Waxa al sameeyo haddii aad gafto dacwo Qaadid laanta Socdaalka ah (Immigration) (Sida loo xareysto Codsi Dib u Furida ah)

Read this in

Waxaa qoray

Education for Justice

Markii ugu dambeysay ee wax la soo geliyey

06/2026

Try our Quiz

After you're done reading this page, take a short quiz to test what you've learned!

Warqadan xogta aruursan ahi waxa ay ka hadashaa waxa la sameeyo haddii aad gafto dhagaysi maxkamadda laanta socdaalka uuna xaakim amro in lagaa saaro wadanka United States. Waxa ay kula wadaagi sidda loo waydiisto maxkamadda inay kaa qaado amarka saarida aha ayna kuu ogolaato inaad soo bandhigto kiiskaaga si aad uga hortagto masaafurin. Waxa ay leedahay tusmo ku saabsan codsiga aad u baahan tahay inaad ka xareyso maxkamadda.

Waa in aad isticmaasho warqadan xogta aruursan ah haddii aad gaftay dacwo qaadidaadii laanta socdaalka (immigration) aadna haysato amar saarid ah. Waa aad og tahay inaad haysato amar saarid ah marba haddii aad hesho warqad uu saxiixay xaakim oo oronaysa waxaa aad gaftay dacwo qaadidaaddii waxaana la amray in wadanka lagaa saaro. Waxa aad ka eegi kartaa kiiskaaga khadka (online) ee bogga https://acis.eoir.justice.gov/en/. Ma AHA inaad isticmaasho warqadan xogta aruursan ah haddii aad tagtay dhamaan dacwo dhagaysiyadaaddii xaakim na uu xukumay inaadan joogi karin wadanka Untied States. Ma AHA inaad isticmaasho warqadan xogta aruursan ah haddii aad heshay amar saarid ah oo uu saxiixay sarkaal ka tirsan hay’adda ICE ee uusan saxiixin xaakim. Haddii aadan hubin waxa uu amarkaaga saariddu leeyahay la tasho qareen qaabilsan sharciyadda laanta socdaalka (immigration).

Warqadan xogta aruursan ah waxaa sameeyey iskaashiyo dhexmaray hay’adaha Immigrant Law Center of Minnesota, Mid-Minnesota Legal Aid, Southern Minnesota Regional Legal Services, The Advocates for Human Rights, iyo the Volunteer Lawyers Network. Waxaana gargaaray maalgeliyey laga helay Waaxda Adeegyadda Bulshadda ee Gobolka Minnesota (State of Minnesota Department of Human Services).

Maxaa dhici haddii aan gafo qaadid maxkamad laanta socdaalka ah?

Xaakin ayaa ku amri kara in lagaa saaro wadanka United States. Taa macnaheedu waa waxa aad khatar u tahay in lagu masaafuriyo markii la rabo. Amarka saaridu waxa uu oran “Maqnaan.” Taa macnaheedu waa ma aad imaan maxkamaddii si aad uga mudacdo kiiskaaga. Xaakimku waxa uu boostadda kuu soo dhigi amarka wadanka ka saarida ah isagoo ku soo haajinaya ciwaanka maxkamaddu kaa hayso. Haddii aad guurtay aadana u sheegin maxkamadda, amarka saarida ahi waxa uu aadi ciwaankii hore. Waa khasab inaad u sheegto maxkamadda mar walba oo aad guurto. Barta (LawHelpMN) waxaa ku jira xog aruursan oo ka hadasha sidda loogu sheego maxkamadda inaad guurtay: U soo Sheegida Bedelida Ciwaanka Maxkamadda Laanta Socdaalka (immigration)

Siddee ayaan ku ogaan in xaakim amray in la iga saaro wadanka U.S.?

Haddii aad gafto dacwo qaadid, wac ama gal khadka (online) ka si aad u ogaato in xaakim amray in wadanka lagaa saaro iyo in kale.

Telefan ahaan. Wac khadka EOIR ee ah 1-800-898-7180. Khadkan waa Ingiriis iyo Isbaanish. Riix 2 si laguugu caawiyo afka-Isbaanishka. Geli Lambarkaaga-A ama “Lambarka Diiwaangelinta Ajnabiga.” [Gal barta immigrationhelp.org si aad u ogaato sidda lagu helo A-Lambarkaaga (A-Number.)] Cod horey loo duubay ayaa oran in la amray in wadanka lagaa saaro iyo in kale ama haddii aad leedahay balan dacwo qaadid ah oo kuu qabsan.
Khadka (Online). Booqo acis.eoir.justice.gov. Geli A-Lambarkaaga (A-Number.) waxa uu kuu sheegi in la amray in wadanka lagaa saaro iyo in kale ama haddii aad leedahay balan dacwo qaadid ah oo kuu qabsan.

Maxaan sameeyaa haddii uu xaakim amro in la iga saaro wadanka U.S.?

Go’aanso inaad rabto inaay waydiisato maxkamaddu inay dib u furto kiiskaaga iyo in kale. Wax fiican iyo wax xumiba waa ay dhici karaan haddii aad codsato in dib u furto kiiskaaga. Kala tasho qareen laanta socdaalka (immigration) sharciyadeeda yaqaan fursadda laga yaabo in maxkamaddu ay dib u furto kiiskaaga. Kiis walbaa waa uu ka duwan yahay kuwa kale. Go’aanka aad hesho haddii aad dib u furto kiiskaagu waxaa uu ka duwanaan karaa kan saaxiibkaa, dariskaa ama ina-adeerkaa uu helay haddii ay codsadaan in dib loo furo kiisaskooda.

Waa maxay sababta ay u FIICNAAN karo in dib loo furo kiiskaaga

Waxa aad haystaa fursad aad uga codsato sharci maxkamad. Haddii laguu ogolaado sharci:
- Waa aad ku noolaan kartaa kana shaqeysan kartaa Mareykanka (U.S.)
- Waxa aad ka heli kartaa maxkammadu inay baajiso masaafurintaadii.
Waxa aad xareysan kartaa codsiyo si aad u noqoto qof ku leh deganaansho rasmi ah Mareykanka (U.S.) haddii aad noqoto qof xaq u leh mustaqbalka. Haddii aadan dib u furin kiiskaaga, waa ay adkaan doontaa inaad noqoto deganaade rasmi ah.
Laanta Socdaalka iyo Ilaalinta Kastanku (ICE) kuma masaafurin karto inta aad sugayso in maxkamaddu go’aansato dib u furitaanka kiiskaaga. Waxaa heli kartaa waxa la yiraa “ka reebid saaridda.” Haddii hay’adda ICE ay isku daydo inay ku masaafuriso ama aad leedahay iska xaadirinta ICE inta aad sugayso go’aanka codsigaaga dib u furida kiiskaaga ah, tus hay’adda ICE dacwadaadda dib u furida ah.
Waxa aad haysataa fursad aad ugu dagaalanto kiiskaaga. Waa aad ogaan doontaa goorta iyo goobta ay dacwo qaadidaada ugu dambaynta ee laanta socdaalku ay dhici doonto. Waxa aad heli doontaa waqti aad ku soo aruursato dukumiintiyadda aad maxkamadda ugu baahan tahay. Waxa aad qorsheyn kartaa sidda loogu sheego sheekadaadda xaakimka laanta socdaalka. Haddii aadan dib u furin kiiskaaga, hay’adda ICE waa ay ku masaafurin kartaa markii ay rabto. Waxaa dhici karta inaadan helin fursad aad ugu diyaariso qoyskaaga taa ama aad ku qabato waxyaabaha aad doonayso inaad qabasto.

Waa maxay sababta ay u XUMAAN karto in dib loo furo kiiskaaga

Hay’adda ICE way ogaan doontaa meesha aad ku nooshahay. Kolka aad waydiisato maxkamadda laanta socdaaka (imiigration) inay dib u furto kiiskaaga, waa inaad u sheegto ciwaankaaga iminka. Maxkamaddu waxa ay la wadaagi ciwaanka cusub hay’dda ICE. Haddii maxkamaddu ay go’aansato inaysan dib u furin kiiskaaga, hay’adda ICE waa ay ogaan meesha aad ku nooshahay. Taasi waxa ay ka dhigi inay u sahlanaato ICE inay ku masaafuriso.
Dadka qaarkii ee lagu soo eedeeyo ama lagu helo dambiyadda qaarkood waxaa lagu hayn karaa goobo ay hay’adda Ice ay khasab tahay inay dadka ku hayso. Taa macnaheedu waa waxaa ku haynaysaa hay’adda ICE dhamaan waqtiga aad ka sugayso go’aanka xaakimka laanta socdaalka. Ma aad waydiisan kartid lacagta inaad dhigto si aad ugu baxdo meesha ay hay’dda ICE dadka ku hayso. La tasho qareen khidrad u leh sharciyada laanta socdaalka (immigration) ka hor inta aadan xareysan dacwo dib u furid ah haddii:
- Lagugu soo eedeeyey, ama lagu xiray, ama lagugu helay ama aad qiratay inaad gaystay dambiyada guri jabsi, xatooyo, booli, dukaan wax ka xadid, gacanqaad askari aad u gacan qaaday ama wax dambi ah oo kale oo keena geeri ama dhaawac jireed oo culus.
- Aad jaa horey laguugu ogolaan United States. Taa macnaheedu waa waxa aad timid Mareykanka (U.S.) adigoon fiisa haysan ama la’aan ogolaansho aad ku soo gasho wadanka.

Hadii aan go’aansato inaan dib u furto kiiskayga, sidee u sameeyaa?

Xareyso “dacwo aad dib u furayso amar maqnaansho ah.”

Waa khasab inaad ku xareysato 180 cisho gudahood laga bilaabo maalinta xaakimku ku amray in wadanka lagaa saaro, Dacwadaadda, ku sheeg sababta aad u gaftay balanta dacwo qaadida. La tasho qareen khibrad u leh sharciyadda laanta socdaalka haddii aad gafto waqtiga ugu dambeeya ee dacwadda la soo xareysan karo. Marmarka qaarkood waxa aad xareysan kartaa dacwo dib u furid ah ka dib 180 cisho ee la iska la rabo in lagu xareysto. Waxa aad u baahan tahay inaad la timaado sabab gaar ah oo ka dhigtay wax adag inaad ku soo xareysto dacwaddda waqtigii loogu talagalay.
- Tusaale ahaan: Jorge madaxa ayuu ka jiranaa.
- Tusaale ahaan: Janice waxa ay u xirnayd dowladda dhexe.
- Tusaale ahaan: Julie waxa ay ahayd ilmo. Julie ma aysan haysan waalid ama cid mas’uul ka ah oo la taliso. Ma aysan ogaan amarka saarida ah ka hor intii ay gaartay 18-sanno jir.
Waxa aad xareysan kartaa codsi dib u furid dacwo ah 1 mar. Haddii codsiga la diido, ma aad xareysan kartid codsi kale si kiiska dib loogu furo. Soo aruuri dukumintiyadda aad ugula dirayso maxkamadda dacwadaadda dib u furida ah si aad cadeyso sababta aad u gaftay dacwo qaadidda. Ka eeg qaybta “Sidda loo xareysto Codsi si Dib loogu Furo Amar Maqnaansho ah” ee warqadan xogta aruursan ah tusaalayaal.
La tasho qareen khibrad u leh sharciyadda laanta socdaalka ka hor inta aadan xareysan dacwadaadda haddii aad awoodo. Qareenku waxa uu kaa caawin karaa inaad sameyso muduc fiican aadna akhbaarta ugu fiican ee aad diri karto aad dirto.

Waa maxay sababaha ay maxkamadu dib ugu furi karto kiiskayga?

Waa khasab inaad haysato sabab fiican oo ah sababta aad u gaftay dacwo qaadidaadii si maxkamaddu ay dib ugu furto kiiskaaga. Tusaalooyin “sababaha fiican” ahi waa:

Warqadaha boostadda waxaa lagu diray guriga eedo. Eedana kuuma sheegin in aad dacwo qaadid leedahay.
Waxa aad tagtay maxkamad khalad ah waayo goobta dacwo qaadida ayaa la bedelay.
Gaarigii ayaa kaa halaabay adigoo u soo socda goobta dacwadda lagu qaadayey.
Maxkamaddu kuuma keenin turjubaan ku hadlan afka aad inta badan ku qanacsan tahay inaad isticmaasho. Ama aadan aqoon goorta, sida, ama meesha loo aadayo maxkamada.

Kuwaasi ma aha sababaha kaliya ee ay maxkamaddu dib ugu furi karto kiiskaaga. Waxaa dhici karta inaad haysato sabab fiican si kiiskaaga dib loogu furo haddii ay dhaceen wax kaa hor istaagay tagida maxkamadda.

Xagee ayaan ka heli karaan qareen i caawiya?

Maxaa dhici haddii codsiga dib u furida kiiskayga la ansixiyo?

Balan cusub oo dacwo qaadid ah ayaa laguu qaban. Waa khasabi inaad tagto balanta! Waxa aad ku heli ogaysiis qoran boostadda oo oranaya codsigaagii waa la ansaxiyey. Waxaana ku qornaan doonta waqtiga cusub iyo goobta dacwa qaadidaada. Sidoo kale waad soo wici kartaa ama waxa aad ka eegi kartaa akhbaarta dawco qaadidaada khadka.
Hubi inay maxkamadu hayso ciwaankaaga saxda ah. Waa muhiim inay maxkamadu ay taqaan ciwaankaaga iminka. Hadii aad guuro, u dir foomka ciwaan bedelida maxkamadaada.
U diyaargarowga maxkamad tagida marka ugu horeeysa. Barta LawHelpMN waxa ku jira xog aruursan oo ku saabsan waxa la sameeyo ka hor dacwo qaadida maxkamadda laanta socdaalka. Waxa ay ka hadashaa waxa la fili kolka aad tagto maxkamadda. Waxay kaloo kaa caawin kartaa helid akhbaarta dacwadda: Waxa La Fili Marka Kuugu Horeeysa ee aad Tagto Maxkamadda Muhaajiriinta (Immigration) ee Minnesota.
Ka Bedelida Ciwaankaaga Maxkamadda. Buux Foomka EOIR-33IC ka diba u dir maxkamadda. Foomka waxa uu ku jiraa barta justice.gov/eoir/file/640016/dl?inline LawHelpMN waxa ay haysaa xog aruursan oo kaa caawinaysa ka ciwaan bedelida maxkamadda. Mari kooda QR (QR code) ama gal barta: lawhelpmn.org

Maxaa dhici haddii codsigayga dib u furida kiiska ah la diido?

Racfaan uga qaado go’aanka Golaha Racfaanadda ee Laanta Socdaalka. Haddii aad racfaan xareysato, waxaa laguu ogolaan markiiba “joogid wadanka’ ah ilaa iyo inta go’aanka racfaanka laga gaarayo. Taa macnaheedu waxaa weeye laguma masaafurin karo ilaa inta xaakim uu go’aan ka gaarayo ku saabsan racfaankaaga. Waa inaad ku xareystaa racfaankaaga 30-cisho gudahood kolka la diido codsigaaga dib u furida kiiskaaga ah. Hel qareen kaa caawiya racfaanka. Mashruuca la yiraa (Florence Immigrant and Refugee Rights Project) ayaa leh hage ka hadla sidda racfaan lagu qaato. Gal barta: firrp.org/media/BIA-Appeal-Guide-2013_new-BIA-address-2013.pdf

Siddee ayaan dib ugu furi karaa kiiskayga laanta socdaalka (immigration)?

Waxaa jira 6 talaabo oo la raaco si kiiskaaga dib loogu furo.

1. Buuxi codsi dib loogu furayo amar maqnaasho ah.
Tilmaamo iyo tusmo ayaa ku jira qaybta “CodigaTusmadda ah ee Dib u Furida Amarka Maqnaashaha” ee warqada xogta aruursan. Nuqul (copy) banaan oo codsiga ah ayaa laga heli karaa barta LawHelpMN.

2. Soo aruuri qoraalada aad la dirayso codsigaaga.
Soo dir 4 waxyaabood:

Codsiga Dib u Furida Amarka Maqnaashaha ah.
Daliil cadeeysa sababta aad u gaftay qaadida dacwada. Waxa jira tusaalooyin daliilaha ah oo qayb ka ah “CodigaTusmadda ah ee Dib u Furida Amarka Maqnaashaha” ee warqada xogta aruursan.
Foomka Bedelida ciwaanka/akhbaarta la soo xiriirida. Foomka EOIR-33 (Form EOIR-33) waxa uu jiraa barta: justice.gov/eoir/file/640016/dl?inline
Rasiidka khidmada AMA codsiga khidmad saamixida
- Magangelyo dalbadayaasha: Khidmadi ma jirto. Waa khasab inaad la soo dirto dalbashadaada magangelyadda (Form I-589) codsigaagga.
- Cid walba oo kale: waxaa jirta khidmad $1065 oo la bixiyo si loo xareeyo codsi dib u furid ah. Soo dir codsiga khidmad saamixida (Form EOIR-26A). Ka hel foomamka barta: justice.gov/eoir/page/file/1237856/dl.
- Haddii lacag badan aad sameyso si aad xaq ugu yeelato ka saamixida khdimadda: La hadal qareen yaqaan xeerarka laanta socdaalka. Waa khasab inaad bixiso khidmadda ka hor inta aadan xareyn codsigaaga aadna soo dirto rashiidka lacaga bixinta.

3. Ka samee 3 nuqul codsiga iyo dukumiintiyadda gargaaraya. Kala har 1 nuqul wax walba.

4. Boostadda ugu dir 1 nuqul oo codsiga iyo dukumiintiyadda gargaaraya maxkamadda amartay in wadanka lagaa saaro.
Hel magaca iyo ciwaanka maxkamadda amartay in lagu saaro:

Telefan ahaan. Wac khadka EOIR 1-800-898-7180.
Khadka (Online). Go to acis.eoir.justice.gov.

5. Boostadda u dhig 1 nuqul oo codsiga iyo dukumiintiga gargaaraya ah qareenka dowladda ama “xafiiska OPLA.”
Tan waxaa kaloo la yiraa “u geynta qareenka dowlada.” Tani waa ay ka duwan tahay ciwaanka maxkamadda. Si aad u hesho xafiiska OPLA ee maxkamadaada loo xil-saaray:

Wac maxkamada amartay in lagu saaro. U sheeg inaad isku dayeyso inaad xareysato codsi dib u furid amar maqnaansho ah. Waydii magaca iyo ciwaanka xafiiska OPLA ee loo xil-saaray maxkamadaadda.

6. Eeg in kiiskaaga dib loo furay.
Maxkamaddu waxa ay boostadda kuu soo dhigi warqad ku saabsan go’aankeeda. Haddii kiiska dib loo furay, balan cusub oo dacwo qaadiddaada ah ayaa lagu qaban. Wax ka eeg khadka (online) ka si aad u eegto inaad balan dacwo qaadid ah leedahay iyo in kale. Waxaa laguu sheegi, taariikhda, waqtiga, iyo goobta dacwo qaadidaada.

Telefan ahaan. Ka wac EOIR khadka ah 1-800-898-7180. Geli A-Lambarkaaga (A-Number) ama “Lambarka Diiwaagelinta Ajbaniga.” Isticmaal taxaalka kala doorashada waxyaabaha si aad u eegto taariikhda iyo waqtiga dacwo qaadidaada. Khadku waa afafka Ingiriiska iyo Isbaanishka. Riix 2 si laguuga caawiyo afka isbaanishka.
Khadka (online). Gal barta acis.eoir.justice.gov. Geli A-Lambarkaaga (A-Number). Fiiri “Akhbaarta Dacwo Qaadida Xigta” iyo “Akbaarta La soo Xiriirika Maxkamadda.”

Daliil caynkee ah ayaan soo diraa oo ku saabsan sababta aan u gafay dacwo qaadidda?

Dir wax walba oo dukumiintiyo ah oo cadeynaya sababta aad u gaftay dacwo qaadidaadda. Dukumiintiyadaa waa khasab in la soo diro iyagoo af Ingiriis ah. Haddii dukumiintiyadda asalkoodu uusan Ingiriis ahayn, waa khasab in ciddi turjunto. Uma baahnid inaad isticmaasho turjubaan ama tafsiire xirfadle ah. Qof labo af ku hadla oo ehel ah, ama saaxiib ah, ama aad taqaan ayaa sameyn kara. Waa khasab in qofkaasi inuu buuxiyo foomka turjubaanka. Ka hel foomka safsiiraha oo banaan barta.

Tusaale: Daniela waa ay guurtay mana aysan helin ogaysiiskii dacwo qaadideeda.

Daniela waa inay soo diro wax walba oo muujinaya inay ku nooshahay ciwaaan kale: Taasi waxay noqon kartaa:

Dukumiintiyo cadeynaya ciwaankeeda cusub, sidda biil koronto.
Warqad ciwaan bedelid ah oo ay ka keento Adeega Boostada ee U.S. (U.S. Postal Service).
Warqad saxiixan oo ay ka keeto qof ehel ah oo oranaysa Daniela aniga ayey ila noolayd ilaa iyo [taariikhda] ka dibna waa ay guurtay.
Ciwaan ka bedelid maxkamadda. Foomkan gaar looma xareyn karo. Daniela waxay u baahan tahay inay la soo dirto codsigeeda dib u furida kiiskeeda.

Daniela siddoo kale waa inay soo dirtaa wax walba oo muujinaya inaysan maxkamadda u sheegin guuritaankeeda. Taasi waxay noqon kartaa:

Dukuiinti muujinaya maxkamad kale oo waalidka iyo ilmaha ah inay ku jirtay xilligii dacwo qaadideeda. Waxay kaloo soo diri kartaa dukumiintiyo kale oo muujinaya inaysan isku halayn karin qofka weyn ee daryeel-siiyaha u ah iyadu inuu maxkamadda geeyo.
Warqad saxiixan oo oranaysa in iyaddu ay ka yarayd 18 sanno jir xilligii dacwadeeda la qaadayey iyo inaysan lahayn qareen. Warqaddu waxa ay u sheegi kartaa maxkamadda inay hadda og tahay sidda loo bedelo ciwaankeeda.

Tusaale: Waxaa jiray baraf badan amaana uma ahayn Rooble inuu maxkamada gaari ku aado.

Tusaale: Isabella waa dhibane gacanqaad qoyska dhexdiisa ah loo geystay mana aysan tagi karin dacwo qaadideeda.

Isabella waxay soo diri kartaa intii cadeyno ah ee ay rabto ee cadeyn kara in gacanqaad qoyskeeda dhexdiisa ah loo geystay. Siddoo kale waa inay dirto wax kasta oo ay awoodo si ay u cadeyso inaysan maxkamadda tagi karin waayo dagaal qoyska dhexdiisa loogu geystay. Kuwaa waxay nooqn karaan:

Cadeyn in Gacanqaad Qoyska ah loo geystay.
- Dhamaal qoraal oo dhaar ah ama dhambaalo WhatsApp ah oo ay heshay.
- Qoraalo caafimaad oo muujinaya inay daryeelo heshay.
- Qoraalo telefano bilayska ah oo ay Isabella wacday si ay caawimaad uga hesho.
Cadeyn ah inaysan Tagi Karin Maxkamadda Waayo Dagaal Qosyka Dhexddiisa loogu Geystay
- Warqaddo muujinaya in Isabella ay tagtay iska-xaadirinteeda laanta socdaalka iyo Kastanka (I.C.E.).
- Dhambaalo qoraal ah ama warqaddo muujinaya inay isku dayday inay hesho gaadiid u qaada maxkamadda. Ilmaheeda, ehelkeed, ama asxaabteeda ayaa u qori kara warqadahaa iyada.

Tusaale: Astur ma ogeyn in dacwo qaadideeda loo wareejiyey maxkamada kale. Waxa ay tagtay maxkamaddii markii hore lagu balamiyey.

Tusaale: Andres qareenkeedu waxa uu siiyey waqti khaldan oo dacwo qaadideeda ah.

Maxaa ku jira codsiga dib u furida ah?

Waxa uu u kooban yahay 4 qaybood codsiga dib u furida amarka maqnaanasha ahi. Qayb walba waa khasab in lagu buuxiyo afka-ingiriiska.

Warqad daboolka ah. Tani waxa ay maxkamadda u sheegi cidda aad tahay meesha aad ku gaftay dacwo qaadidaadda.
Codsiga. Tani waxa ay maxkamadda u sheegtaa sababta aad u gaftay dacwo qaadidaadii.
Amarka. Tani waa foomkii maxkamaddu buuxisay ayna diib kuugu soo dirtay. Waa sidda ay maxkamaddu kuugu sheegi in codsigaagii la ansaxiyey iyo in kale.
Xaashida adeega. Tani waxa ay u sheegi maxkamadda goorta iyo sidda aad ugu dirtay nuqul codsiga ah qareenka dowladda.

Ka hel nuqul banaan oo codsigan ah barta: LawHelpMN. Isticmaal tusmaayinka warqdan xogta aruursan ah si ay kaaga caawiso inaad buuxiso xaashida daboolka ah, codsiga, amarka, iyo warqadda adeega. Ku buuxi inta akhbaar ah ee ugu badan ee aad awoodo. Haddii aadan haynin qaar akhbaarta ka mid ah, sidda magaca xaakimka laanta socdaalka (immigration), soo dir codsiga isagoo leh inta akhbaar ah ee ugu badan ee aad awoodo.