Xim Tha Tsev Muaj Hlau thiab Neeg Xauj Tsev Cov Cai

Tus sau

Education for Justice

Read this in

Try our Quiz

After you're done reading this page, take a short quiz to test what you've learned!

Pib lub Ib hli hnub tim1, 2024, ntau cov kev cai lij choj txog vaj tse hloov lawm. Peb tab tom ua haujlwm los hloov tshiab cov kev pab ntawm no. Txog thaum peb ua tiav, ib co kev cai lij choj tseem ceeb tej zaum yuav tsis muaj lossis tsis yog.

Yog koj muaj lus nug txog cov kev cai lij choj tshiab thiab lawv raug koj qhov teebmeem, hu Legal Aid ntawm 1-(877) 696-6529 lossis tiv tauj HOME Line ntawm 612-728-5767 lossis https://homelinemn.org/e-mail-an-attorney/.

Daim ntawv qhia no tham txog xim tha tsev muaj hlau thiab cov cai koj muaj li tus neeg xauj tsev yog tias xim tha tsev muaj hlau nyob hauv koj lub tsev.

Tus tswv tsev yuav tsum qhia kuv dabtsi txog xim tha tsev muaj hlau?

Rau cov tsev tsa ua ntej 1978, tus tswv tsev yuav tsum muab daim ntawv qhia txog hlau lom neeg thiab qhia txhua yam xwm txheej lawv paub txog hlau hauv lub tsev rau koj.

Yog tus tswv tsev ua txhaum txoj kevcai no, lawv raug tsoom fwv nplua tau. Yog tus tswv tsev qhov kev txhaum txoj kevcai ua rau koj poob nyiaj, koj foob tus tswv tsev tau txog 3 npaug qhov nyiaj koj poob, ntxiv rau tus kws lij choj tus nqi. Piv ntxwv, yog koj tsis tau txais daim ntawv ntawm tus tswv tsev thiab yuav tau tsiv tawm tsev vim muaj hlau, tej zaum koj foob nyyiaj tau txog 3 npaug tus nqi koj them tsiv tsev.

Yog tias kuv nrhiav tau xim tha tsev tawg lossis nti ne?

Yog koj nrhiav tau xim tha tsev tawg lossis nti hauv lub tsev uas tsa ntej 1978, hu koj tus tswv tsev sai li sai tau. Koj tus tswv tsev yuav tsum coj nws mus kuaj tom ib qho chaw kuaj. Tej lub chaw noj qab haus huv muaj kuaj dawb. Koj mus tom cov tuam txhab kuaj los tau thiab. Lawv tus nqi yog $20 - $35. Lawv kuaj dej seb puas muaj hlau los tau thiab. Qhov “ua-koj-tus-kheej” yuav tom khw los tsis zoo txaus.

Yog kuaj qhov xim tha tsev es muaj hlau, koj tus tswv tsev yuav tsum kho qhov xim tawg lossis nti raws li txoj kev kaj huv. Tagnhro cov menyuam uas yau dua 6 xyoo nyob hauv lub tsev lossis tuaj xyuas yuav tsum mus kuaj seb puas muaj hlau lom neeg. Pojniam xeeb tub nyob hauv lub tsev lossis tuaj xyuas yuav tsum mus kuaj thiab.

Yuav kho li cas thiaj tsis muaj xwm txheej?

Hais kom koj tus tswv tsev ntiav cov kws muaj ntaub ntawv kawm txog hlau tuaj kho qhov xim tha tsev tawg lossis nti. Lub Minnesota Department of Health muaj ib daim ntawv qhia co npe tuam txhab uas muaj ntaub ntawv. Hu (651) 201-4620 lossis e-mail lawv ntawm health.asbestos-lead@state.mn.us

Xav paub ntxiv mus ntawm: www.health.state.mn.us/communities/environment/lead/ (lus Askiv xwb).

Tsis txhob kho koj tus kheej lossis cia cov neeg tsis tau kawm tawm ua. Yog tsis txawj ua, nws yuav muaj hlau ntau dua uas yuav ua mob rau koj thiab koj cov menyuam.

Thaum tabtom kho ntawd, koj tsev neeg yuav tsum tsis txhob nyob hauv lub tsev. Thaj chaw kho ntawd yuav tsum maub npog kom tsis txhob muaj plua plav hlau mus rau koj cov khaub ncaws thiab rooj tog. Tsis txhob rov mus hauv tsev kom txog thaum koj paub tias tu huv huv lawm. Tom qab kho tag lawm, yuav tsum kuaj cov plua plav ib cheem tsam ntawm qhov chaw kho kom tsis txhob muaj hlau lawm.

Ib txoj kev kho hlau txawv ib txoj nyob ntawm yam teebmeem muaj hlau. Lub chaw noj qab haus huv “Health Department” mam li qhia koj seb txoj kev twg thiaj li kaj huv thiab tsis kaj huv.

Cov kev kho pivtxwv yog:

tshem tawm cov qhov rai muaj hlau nyob hauv xim tha tsev
tshem tawm xim tha tsev qub
muab tej taj chaw muaj hlau npog
muab dej ntxhuav tej chaw
siv lub nqus tsev “HEPA” tshwj xeeb

Yog koj nyob lub tsev tau nyiaj tsoom fwv pab, nws muaj ntau txoj kevcai tswj los kho thiab tu li cas. Cov kevcai no hais rau tsev luam xauj, Section 8, tsev pab them nqi tsev, thiab lwm cov khooskas. Hu rau koj lub hoobkas kev cai lij choj legal aid yog koj nyob hauv lub tsev tau txais tsoom fwv pab nyiaj thiab koj muaj lus nug txog qhov no.

Yog tias kuv tus menyuam muaj hlau siab ne?

Lub Department of Health yuav tuaj kuaj koj lub tsev yog tias koj tus menyuam muaj hlau siab heev (15 ug/dL). Yog nrhiav tau hlau hauv koj lub tsev, yuav teem sijhawm kom tus tswv tsev yuav tsum kho kom tiav. Yog tus tswv tsev tsis ua tiav li theem tseg, tej zaum lub Health Department yuav siv kev cai lij choj. Tej zaum lub tsev no yuav raug kaw vim tsis ruaj ntseg thiab koj yuav tau tsiv tawm.

Saib peb daim ntawv qhia tseeb, Tiv Thaiv Koj Tus Menyuam ntawm Hlau Lom Neeg.

Yog kuv yuav tau tawm lub tsev ne?

Yog koj yuav tau tawm tsev ib hmo lossis ob peb hnub thaum kho thiab tu tsev, hais kom koj tus tswv tsev them koj cov nqi, xws li nqi pw chaw so “hotel”, zaub mov noj, thiab nqi tsheb mus los. Khaws tagnrho koj cov ntawv povthawj them nqi!

Muaj tej co koomhaum uas yuam kom kho tsev muaj hlau vim ib tug menyuam lossis tus pojniam xeeb tub muaj hlau siab nyob hauv lawv cov ntshav. Yog lub koomhaum hais tias koj yuav tsum tawm tsev thaum lawv kho, tsis tas koj yuav them nqi tsev rau lub sijhawm koj tawm hauv lub tsev kem.

Yog koj tsis xav nyob ntawd ntxiv lawm vim qhov teebmeem muaj hlau, koj xaus koj daim ntawv xauj tsev tau, tsiv tawm, thiab tsis them nqi tsev ntxiv lawm. Yog koj xaus koj daim ntawv xauj tsev, koj tus tswv tsev muaj 5 hnub tom qab koj tawm los muab koj qhov nyiaj cas tsev rau koj. Lawv yuav tsum ua raws li cov kevcai txog muab nyiaj cas tsev rov qab. Saib peb daim ntawv qhia tseeb, Nyiaj Cas Tsev txog cov kevcai no ntxiv.

Koj yuav tsum nrog ib tug kws lij choj tham txog koj qhov teebmeem ua ntej koj tsis them nqi tsev lossis yuav xaus koj daim ntawv xauj tsev. Tus kws lij choj mam li pab xyuas seb siv puas tau cov kevcai no raws li lub koomhaum uas yuam lawv kom kho qhov muaj hlau no.

Yog tias kuv tus tswv tsev tsis kho qhov muaj hlau ne?

Yog koj tus tswv tsev tsis kho qhov teebmeem xim tha tsev muaj hlau, koj muaj feem sau ib daim ntawv muab 14 hnub rau nws los kho. Ua daim ntawv “Rent Escrow Action” them nqi tsev rau tsev hais plaub yog kho tsis tiav. Saib peb daim ntawv qhia tseeb, Kom Tus Tswv Tsev Kho Vajtse. Nyob ntawm tej rooj plaub, koj ua tau daim ntawv kho tsev xwm ceev “Emergency Tenant Action (ETRA)” los tau. Saib peb daim ntawv qhia tseeb, Teeb Meem Xwm Ceev Kho Kom Sai.

Yog muaj ib tug neeg hauv koj tsev neeg muaj hlau siab, mus nrog ib tug kws lij choj raug mob tham ua ntej yuav ua ntaub ntawv foob lawv hauv tsev hais plaub. Tej zaum “Rent Escrow” them nqi tsev rau tsev hais plaub lossis “ETRA” yuav tsis zoo rau koj rooj plaub raug mob koj yuav foob tom qab.

Kuv hais kom tsev hais plaub ua tau li cas?

Yog koj ua ntawv “Rent Escrow” them nqi tsev rau tsev hais plaub lossis “ETRA”, koj hais kom tsev hais plaub ua tau ntau yam, xws li:

Yuam kom tus tswv tsev siv cov kev kaj huv kho hlau los kho sai li sai tau
Hais kom koj them nqi tsev rau hauv tsev hais plaub mus txog thaum tus tswv tsev kho tiav.
Hais kom tus tswv tsev them rau koj lub chaw so “motel”, zaub mov noj, nqi tsheb mus los, lossis muab ib lub tsev kem txawv rau koj nyob thaum tseem kho qhov muaj hlau ntawd.
Txo koj tus nqi tsev txhua hli koj nyob ntawd thaum kho qhov teebmeem muaj hlau.
Xaus koj daim ntawv xauj tsev ntxov.

Yog kuv txais Daim Ntawv Ceeb Toom Yuav Muab Tsev Tsoo ne?

Hu rau koj lub hoobkas kevcai lij choj legal aid sai li sai tau. Koj ua tau daim ntawv “ETRA”. Saib peb daim ntawv qhia tseeb, Teeb Meem Xwm Ceev Kho Kom Sai. Tsev hais plaub yuam kom tus tswv tsev kho qhov teebmeem sai li sai tau es nres qhov muab tsev ntsoo. Tsev hais plaub kuj hais tau kom tus tswv tsev muab ib lub tsev kem rau koj lossis them rau lub chaw so “motel” thiab zaub mov noj thiab nqi tsheb mus los kom txog thaum kho tiav lossis koj nrhiav tau tsev nyob. Yog koj yuav tau tsiv, hais kom tsev hais plaub yuam tus tswv tsev them tagnrho koj cov nqi tsiv thiab nplua 3 npaug koj cov nuj nqis.