Cov Cai Muaj Hauv Haujlwm: Cov Neeg Raug Ua Phem Rau thiab Thab Zes

Yog koj lossis ib tug hauv koj tsev neeg raug ua phem rau lossis thab zes, lossis yog koj lossis ib tug hauv koj tsev neeg raug ua phem rau, koj nug tawm tau sijhawm so:

• los ua daim Ntawv Tiv Thaiv (OFP) lossis Ntawv Tsis Pub Thab Zes thiab Tuaj Ze (HRO). Saib peb daim ntawv qhia Ntawv Tiv Thaiv thiab Ntawv Txwv Tsis Pub Thab Los Ze.
• mus mloog cov rooj plaub
• mus ua tim khawv hais lus povthawj hauv qhov plaub txim txaum raug kaw, yog lawv hais kom koj tuaj 

Qhov chaw ua haujlwm rho tsis tau koj tawm, hawv koj, lossis xaiv ntsej xaiv muag rau koj ib qho li vim koj rho tawm sijhawm tsim nyog mus ua ntawv OFP lossis HRO. Qhov chaw ua haujlwm ua phem tsis tau rau koj los ntawm txo koj nyiaj, lossis hloov tej yam txog koj txoj haujlwm, vim lawv tsis nyiam koj rho tawm sijhawm so. 

Cov Sijhawm So Khwv Tau rau Mob thiab Sijhawm Nyabxeeb yog cov sijhawm them so uas koj qhov chaw ua haujlwm yuav tsum muab rau koj: 

• koj muaj mob
• koj yuav tau tu ib tug neeg mob hauv koj tsev neeg 

Koj khwv tau 1 teev sijhawm mob thiab nyabxeeb rau txhua 30 teev koj ua haujlwm. Koj muaj feem khwv tau mus txog 48 teev txhua xyoo lossis tshaj yog koj qhov ua haujlwm kam.  Yog lub zos koj ua haujlwm muaj txoj cai tiv thaiv zoo dua, koj qhov chaw ua haujlwm yuav tsum tau ua raws li ntawd. 

Koj muaj feem tau sijhawm so rau mob thiab nyabxeeb yog koj:

• Ua haujlwm tsawg kawg los yog 80 teev ntawm ib xyoo twg rau ib qhov chaw ua haujlwm hauv Minnesota thiab
• Tsis yog ib tug neeg tuaj ua haujlwm tshwj xeeb “independent contractor.” 
   

Koj yeej tseem muaj feem tau txawm yog hais tias koj ua haujlwm ib ntus lossis sijhawm luv “part-time” xwb. Tej zaum yuav zam tau qhov kev so no rau cov neeg ua haujlwm thaum sib hais pom zoo rau cov neeg ua haujlwm ua tsev loj thiab ua vajtse. 

Yog koj ua tau, koj yuav tsum qhia koj qhov chaw ua haujlwm tsawg kawg 48 teev ua ntej thaum koj yuav tsis tuaj haujlwm.  Yog ua tsis tau vim tej zaum tos yuav muaj teebmeem rau koj lossis koj cov menyuam, ces koj tsis tas qhia ua ntej.  Tej zaum koj qhov chaw ua haujlwm yuav kom koj muab povthawj tias koj nyob qhov twg, thiab koj ua dabtsi, tabsis lawv yuav tsum tsis txhob qhia lwm tus cov lus no.

Koj ua tau ntawv thov pab yog tias koj poob tsawg kawg $50 vim qhov teebmeem.  Qhov no suav nyiaj haujlwm poob.  Yuav ua ntawv, koj yuav tsum qhia rau tub ceevxwm txog qhov ua txhaum rau tub ceevxwm tsis pub dhau 30 hnub thaum nws tshwm sim, koj yuav tsum koom tes nrog qhov kev xwj thiab kev foob, thiab koj yuav tsum ua daim foob tsis pub dhau 3 xyoos. 

Yog xav paub ntxiv txog kev pab kho lossis cov ntawv thov, tiv tauj: 

Minnesota Crime Victims Reimbursement Program 
Office of Justice Programs, Minnesota Department of Public Safety
445 Minnesota Street, Suite 2300
St. Paul, MN 55105-1515

1 (888) 622-8799 lossis (651) 201-7300
https://dps.mn.gov/divisions/ojp/help-for-crime-victims/Pages/crime-victims-reimbursements.aspx  

Tiv tauj ib tug kws lij choj.  Tej zaum koj qhov chaw ua haujlwm yuav nraug txim yog tias muab koj rho tawm lossis ua phem rau koj vim koj qhov teebmeem.  Tej zaum koj yuav foob tau koj qhov chaw ua haujlwm kom them nyiaj rov qab, rau nyiaj poob, thiab rov muab txoj haujlwm rau koj.  Tej zaum koj qhov chaw ua haujlwm yuav tau them qhov nqi rau koj tus kws lij choj thiab.

Tau.  Koj tau qhov nyiaj poob haujlwm yog koj toobkas tawm haujlwm vim muaj sib ceb/ntaus hauv tsev, yuam deev lossis soj qab rau koj lossis ib tug txheeb ze hauv koj tsev neeg. “Txheeb ze hauv tsev neeg” yog koj tus txiv/pojniam, niam/txiv, niam/txiv tshiab, pog/yawg, niam tais/yuav txiv, tub, ntxhais, tub tshiab, ntxhais tshiab, tub/ntxhais xeeb ntxwv.

Koj yuav tsum muaj povthawj txog qhov sib ceg/ntaus, yuam deev lossis soj qab.  Povthawj yog tej yam xws li: 

• Tsev hais plaub lus txiav txim uas muaj qhov OFP lossis HRO
   
• Tub ceevxwm daim ntawv qhia txog qhov ua phem
   
• Povthawj tias tus neeg ua phem raug txiav txim txhaum rau lub txim lawm
   
• Ntawv kho mob txog qhov ua phem
   
• Daim ntawv sau los ntawm tus social worker, ib tug hauv tsev pe hawm, tus ua haujlwm hauv tsev nkaum (shelter), kws lij choj, lossis lwm cov kws tau pab koj.  Daim ntawv yuav tsum qhia tias koj lossis ib tug hauv koj tsev neeg tau raug ua phem rau los ntawm sib ceg/ntaus, yuav deev lossis soj qab.