tias tsis tau Nyiaj Poob Haujlwm, muab txo tsawg, txiav lossis yog koj tsis txaus siab rau koj qhov State of Benefits. Koj yuav tau txais ib tshab ntawv thaum koj tau lossis tsis tau Nyiaj Poob Haujlwm lossis muaj tej yam hloov.  Koj rov mus foob dua tau online, xa ntawv mus lossis xa fax. Cov lus qhia ua Ii no nyob hauv tshab ntawv.

Koj muaj 45 hnub rov mus foob dua. Tsis txhob tos txog hnub kawg mas mus ua ntaub ntawv foob dua. Yog hais tias koj dhau hnub kawg lawm txawm yog dabtsi los koj rooj plaub rov foob yuav tsis hais. Nco ntsoov khaws ib daim ntawv ntawm koj rooj plaub foob dua.  Lawv teem sijhawm hais hauv xovtooj thiab xa ib tshab ntawv qhia koj. Xyuas kom muab tus xovtooj yog rau lawv hu tuaj hais rooj plaub. Xyuas zoo hais tias koj yuav teb tau xovtooj thaum lub sijhawm hais plaub! Yog koj tsis teb xovtooj, koj xiam koj lub sijhawm foob dua.

• Muab koj cov povthawj uake – Nyeem cov ntaub ntawv tuaj ntawm lub Hoobkas Nyiaj Poob Haujlwm Unemployment Office hais tias yog vim li cas koj tus nai thiaj li tsis kam muab Nyiaj Poob Haujlwm rau, lossis vim li cas koj cov nyiaj raug muab txo lossis txiav. Fax los yog xa ntawv txhua cov ntawv, kws kho mob ntaub ntawv, lossis keeb kwm mus rau tus kws txiav txim plaub. Koj tau txais txhua daim ntaub ntawv koj tus nais xa tuaj, tabsis koj yuav tau nug kom muab cov timkhawv npe rau koj. Sau cov lus uas koj yuav xav hais hauv rooj plaub, kom koj thiaj li nco qab.
   
• Kev pab lijchoj – Tsis tas koj muaj ib tug kws lijchoj, tiamsis tej zaum yuav pab koj. Li cas los mus nrog ib tug tham kom tau tswv yim seb yuav hais rooj plaub li cas koj tus kheej. Hu koj lub hoobkas lijchoj ntawm 1(877) 696-6529 rau peb pab lossis xa mus cuag lwm tus.

Yog koj swb rooj plaub foob dua, tej zaum yog koj tau nyiaj tshaj lawm. Txhais tau tias koj yuav tau them qhov nyiaj koj tau rov qab. Saib peb daim ntawv Them Nyiaj Poob Haujlwm Tshaj.

Xav paub ntxiv txog rov foob dua mus online ntawm https://www.uimn.org/applicants/howappeal/index.jsp lossis hu (651) 296-3745.

Koj TSIS TAU Nyiaj isalas Poob Haujlwm yog koj tsis muaj cai ua haulwm hauv United States.

Yog koj muaj cai ua haujlwm, koj MUAJ FEEM tau Nyiaj Poob Haujlwm. Koj muab povthawj qhia tias koj muaj cai ua haujlwm yog koj: 

• muab daim npav ntsuab nyob
• muaj daim ntawv ua haujlwm visa, lossis
• muaj daim ntawv tso cai ua haujlwm

Rau Nyiaj Poob Haujlwm, tsoom fwv tsuas suav cov haujlwm koj ua thaum koj muaj cai ua haujlwm xwb.

Nyiaj Poob Haujlwm tsis suav rau ntawm qhov pej xeem yug nyiaj.