Kev Pab Nyiaj Rau Xwm Ceev

EGA yog ib co nyiaj pab dawb los ntawm lub nroog rau cov neeg tau nyiaj tsawg thaum muaj xwm ceev. Qhov nyiaj no muaj feem muab rau 1 tug neeg lossis ib tsev neeg uas tsuas muaj neeg laus xwb. Tej zaum cov tsev neeg muaj menyuam muaj feem tau EGA, tabsis feem ntau lawv yuav tau qhov Emergency Assistance (EA) nyiaj pab muaj xwm ceev.

Ib co piv txwv xwm ceev yog raug ntiab tawn tsev, kaw fais fab, dej, cua sov, tsev raug kaw, lossis xav tau nyiaj cas tsev los khiav dim qhov tsis muaj tsev nyob. Ua ntawv thov kev pab EGA tom koj lub hoobkas pab nyiaj luam nyob hauv nroog.

Cim cia: Tej zaum tej cov nroog siv nws cov nyiaj tag ua ntej ib xyoo ncig los xaus. Yog qhov no tshwm tsim, lub nroog yuav muab tsis tau cov nyiaj pab dawb los ntawm EGA txog thaum lawv tau nyiaj pab cuam ntxiv rau lawv lub khoos kas EGA.

Cov nroog muaj peev xwm teem lawv cov cai txog EGA. Tabsis muaj qee txojcai los ntawm lub xeev lawv yuav tsum ua raws. 

1. Koj tsis tas muaj npe nrog lossis tsim nyog tau General Assistance thiaj li thov tau EGA.
    
2. Cov nyiaj koj tau los yuav tsum ntsib txojcai tau nyiaj. Yuav kom tau EGA koj cov nyiaj tau los yuav tsum tsawg tshaj 200% ntawm qhov nyiaj txiav txim rau kev txom nyem. Koj muaj feem nrhiav tau cov lus qhia ntawm https://aspe.hhs.gov/poverty-guidelines (lus Askiv xwb). Los xam kom paub rau EGA, muab tus naj npawb sau nov khoo rau 2. Koj cov nyiaj yuav tsum tau los qis tshaj ntawm.
3. Koj yuav tsum tau kev pab los ntawm EGA 12 lub hlis dhau los.
    
4. Koj yuav tsum tsis txhob tau MFIP. Yog koj tau MFIP, koj yuav tsum ua ntawv thov ib lub khoos kas txawv hu ua Emergency Assistance.
    
5. Koj yuav tsum muaj ib qho xwm txheej ceev uas ua ib tug neeg hauv koj lub tsev raug kev ua phem rau nws kev qab hauv huv lossis kev ruaj ntseg.
    
6. EGA yuav tsum kho qhov teeb meem. EGA tsis tas them nqi tsev yog koj cov nyiaj tau los tsis txaus them nqi tsev rau cov hli pem suab thiab koj yeej yuav poob koj lub tsev. EGA yuav tsis them txog thaum koj lossis lwm lub koom haum them tag nrho qhov nqi koj tiv. Cov nroog hu qhov no “cost effective”
    
7. Koj yuav tsum siv koj cov nyiaj us ntej. EGA yog los siv them rau yam koj them tsis tau.
    

Cov nroog tej zaum muaj ntau txojcai, xws li seb ib tug neeg hauv koj lub tsev puas yuav tsum yog xam xaj US lossis muaj ntaub ntawv nyob, lossis tej zaum lawv saib seb koj siv nyiaj li cas ib ob hli ua ntej koj ua ntaub ntawv thov. Tsis tas li ntawm, cov nroog yuav txiav txim seb lawv them nyiaj pes tsawg rau nqi them, fais fab, dej, cua sov lossis nyiaj cas tsev.

Koj muaj feem coj rov mus hais dua. Muab tsab ntawv rau tus neeg ua haujlwm hais tias koj xav kom lawv rov hais dua “sai.” Expedited txhais tias sai tshaj ib txwm vim nws yog ib qho xwm txheej ceev. Sau hnub tim thiab khaws ib daim luam tseg. Saib peb daim ntawv tseeb, Rov Hais Dua Txog Tsoomfwv Nyiaj Pab Pejxeem (Welfare) rau DHS. Hu koj lub hoobkas legal aid ntawm 1-(877) 696-6529 sai li sai tau. Lossis mus nrhiav kev pab los ntawm lwm cov kev pabcuam ntawm www.lawhelpmn.org/hm/providers-and-clinics.

Mus xyuas txog lwm yam kev pab xwm txheej ceev, hu 2-1-1- thoob  xeev, lossis 800-543-7709. Koj muaj feem xa ntawv ntaus hauv xov tooj nrog koj tus zauv ntawm cheeb tsam koj nyob mus rau 898-211 lossis tham online ntawm www.211unitedway.org/about-211/hmong/.