Khooskas Nrhiav Haujlwm (DWP)

Yuav luag txhua tus muaj feem tau Minnesota Family Investment Program (MFIP) tshiab mus rau hauv lub (Diversionary Work Program) Khooskas Nhiav Haujlwm DWP) rau 4 hlis ua ntej lawv tau MFIP.  

• Tej zaum koj yuav tau kev pab ntau dua yog tias koj pib ua ib txoj haulwm thaum koj nyob hauv DWP. 
• Cov hlis koj nyob hauv DWP tsis suav ntxiv rau koj lub sijhawm txwm nyob tau hauv MFIP.
• Koj muaj tus pab nrhiav haujlwm thiab Txoj Kev Npaj Ua Haujlwm (Employment Plan – EP) ceev dua li nyob hauv MFIP. 
• Tej zaum koj yuav tau chaw zov menyuam ceev dua. 

Cov kev pab tau hauv DWP yog: 

• Pab them nyiaj rau cov nqi tsev – xws li xauj tsev, them nqi tsev yuav thiab nqi fais fab, nkev, dej
• zaub mov – ua zoo xyuas thiab khij lub thawv rau SNAP tib lub sijhawm
• tau chaw zos menyuam
• tej zaum koj yuav tau $35 rau qhi xov tooj 
   

Qhov nqi them tsis ntau tshaj qhov MFIP nyiaj ntsuab rau tsev neeg muaj neeg coob ib yam, tsis suav qhov $110 MFIP nyiaj rau them tsev nyob.  Yog tseem tshuav nyiaj seem tom qab them nqi tsev thiab nqi fais fab, nkev, dej yog them los ntawm koj qhov nyiaj DWP, ib tug neeg hauv tsev neeg txais tau mus txog $70 rau khoom siv rau tus kheej.

Mus rau nram koj lub nroog lub hoobkas “welfare” tsoomfwv pab nyiaj thiab ua ntawv thov. 

Lub nroog yuav tsum teem sijhawm ntsib koj tsis pub dhau 5 hnub ua haujlwm tom qab txais tau koj daim ntawv thov. Yog koj toobkas neeg zov menyuam, lub nroog yuav tsum pab koj ua ntawv thov zov menyuam thaum sib ntsib thawj zaug.

Mam muab koj npe mus rau chaw zov menyuam thaum koj tau ib tug pab nrhiav haujlwm lawm.  Koj yuav tsum tau tus pab nrhiav haujlwm tsis pub dhau 1 hnub tom qab lub nroog txiav txim siab tias koj tau DWP.

Koj yuav mus ntsib tus pab nrhiav haujlwm rau koj tsis pub dhau 10 hnub los ua Kev Npaj Ua Haujlwm (Employment Plan – EP).  Koj yuav tsis tau nyiaj ntsuab txog thaum pom zoo koj qhov Kev Npaj Haujlwm tso.

Nws yog tswv yim zoo yog sau txhua yam cia – taug qab zoo.  Pib sau ib phau ntawv rau DWP/MFIP.  Khaws tagnrho cov ntawv koj txais tau. 

Ib ha rau MFIP yog tias:

• koj thov kev pab rau koj cov menyuam nkaus xwb, tsis yog rau koj tus kheej. Piv txwv: koj tau SSI, koj tsis muaj ntaub ntawv nyob tebchaws no, lossis koj yog tus neeg txheeb ze tsis yog tus niam txiv thiab koj xaiv los txais kev pab rau cov menyuam xwb
   
• koj muaj 18 lossis 19 xyoo thiab xav kawm ntawv kom tias high school lossis kawm kom tau koj qhov GED (rau tsev neeg muaj niam thiab txiv, neb ob leeg yuav tsum muaj feem txais tibsi)
   
• koj muaj 17 xyoo lossis yau dua thiab tsis tau tiav high school lossis tsis tau koj qhov GED (rau tsev neeg muaj niam thiab txiv, neb ob leeg yuav tsum muaj feem txais tibsi)
   
• koj tsis muaj tus txij nkawm thiab muaj ib tug menyuam yau dua 12 hlis.  Koj tsuas siv tau qhov no ib zaug hauv koj lub neej xwb.
   
• koj tau 4 hli DWP ntawm 12 hli tas los no (rau tsev neeg muaj niam thiab txiv, neb ob leeg yuav tsum muaj feem txais tibsi)
   
• leej niam/txiv hauv tsev neeg tau MFIP 12 hli tas los no lawm
   
• leej niam/txiv hauv tsev neeg tau MFIP rau 60 lub hlis lossis tshaj 
   

Koj hla tau lossis hloov tawm DWP thiab tau MFIP thaum koj qhia tau tias tsawg kawg los ib tug niam/txiv hauv tsev neeg:

• ua tsis taus haujlwm vim muab mob lossis raug mob uas yuav ntev tshaj 30 hnub, suav cev xeeb tub tibsi 
   
• yuav tsum nyob tom tsev tu tus neeg mob lossis raug mob hauv tsev neeg 
   
• tau ua ntawv thov SSI lossis RSDI
   
• muaj teebmeem kawm ntawv lossis IQ qis thiab qhov no txwv txoj kev ua haujlwm
   
• muaj hnub nyoog 60 xyoo lossis laus tshaj, lossis
   
• tuaj nyob hauv tebchaws United States tsawg tshaj 12 lub hli txwm tom qab lub hli tuaj txog
   

Lossis yog muaj leejtwg hauv tsev neeg: 

• muaj feem txais kev kho mob tshwj xeeb, xws li neeg tuaj tu hauv tsev (PCA) lossis tus saib xyuas kev puas siab puas ntsws
   
• yog tug raug ua phem rau hauv tsev neeg

• tsev neeg muaj 1 tug niam/txiv yuav tsum siv 130 teev tau jib hlis (30.23 teev tauj ib lub lim tiam) (yog koj muaj tus menyuam yau dua 6 xyoo koj yuav tsum siv 87 teev tauj ib hlis lossis 20.23 teev tauj ib lub liam tiam)
• tsev neeg muaj niam thiab txiv yuav tsum siv tsawg kawg 55 teev tauj ib lub liam tiam ua ke (ntxiv ob leeg cov sijhawm ua ke) 

Nws yog txoj kev npaj muab sau cia txog tej yam koj yuav ua:   

• npaj mus uas haujlwm  
• nrhiav kom tau ib txog haujlwm
• thiab txhob poob haujlwm.   
   

Koj muaj cai tias dabtsi sau rau hauv koj qhov EP.  Koj tus neeg pab nrhiav haujlwm yuav tsum pab koj ua ntawv thov chaw zov menyuam thiab pab txog kev thauj mus los, xws li tsheb npav lossis cov npav them nqi roj.

Hauv tsev neeg muaj niam thiab txiv, zam tau qhov muaj EP rau leej niam/txiv ntawm tus menyuam muaj 12 hlis lossis yau dua, tabsis tsuas yog ib zaug hauv koj lub neej xwb.  

Nyob rau hauv qhov kev npaj ua haujlwm DWP, tsis pub kom tshaj ib nrab ntawm koj cov xuab moo yuav tsum tau yog cov sijhawm kawm ntawv rau neeg laus, Askis yog yam Lus Thib Ob (ESL), lossis cov hoob GED.   Suav kawm ntawv qib siab yog koj kawm kom tas rau 4 lub hlis.  Cov cai no hloov thaum koj pauv mus rau MFIP.

Yog koj tsis ua li koj tau pom zoo ua hauv koj qhov EP, koj poob koj cov kev pab rau sijhawm 4-lub hlis DWP.

Lub nroog yuav tsum xa ib daim ntawv luv tuaj rau koj.  Koj yuav tsum muab nws xa mus tsis pub dhau 30 hnub thaum kawg lub hli thib 4 hauv DWP, tsis ua li ntawd ces koj yuav tau rov pib ua daim ntawv tshiab dua. 

Koj tau so mus txog 12 lub hli tom qab yug tus menyuam. Muab cov hli no sib faib ntawm niam thiab txiv thiab yug menyuam, tabsis sijhawm tagnrho tsis pub dhau 12 hlis hauv koj lub neej.

Tagnrho cov niam txiv nyob hauv DWP YUAV TSUM ua qhov EP.  Qhov no hu uas sawvdaws yuav tsum koomtes.  Tabsis koj muaj cov cai los hloov txoj  Kev Npaj Ua Haujlwm.  Qhov EP hloov muaj tau: 

• Ua haujlwm tsawg dua lossis cov teev nrhiav haujlwm tsawg dua
• Ua lwm yam tshwj xeeb vim koj lossis koj tus menyuam xiam oob qhab, lossis raug ua phem rau hauv tsev neeg.
• Yog koj tsim nyog tau qhov hloov txoj kev pab EP ces muab koj hloov ntawm DWP mus rau MFIP lwm lub hli. 

Tsuas yog qee leej thiaj hloov tau qhov EP xwb.  Piv txwv, yog koj yog tus raug ua phem rau hauv tsev, koj muaj cai los hloov koj qhov kev npaj uas muaj qhov zam rau tsev neeg raug ua phem.  Koj yuav tsum mus ntsib tus neeg sawv cev pab txog ua phem hauv tsev neeg thiab tus pab nrhiav haujlwm rau koj los:

• Ua daim ntawv thov zam, thiab
• Ua daim Kev Npaj Ua Haujlwm kom muaj kev ruaj ntseg. 
   

Yog koj xiam oob qhab lossis nrog ib tug xiam oob qhab nyob uas toobkas koj tu nws, koj hloov tau qhov Kev Npaj Ua Haujlwm thiab kev pab tom haujlwm kom “hloov kom haum” qhov xiam oob qhab.  Qhov no txhais tau tias lawv yuav pab koj hloov qhov Kev Npaj Ua Haujlwm thiab pab nrhiav kev pab rau koj kom koj ua tau raws li koj qhov kev npaj.

• Koj yuav tsum tau kev pab li 2 hnub ua haujlwm tom qab.
• Koj kuj yuav tau nyiaj muas noj thiab pab them zov menyuam. 

Hu tus pab nrhiav haujlwm rau koj txog: 

• Tej yam txog koj tus kheej thiab hauv tsev neeg uas nyuaj rau koj nrhiav tau thiab tuav txoj haujlwm 
• Muaj teebmeem hais thiab totaub lus Askis  
• Muaj teebmeem txog kev ua phem hauv tsev neeg
• Koomtes nrog cov khooskas social service
• Koomtes nrog cov kevcai lij choj txoj hau kev
   

Yog koj tus neeg pab nrhiav haujlwm tsis hloov koj qhov Kev Npaj Ua Haujlwm, koj coj rov mus hais dua tau. 

Nco ntsoov:   
Yog koj pib txoj haujlwm thaum lub sijhawm 4-hli DWP, koj yeej tseem tau txais cov nyiaj ib yam.

Qhov nyiaj koj khwv tau ntawm txoj haujlwm hauv lub sijhawm 4-hli yuav tsis txo koj qhov nyiaj. 

Yog tus neeg ua haujlwm pab koj tsis pom zoo, coj rov mus hais dua.

Koj coj qhov lus txiav txim siab ntawm lub nroog lossis tus neeg pab koj rov mus hais dua yog koj tsis pom zoo nrog nws.

Muaj lus qhia ntxiv txog coj rov mus hais dua, saib peb daim ntawv qhia, Rov Hais Dua Txog Tsoomfwv Nyiaj Pab Pejxeem (Welfare) rau DHS.   

Thaum qhov 4-hlis ntawm DWP tiav, koj mam li thov kom tau MFIP kev pab.  Tsis ua li cas txawm koj muaj haujlwm los tsis muaj.

Hauv MFIP koj tau: 

• Nyiaj ntsuab xa tuaj rau koj
• Pab yuav zaub mov – tamsim no hu uas SNAP  
• Zov menyuam