Ntaub Ntawv Tseem Ceeb Muaj Ua Ntej Koj Muaj 18 Xyoo

Nco Ntsoov:  thaum twg koj xa ntaub ntawv lossis lwm yam ntawv mus rau leejtwg, koj yuav tsum luam ib co cia rau koj tus kheej thiab sau hnub koj xa lawv mus. 

Koj niam koj txiv lossis tus neeg muaj cai saib xyuas koj yuav tsum tau cov ntaub ntawv no. Daim ntawv no qhia seb koj yuav mus muab lawv koj tus kheej li cas, tiamsis yog koj ua tau, nug koj niam koj txiv lossis tus neeg saib xyuas koj txog lawv.

Koj toobkas dabtsi:  Daim ID muaj duab, $26

Yuav ntev li cas?  4-6 lim tiam yog xav ntawv tuaj.  Tau tam sim ntawd yog koj mus ua kiag tus kheej. 

Txheej txheem ib kauj ruam zuj zus:
Nco cia:  Cov lus qhia nov yog rau cov neeg yug hauv Minnesota.  Yog koj yug hauv lwm lub xeev, mus rau https://www.cdc.gov/nchs/w2w/index.htm (lus Askiv xwb) nrhiav cov lus qhia rau lub xeev koj yug.  Yog koj yug hauv lwm lub tebchaws, tiv tauj lub tseem fwv hoobkas ua hauj lwm rau koj lub tebchaws kom paub ntxiv.   

1. Nrhiav daim ntawv sau npe muab luam tawm ntawm www.health.state.mn.us. (lus Askiv xwb)

   • Nias rau Certificates & Records
   • Txhua yam ntawv koj toobkas txog hais tias yuav mus qhov twg thiab daim  ntaub ntawv twg koj toobkas nyob rau ntawm nplooj ntawv ntawd.

   
   Koj kuj hu tau (651) 201-5980 kom xa ib daim ntawv sau npe tuaj rau koj.
    

2. Muab daim ntawv sau npe sau kom tiav. Tsis txhob kos npe tos mus txog tim tus neeg ntaus cim tso. Tus neeg ntaus thwj povthawj soj ntsuam xyuas seb cov npe kos puas yog. Lawv yuav tsis ua koj daim ntawv yog koj tsis kos rau tus neeg ntaus cim pom. Muaj tus neeg ntaus cim hauv koj lub zos lub tsev hais plaub, chaw ua ntawv tsav tsheb thiab cov tuam txhab nyiaj. Tej lub tsev kawm ntawv muaj tus neeg ntaus cim thiab.  Koj YUAV TSUM nqa daim ID muaj duab thaum koj mus kom lawv ntaus cim rau koj cov ntawv. Tej zaum yuav tau them nyiaj, tabsis nws yuav tsis dhau $5.00.  
    
3. Muab koj daim ntawv uas tiav tag, nrog rau koj $26.00 xa mus. Sau lub npe them rau “Minnesota Department of Health” rau ntawm koj daim tshev lossis tshev “money order” lossis sau koj tus credit card rau ntawm daim ntawv.  
   
   Xa mus rau:
   Minnesota Department of Health
   Central Cashiering- Vital Records
   P.O. Box 64499
   St. Paul, MN 55164-0499
   
   LOSSIS xa “fax”daim ntawv ua tiav mus rau (651) 201-5740.  Yog koj xa “fax” daim ntawv ces koj yuav tau them nrog credit card.   
   
   NCO CIA:  Koj muaj feem mus kiag tus kheej es hais kom lawv luam koj daim ntawv yug rau koj yog tias koj xav tau sai.  Mus rau tim lub nroog lub hoobkas zwm npe (registrar’s office).  Nrhiav koj lub hoobkas hauv zos ntawm:  http://www.health.state.mn.us/people/vitalrecords/registrars.html (lus Askiv xwb). Lawv sau npe raws nroog.  
   
   Yog koj mus tus kheej mus ua, koj muab daim ntawv sau npe ntawd, muab sau kom tiav thiab cev rau lawv.  Feem ntau, cov hoobkas zwm npe (registrar’s office) mam ntaus cim rau koj daim ntawv rau koj, thiab tej zaum yuav luam tau koj daim ntawv yug ntaus cim rau koj tib hnub ntawd. 

Cov Lus Nug Coob Leej Nug 

1. Kuv yuav tsum muaj pestsawg xyoo thiaj li kom lawv luam tau kuv daim ntawv yug rau kuv? 
   Yog koj muaj 16 xyoo lossis rov saud koj muaj feem mus nqa tau koj daim ntawv yug koj tus kheej. Yog koj yau dua 16 xyoo, koj muaj feem muab koj daim ntawv yug yog tias daim ntawv tsis yog tsis pub leej twg paub.  Yog koj muaj lus nug txog ntawv yug tsis pub leej twg paub, hu rau Youth Project of Mid-Minnesota Legal Aid ntawm (612) 332-1441.  
    
2. Yog kuv yog menyuam yuav ne?
   Koj muaj feem muab koj daim ntawv yuav menyuam tus kheej.  Yog koj xav yuav daim ntawv yug tseem tseem koj yuav tsum muaj 19 xyoo.  Txawm li ntawv los, koj niam koj txiv yug koj muaj cai tsis pub nkawv lub npe thiab lwm yam txog nkawv rau leej twg paub. 
   
   Hu lub Department of Health ntawm www.health.state.mn.us/ lossis ntawm (651) 201-5980 yog xav paub ntxiv.
    
3. Yog kuv tsis muaj tsev nyob nes?
   Yog koj muaj 24 xyoos lossis yau dua thiab tsis muaj ib qho chaw ruaj khov nyob,, koj mus nqa tau daim ntawv yug koj dawb. Daim ntawv luam no tas sijhawm 6 hli tom qab hnub muab. Yuav kom tsim nyog tau, koj yuav tsum: 

• Nyob deb ntawm koj niam/txiv lossis tus saib xyuas koj thiab tsis muaj tsev ntawm qhov lawv tu thiab saib koj, LOSSIS
• Muaj leej niam/txiv lossis tus neeg saib xyuas uas tsis kam muab tsev rau koj nyob, LOSSIS
• Tsis muaj tsev nyob/pw hmo ntuj uas huv thiab zoo nyob/pw.

Tej zaum koj yuav tsum muaj ib tug neeg sawv cev rau cov hluas los ua povthawj tias koj yog leeg twg lossis hais tias koj tsis muaj tsev nyob. Nws muaj ib daim ntawv thov txawv  rau cov hluas tsis muaj tsev nyob.

Hu lub Department of Health ntawm www.health.state.mn.us/ lossis ntawm (651) 201-5980 yog xav paub ntxiv. 

Koj toobkas dabtsi:  Ib daim ID tseem ceeb, Ib daim ID ob, thiab $21.50. Nrhiav daim ntawv muaj tagnrho cov ntawv qhia tias yog koj hauv online. 

Piv txwv: Cov ID Tseem Ceeb   

1. Daim Ntawv Yug
2. Daim Ntawv Tawm Tebchaws (Passport)
3. Daim Ntawv Yuav Menyuam
    

Piv txwv: Cov ID Ob 

1. Daim Ntawv Social Security Card
2. Tsev Kawm Ntawv Daim Ntawv Qhab Nia (qib 7-12)
3. Tsev Kawm Ntawv Daim Ntawv ID (qib 7-12) nrog npe, duab, thiab hnub koj yug lossis tus ID naj npawb 
    

Yuav siv sijhawm ntev li cas?  2 lim tiam

Txheej txheem ib kauj ruam zuj zus:

1. Mus tus kheej mus ua tim koj lub nroog Service Center lossis Minnesota Drivers and Vehicle Services Office.  DVS cov hoobkas nyob daim ntawm nov: https://dps.mn.gov/divisions/dvs/locations/Pages/find-office-locations.aspx
2. Yuav tsum nqa koj ib daim ID tseem ceeb thiab ib daim ID ob thiab koj qhov nyiaj yuav them lawv. Koj kuj muab tau 2 daim ID qhia lawv thiab. 

Yog hais tias koj muaj 24 xyoos lossis hluas dhua thiab tsis muaj tsev nyob, koj mus ua tau daim ntawv Minnesota ID dawb. Ntawm no tsis yog daim ntawv tsav tsheb. Mus tshwm ntsej tshwm muag thov ntawm lub hoobkas Minnesota Drivers thiab Vehicle Services. Mus nrhiav koj li ntawm https://dps.mn.gov/divisions/dvs/locations#googtrans(en%7Chmn). 

• Nias ntawm qhov hais tias Find an Office or Exam Station
• Ntaus koj tus zip code thiab xaiv qhov Standard Driver's License/ID ntawm cov kev pab hauv qab.

Koj tsis toobkas niam/txiv kos npe rau daim ntawv. Koj yuav tsum muaj daim ntawv yug koj thiab ib daim ntawv povthawj kos npe los ntawm ib tug neeg ua haujlwm rau human services, tsev kawm ntawv, lossis tsev kawm ntawm tus social worker. 

Koj toobkas dabtsi:  Koj yuav tsum muaj ntaub ntawv qhia koj lub hnub nyoog thiab koj yog leejtwg.  Yam yuav qhia tau zoo tshaj plaws yog ib daim ID muaj koj daim duab THIAB koj lub hnub yug.  Yog koj tsis muaj li ntawd, koj yuav tsum muaj 2 daim ntawv ID- ib daim qhia koj lub hnub yug thiab daim muab koj daim duab lossis lus sau piav tias koj zoo li cas. Cov ntaub ntawv yuav tsum yog cov tseem lossis muaj lub thwj povthawj. Daim ntawv social security yog dawb. 

Yog koj tsis yog yug hauv tebchaws U.S., tabsis koj yog neeg xam xaj U.S. lawm, koj yuav tsum muaj ntaub ntawv qhia tias koj yog leejtwg thiab koj yog neeg xam xaj U.S yog koj qhov xam xaj tsis tau tsim muaj nrog rau Social Security Administration.  

Povthawj qhia tias koj yog neeg xam xaj, koj toobkas:

1. U.S. Daim Ntawv Tawm Tebchaws lossis Daim Ntawv Xam Xaj
2. Daim Ntawv Tso Cai Tuaj Ua Haujlwm, los yog
3. Daim Ntawv Qhia Yug rau Lwm Lub Tebchaws

THIAB

Povthawj qhia tias koj yog leejtwg, koj toobkas koj tsuas toobkas ib daim ntawm cov no:

1. Tsev Kawm Ntawv Daim ID nrog npe thiab duab
2. Lwm cov ntaub ntawv tsev kawm ntawv khaws cia
3. Ntawv kho mob keebkwm ntaus cim
4. Kab li kevcai cov keebkwm
5. Daim Ntawv Yuav Menyuam
6. Xeev ID 

Yog koj tsis yog yug hauv U.S. thiab tsis yog neeg xam xaj U.S, koj yuav tau muaj ntaub ntawv povthawj qhia koj nyob tau hauv lub tebchaws no thiab koj yog leejtwg. 

Povthawj qhia tias koj nyob tau tebchaws no, koj toobkas:

1. Daim Npav Ntsuab
2. Daim Ntawv Tso Cai Tuaj Ua Haujlwm, los yog
3. I-94 

THIAB

Povthawj qhia tias koj yog leejtwg, koj toobkas:

1. Tsev Kawm Ntawv Daim ID nrog npe thiab duab
2. Lwm cov ntaub ntawv tsev kawm ntawv khaws cia
3. Ntawv kho mob keebkwm ntaus cim
4. Kab li kevcai cov keebkwm
5. Daim Ntawv Yuav Menyuam, los yog
6. Xeev ID 

Yuav siv sijhawm ntev li cas?  4-6 lub lim tiam  

Txheej txheem ib kauj ruam zuj zus:   

1. Mus muab daim ntawv ntawm www.ssa.gov/online/ss-5.pdf. Koj muab luam tawm mam sau lossis sau tag hauv vas sab mam muab nws luam tawm.  (lus Askiv xwb)
2. Yog koj nyob hauv nroog Anoka, Carver, Chisago, Dakota, Hennepin, Isanti, Ramsey, Scott, lossis Washington, nqa daim ntawm kos npe nrog rau cov ntawv ID koj toobkas mus rau:  
   
   Greater Twin Cities SSA Service Center (qhib 9 teev sawv ntxov – 4 teev tsaus ntuj) 
   1811 Chicago Ave., Suite 2
   Minneapolis, MN 55404
   
   Yog koj nyob hauv cov nroog hais sau saum toj, koj muaj feem xa tau koj daim ntawv mus thiab.  TABSIS cov ntawv povthawj koj xa ntawd yuav tsum yog cov tseem tseem.  Koj xa tsis tau cov ntawv luam mus.  
   
   Yog koj nyob sab nraud cov nroog no, koj yuav tsum mus ua tim koj lub hoobkas SSA hauv zos.  Nrhiav tau cov hoobkas no ntawm:  https://secure.ssa.gov/apps6z/FOLO/fo001.jsp.
    
3. Koj tsis tas dhau 18 xyoo los yeej mus nug tau koj daim SS tshiab.