MFIP thiab FSS rau Cov Tib Neeg Raug Tsim Txom hauv Tsev Neeg

Yog koj yog ib tug neeg raug tsim txom ntawm tsev neeg, tej zaum koj yuav tau ib daim ntawv zam raug tsim txom hauv tsev neeg ntxiv rau koj Txoj Hau Kev Npaj Nrhiav Hauj lwm (Employment Plan) (EP). Raug tsim txhom ntawm tsev neeg txhais tau tias ib tug neeg (koj tus txij nkawm, koj tus hluas nkauj/nraug, qub txij nkawm los sis ib tug koj tham ib ntu thiab/los sis tau deev, koj tus menyuam, los sis koj niam thiab txiv) tau ua mob koj los sis koj cov menyuam, hawv ua phem rau koj lossis koj cov menyuam, los sis tau ua rau koj ntshai rau koj lossis koj cov menyuam rau lwm txoj kev. 

Tej zaum koj yuav tsim nyog tau daim ntawv zam vim raug tsim txom hauv tsev neeg yog tam sim no koj tsis muaj kev tsim txhom tab sis txawm tab tom ntsib kev pab txog lossis kho kom zoo. Piv txwv: koj los sis koj cov menyuam mus ntsib ib tug kws pab ntuas neeg vim qhov kev tsim txom lossis koj siv sij hawm mus hais plaub vim qhov kev tsim txom. 

• cov hli ua koj muaj daim ntawv zam vim raug tsim txom hauv tsev yuav tsis suav rau ntawm 60 lub hli txwv sij hawm, yog li yuav ncav sij hawm rau cov hli koj muaj feem tau Minnesota Family Investment Program (MFIP) lossis Family Stabilization Services (FSS). 

• Daim ntawv zam vim muaj raug tsim txom hauv tsev neeg kuj siv tau kom muab sij hawm ntxiv.  Txhais tau, yog koj siv tag koj qhov 60 hli thiab tseem muaj teeb meem raug tsim txom have tsev neeg, koj muaj feem rov tau MFIP los sis FSS rov qab. 

• Koj suav tau cov sij hawm koj siv los rau cov khoom ua ub no rau kev ruaj ntseg nyob ntawm koj qhov EP.  Cov khoom ua ub no yog li mus ntsib tus kws pab ntuas neeg los pab kho qhov raug tsim txom lossis ntxiv pob xauv qhov rooj rau koj lub tsev. 

• Cov khoom ua ub no uas yuav muab koj lossis koj tsev neeg ntsib kev phem nyob tsis tau rau koj qhov EP. 

• Yog tej yam ntawm qhov ua ub no 20-35 teev tsis muaj kev ruaj ntseg, koj muaj feem txo cov sij hawm ntawm qhov kev ua ub no nyob ntawm koj qhov EP. 

• Yog koj tsis nyob FSS tam sim no, yuav muab koj tshem ntawm MFIP mus rau FSS tom qab koj thawj daim ntawv zam vim raug tsim txom hauv tsev neeg pom zoo lawm.  FSS zoo ib yam li MFIP, tab sis nws nyuab zog rau tus kws nrhiav hauj lwm nplua koj, thiab FSS tsis nruj heev. 

Yog koj txais tau MFIP los sis FSS, koj yuav tsum tau txoj hau kev npaj ua hauj lwm “employment plan” (EP). Koj sau nrog koj tus kws nrhiav hauj lwm.  Koj qhov EP muaj 20-35 teev ua ub no txog hauj lwm ib lim tiam, nyob ntawm lub hnub nyoog ntawm koj tus menyuam yaus tshaj.  Kev ua ub no txog hauj lwm yog li nrhiav hauj lwm, ua hauj lwm, lossis mus kawm.  Saib peb daim ntawm tseeb: MFIP Kev Npaj Mus Ua Haujlwm.

Yog koj muaj daim ntawv zam vim raug tsim txom hauv tsev neeg ntxiv rau koj qhov EP, koj suav tau cov sij hawm koj siv los ua ub no txog kev ruaj ntseg.  Tej zaum koj yuav tsis tas ua 20-35 teev ua ub no txhua lim tiam yog tsis nyab xeeb rau koj.

Yog koj tsis ua cov khoom nyob havu koj daim EP, koj qhov MFIP los sis FSS nyiaj pab yuav raug nplua los sis txiav.  Tom qab 6 lub hli raug nplua tag, koj kuj poob tau qhov MFIP los sis FSS tag nrho. 

• Qhia koj tus kws nrhiav hauj lwm koj toob kas daim ntawv zam vim raug tsim txom hauv tsev neeg. 

• Nrhiav ib tug kws sawv cev rau cov neeg raug tsim txom hauv tsev neeg (saib hauv qab). 

• Koj tus kws nrhiav hauj lwm yuav tsum teem ib rooj sab laj rau koj, koj tus kws nrhiav hauj lwm, thiab koj tus sawv cev rau cov neeg raug tsim txom hauv tsev neeg los sau koj daim  EP/los sis daim ntawv zam vim raug tsim txhom ua ke. 

Koj tus kws nrhiav hauj lwm yuav tsum xa koj mus rau ib tug sawv cev pab koj sau daim koj daim ntawv zam vim raug tsim txom.  Yog koj twb muaj ib tug sawv cev rau kev ua phem sib ntaus hauv tsev los sis tus kws lij choj tom legal aid nrog koj ua hauj lwm, tus neeg ntawd kuj yog tus sawv cev rau tau. Nyob ntawm koj txoj kev xaiv, tsis yog koj tus kws nrhiav hauj lwm.

Muab koj nplua tsis tau thaum koj tseem nrhiav ib tus neeg sawv cev, qhia koj tus kws nrhiav hauj lwm kom sai li sai tau yog koj xav tau ib tug.  Yuav nrhiav ib tug neeg sawv cev, hu 1‑(866)‑223‑1111.

Koj tus kws nrhiav hauj lwm muaj daim ntawv los ntxiv rau koj qhov EP kom koj thiaj li tau daim ntawv zam.  Daim ntawv teev txog cov khoom ua ub no xws li nqa xov tooj ntawm tes txhua lub sij hawm thiab hu mus rau koj tus neeg sawv cev vim raug tsim txom tham.  Koj tsis yuav tsum ua tag nrho cov lus teev hauv daim ntawv, thiab koj ntxix tau koj ib cov khoom rau.  Txhua qhov kev npaj txawv.  Yog koj tus kws nrhiav hauj lwm yuav tsum tsis txhob hais kom koj ua tej yam ua koj thiaj koj tus tus neeg sawv cev xav tias yuav tsis nyab xeeb rau koj.  Yog koj tus kws nrhiav hauj lwm yuam kom koj ua tej yam uas koj thiab koj tus neeg sawv cev xav tias tsis nyab xeeb, coj mus hais dua tam sim ntawd thiab hu rau legal aid.

No yog tej yam yuav tsum nco qab:

• Yog koj tsis nyab xeeb rau koj ua hauj lwm tam sim no, koj tsis tas mus ua hauj lwm.  Qhov no muaj tej yam li neeg soj raws koj mus tom hauj lwm, los sis ua rau koj poob hauj lwm yav tag los.

• Koj yuav tsum ua hauj lwm cov teev tsawg dua li cov niaj zaus ua nyob EP yog koj tshawj muaj tsis muaj kev ruaj ntseg.  Xws li koj xa thiab tos menyuam nram tsev kawm ntawv, los sis muaj kev nyuaj siab ntau los sis teeb meem txog kev cai li choj uas ua rau koj ua tsis tau hauj lwm li cov teev ib txwm ua.

• Yuam tsis tau koj thiab koj tsev neeg mus ntsib ib tus kws pab ntuas neeg, koj mus kev pab ib pawg neeg nyuaj siab los sis ntsib ib tus kws kuaj hlwb los rau koj daim ntawv zam vim raug tsim txom hauv tsev neeg.  Tab sis yog koj xav ua tej yam no thiab muab suav rau koj cov teev ua ub no, koj ua tau. Yog koj xaiv muab cov no ntxiv rau cov khoom ua ub no rau koj qhov kev npaj, koj yuav tsum muaj neeg zov menyuam thaum koj mus.

• Koj tus kws nrhiav hauj lwm yuam tsis kom koj mus ua daim ntawv tiv thaiv Order for Protection (OFP) los sis daim ntawv thab zes neeg, mus teev lus hauv tsev hais plaub, hu tub ceev xwm los sis kom tes nrog tub ceev xwm.  Tsuas yog koj thiaj li xaiv tau seb cov khoom no nyab xeeb los tsis nyab xeeb rau koj xwb.  Hais dua, yog koj xav ua tej yam no, lawv suav tau rau koj cov teev thiab koj yuav tsum nrhiav neeg zov menyuam.

Yog muaj tej yam hauv koj qhov EP ua tsis pab koj ntxiv lawm, los sis koj qhov xwm txheej pauv lawm, hu rau koj tus kws nrhiav hauj lwm los sis tus neeg sawv cev sai li sai tau.  Koj, koj tus kws nrhiav hauj lwm, thiab tus kws sawv cev yuav tau sib ntsib los hloov koj qhov kev npaj tau.  Yog koj tsis ua raws li teev tseg ntawm koj qhov EP (xws li tej yam ua nyab xeeb), thiab koj tsis muaj ib qho tseem ceeb, koj yuav raug nplua thiab koj cov hli pib suav rau ntawm koj qhov 60 lub hli txwv. Nws tseem ceeb heev yuav tsum ua cov kev hloov no sai li sai tau, kom thiaj li tsis tshwm sim.  Daim ntawv zam vim raug tsim txom hauv tsev neeg tsuas kav 3 lub hli xwb.  Thaum twg koj yuav hloov los sis rov ua dua qhov kev npaj koj yuav tsum muaj ib tus kws sawv cev.

Yog lub nroog tsis pom zoo koj daim ntawv zam vim raug tsim txom hauv tsev neeg los sis muaj tej yam ua tsis nyab xeeb rau koj, sau ntawv rov hais dua thiab hu rau legal aid thov kev pab.  Saib peb daim ntawv tseeb Rov Hais Dua Txog Tsoomfwv Nyiaj Pab Pejxeem (Welfare) rau DHS