Nyiaj SSI rau cov Pej xeem tsis yog Xam Xaj

Nyiaj SSI yog ib qhov kev pab los ntawm tsoom fwv es muab nyiaj txhua lub hlis rau cov neeg khwv tau nyiaj-tsawg.  Yuav kom tau nyiaj SSI, koj yuav tsum muaj hnub nyoog 65 xyoos los yog laus dua los yog koj yuav tsum muaj ib qho xiam oob qhab es koj ua tsis taus hauj lwm.  Nws muaj ntau cov cai thiab tej yam txwv yog tias koj tsis yog xam xaj.  Txawm hais tias koj yeej tau npav ntsuab es yeej nyob teb chaws U.S. tau tas mus li thiab raws kev raws cai thiab koj muaj hnub nyoog 65 lub xyoos los yog xiam oob qhab, tej zaum koj yuav tsis tau txais qhov nyiaj SSI.

1. Koj yog haiv neeg Qhab es yug nyob hauv lub teb chaws Canada
    
2. Koj yeej tau txais cov nyiaj SSI no raws li daim ntawv sau thov ua ntej lub Ib Hlis Ntuj tim 1, 1979
   
   LOS YOG
    
3. Koj yog ib tug neeg “tsim nyog” txais kev pab txawv tsis yog xam xaj

Yog hais tias koj:

• muaj daim npav ntsuab thiab yeej pub koj tuaj nyob teb chaws no raws kev raws cai li txog cai lij choj Immigration thiab Nationality Act (INA).
   
• tau muab kev tiv thaiv pab cuam rau neeg tawg rog (asylum).
   
• raug txim es tawm los raug saib xyuas (paroled) rau hauv teb chaws U.S. tau ib xyoo lawm.
   
• qhov tuav cia los yog qhov tshem tawm raug muab thim tsis muaj lawm.
   
• muaj ib daim T-visa es yog ib tug neeg es raug nyiag.
   
• muaj ntaub ntawv nyob vim yog raug tsim txom los ntawm qhov xwm txheej (battered immigrant status).
   
• Yog tus neeg tawg rog lossis saib zoo li koj yog tus neeg tawg rog. Txhais tau tias koj yog:
   
  • Yog tus neeg txawv tebchaws “Amerasian” uas nws txiv yog ib tug xam xaj US nyob Southeast Asia thaum ua rog lub sijhawm nrog nyab laj Vietnam.
     
  • Cuban lossis Haitain nkag tuaj
     
  • Ib tug Afgan lossis Iraqi Neeg Txawv Teb Chaws Tshwj Xeeb
     
  • Tus neeg raug tshem tawm Afghanistan los ntawm US cov tub rog lub sijhawm 7/31/21 mus rau 9/30/22 (txog thaum sijhawm saib xyuas tas)
     
  • Ib tug txheeb ze ntawm tus neeg raug tshem tawm Afghanistan li piav som toj uas nws raug saib xyuas tom qab 9/30/22
     
  • Raug saib xyuas los ntawm Ukraine sijhawm nruab nrab 2/24/22 thiab 9/30/22
     
  • Neeg Muaj Xam Xaj ntawm “Compacts of Free Association.” Koj los Palau, Micronesia, or the Marshall Islands.
     

Ces koj yog ib tug pej xeem tsim nyog txais kev pab es tsis muaj xam xaj

Yog koj tsis muaj ib yam sau ntawm no, koj tsis tau SSI.

Yog koj muaj ib yam li sau hauv no, koj tseem yuav tsum tau muaj ntaub ntawv nyob li toobkas. Xyuas daim ntawv los nrog seb koj puas yog tau SSI.

Yog koj muaj lus nug txog cov nyiaj SSI thiab tsis yog cov pej xeem muaj daim xam xaj, tiv tauj koj lub hoobkas legal aid hauv koj lub zos ntawm 1-(877) 696-6529.

Lossis mus nrhiav kev pab los ntawm lwm cov kev pabcuam ntawm www.lawhelpmn.org/hm/providers-and-clinics.