SSI ga Dadka Aan Muwaadiniinta Ahayn

SSI waa barnaamij dowladda dhexe ay leedahay oo ay fidiso hay’adda Maamulka Sooshal Sakuuratigu (Social Security Administration) oo siiya manfacyo bil walba ah dadka danyarta ah. OGOW: barnaamijka SSI waa uu ka duwan yahay barnaamijka Sooshal Sakuuratiga ee Naafadda, ama SSDI. Waxa aad heli kartaa SSDI kaliya uun haddii aad muddo waqti cayiman ah aad shaqeysay aadna kasbatay cadad lacag ah oo cayiman.

Hadaba si’aad u heshid SSI, waa inay da’daadu tahay 65 sano ama aad ka wayn tahay ama aad tahay qof naafo ah oo aan shaqaysan karin. Waxaa jira shuruudo iyo sharciyo badan oo kaa hor istaagi kara lacagtan hadii aadan haysan Dhalashada wadanka. Xataa waxaa laga yabaa in adiga oo haysta deganaanshaha rasmiga ah ee Maraykanka da’daaduna ugu yaraan tahay 65 sano ama aad naafo tahay in laguu diido lacagta SSI.

waa aad heli kartaa SSI adigoo aan muwaadin ahayn, laakiin kaliya uun waa haddii aad soo hoos gasho 3 nooc ee muhaajiriinta ah:  

1. Waa inaad tahay qof asal ahaan ka soo jeeda hindida maraykannka loogu yimid laakiin ku dhashay wadanka Kanada (Canada)
    
2. Aad xareysatay codsi SSI ah ka hor bishii Janaayo 1, 1979
   AMA
3. Waa inaad tahay qof “Buuxiyay shuruudaha” isagoon dhalashada haysan

Aad tahay “xa u yeeshe” aan muwaadin ahayn haddii adigu:

• haysatid degenaanshaha rasmiga ah ee dalka isla markaana, ay waaxda socdaalka iyo dhalasho bixintu ay si sharci ah kugu siisay deganaanshaha rasmiga (INA).
   
• Ama lagu siiyay magangelyo siyaasadeed.
   
• Ama Xabsi maraykanka gudihiisa ah lagaa sii daayay ugu yaraan hal sano ka hor.
   
• Ama si ku meel gaadh ah loo hakiyay masaafurintaada ama si buuxda loo joojiyay masaafurintaada.
   
• Ama lagu siiyay nooca fiisada loo yaqaanT-visa ee la siiyo dadkaay ay dhibta xun u gaysteen dadka bani’aadamka ka ganacsadaa.
   
• Ama sharci lagu siiyay ka dib marka qofkii ku keenay uu kugu dhibay ama kaala noqday sharciga.
   
• Aad tahay qaxooti ama laguula dhaqmo siddii qaxooti oo kale. Tan macnaheedu waa:
   
  • Inaad tahay muhaajir “Mareykan-aasiyaan ah” kaa oo aabihii uu ahaa muwaadin Mareykan ah (US) oo ku noolaa Bariga-Koonfureed ee Aasiya xilligii sannadihii Dagaalkii Fiitnaam. 
     
  • Soo gale Kuubaan ama Haytiyaan ah
     
  • Muhaajir gaar ah ee Ciraaqi ama Afganistaan ah
     
  • Qof uu milaratiga Mareykanku (US) ka soo daad-gureeyey Afganistaan mudaddii u dhaxeysay 7/31/21 iyo 9/30/22 (ilaa iyo inta mudadda saamixidu ka dhamaanayso)  
     
  • Qof ehel dhow la ah dadkii laga soo daad-gureeyey Afganistaan ee kor lagu xusay oo saamixidii ka dib 9/30/22
     
  • Qof ka soo jeeda wadanka Yukreeyn oo ka baxay saamixidii mudaddii u dhaxeeysay 2/24/22 ilaa iyo 9/30/23
     
  • Muwaadin ee “Compacts of Free Association.” (waxaad ka Palau, Micronesia ama Marshall Islands)

...waxa aad heli kartaa SSI kaliya uun haddii aad ka mid tahay 4 tan nooc ee dadka ah: 

• Haddii aad ka shaqeysay 40 rubuc oo shaqo Sooshal Sakuuratigu (Social Sacurity) uu ogol yahay. 
• Aad tahay halgamaa u soo halgamay Mareykanka (U.S.), askari hadda ka tirsan ciidanka qalabka sidda ee Mareykanka (U.S.) ama xile ay isqabaan qof ciidan ah, ilmo yar oo uu dhalay qof ciidanka ka tirsan ama qof aan guursan cid kale oo uu ka dhintay qofka wadanka Mareykanka (U.S.) u soo halgalay ama qof ciidanka qalabka sidda hadda ka tirsan.
• Aad u dhalatay wadamadda la yiraa COFA (Palau, the Marshall Islands, ama Micronesia).
• Laguu ansaxiyey qaxootinimo, magangelyo, ama qof laga reebay saarid. Noocan kaliya waxa aad heli kartaa manfacyadda 7 sanno ka dib xilliga laguu ogolaaday martabadda sharciga ah.

Hadii aad qabtid su’aal ku saabsan SSI iyo dadk aan dhalashada, haysan la xiriir xafiiska qareenada ee degaanka ah ee 1-(877) 696-6529.

Ama ka eeg caawimaad barnaamijyadda kale ku jira barta: www.lawhelpmn.org/so/providers-and-clinics.