Koj Cov Tswv Yim Nrhiav Hauj Lwm

Yog koj tau txoj kev pab los ntawm Vocational Rehabilitation Services (VRS) los sis ntawm lub Xeev State Services rau cov Dig Muag (SSB), koj thiab koj tus kws cob qhia nrhiav hauj lwm mam txiav txim seb puas toobkas kev soj ntsuam. Kev soj ntsuam yog yuav siv los ntsuas qhov koj lub dag zog, tseem ceeb, tej koj xav ua thiab tej koj xav tau rau los ua tau txoj hauj lwm. Txoj kev soj ntsuam pab koj npaj lub tswv yim ua hauj lwm uas hu ua Employment Plan (EP). Tej zaum kuj yog hu raws lub npe hu ua Individualized Plan for Employment (IPE) no thiab.

Lub tswv yim EP ces yog sau rau hauv ntawv uas qhia txog yam hauj lwm koj xav tau thiab qhia txog tias koj yuav ua li cas thiaj yuav tau txoj hauj lwm ntawd.

Muaj 3 txog kev los tsim qhov EP:

1. ua koj tus kheej
2. txais kev pab los ntawm koj tus kws cob qhia nrhiav hauj lwm los sis  
3. kev pab los ntawm ib tug leej tus twg uas xav pab koj

Koj tus kws cob qhia nrhiav hauj lwm yuav tsum muab cov ntsiab lus sau coj los pab qhia koj txog tej koj yuav coj los sau koj cov tswv yim EP. Yuav tsum muaj cov ntsiab lus piav kom meej uas muab teev tseg rau koj daim ntawv EP. Yog tias koj toob kas tau cov ntsiab lus no rau uas lwm yam kev qhia vim qhov koj xiam oob qhab, lawv yuav tsum muab kom tau hom kev pab ntawd rau koj.

Feem ntau koj yuav tsis tau cov kev pab los ntawm VRS los sis SSB ua ntej koj teev tau daim ntawv EP tiav thiab xee npe rau. Yog li, ua koj daim EP kom sai li sai tau, koj thiaj yuav tau kev pab.

Feem ntau daim EP yuav tsum muaj cov lus li nram no:

• koj lub hom phiaj ua hauj lwm thiab yuav ntev li cas koj thiaj caum cuag
   
• cov kev pab cuam koj toob kas kom pab ua tau koj lub hom phiaj. Txhua txoj kev pab yuav qhia kom meej txog kev nrhiav thiab tuav kom tau hauj lwm mus ntev. Nrog rau cov neeg muab kev, pib ua hauj lwm hnub twg thiab qhia tias cov nyiaj xav kom tau ho yog los qhov twg los
   
• yuav uas li cas koj thiab koj tus kws cob qhia nrhiav hauj lwm thiaj li paub tias koj caum cuag koj lub hom phiaj
   
• kev pab cuam thiab cov kev pab los ntawm lwm cov khoos kas ua pab koj caum tau koj lub hom phiaj
   
• tes dej num los ntawm VRS los sis SSB
   
• koj tes dej num thiab
   
• koj thiab koj tus kws cob qhia nrhiav hauj lwm pom zoo xee neb ob lub npe

Qhia kom meej!
Koj cov EP yuav tsum qhia kom meej li meej tau. Yuav tsum qhia ncaj qha txog koj cov hom phiaj yuav nrhiav hauj lwm ua, txhob hais deb, deb thiab dav. Yuav tsum paub kom meej tias kev pab thiab tej twj txheej yuav tsum muaj li cas thiaj yuav caum tau koj lub hom phiaj nrhiav hauj lwm. Paub tias leej twg yog tus yuav muab tej kev pab cuam no. Xyuas kom zoom tias koj qhov EP qhia koj koj lub dag zog, tseem ceeb, kev txhawj xeeb, peev xwm thiab kev txwv.    

Xyuas tib zoo kom koj to taub thiab pom zoo rau txhua nqi lus hauv koj qhov EP. Qhov no muaj feem tias koj yuav vam meej.

Yog tias koj paub tsis meej txog tej kev pab thiab tej twj txheej koj yuav tsum tau los sis koj thiab koj tus kws cob qhia nrhiav hauj lwm tsis pom zoo txog tej koj xav tau, VRS los sis SSB muaj feem hais kom ib tug neeg nruab nrab tuaj soj ntsuam koj tej kev toob kas. Tus neeg nruab nrab yuav tsum yog tus neeg uas paub txog cov neeg uas muaj kev xiam oob qhab ib yam li koj.

Koj cov EP yuav tsum muaj cov ntsiab lus qhia txog tej cai koj muaj, tej tswv yim qhia txog thaum muaj teeb meem, thiab lwm cov ntaub ntawv qhia txog kev pab koj los ntawm Client Assistance Project (CAP).

Koj thiab koj tus kws cob qhia nrhiav hauj lwm yuav tsum pom zoo rau txhua nqi lus ntawm cov EP mas thiaj siv tau. Neb ob leeg yuav tsum xee neb npe rau ntawm cov EP. Xee npe rau daim EP txhais tau tias neb ob leeg pom zoo rau txhua yam nyob hauv.

Nco ntsoov, VRS thiab SSB pab tsis tau koj txog thaum koj muaj daim EP tiav. Koj daim EP yog ib daig ntawv tseem ceeb rau kauj ruam ua yuav tau los nrhiav thiab tuav ib txog hauj lwm.

Tiam sis koj tus kws cob qhia nrhiav hauj lwm yuav tsis tas mus nrhiav tej kev sib piv txog tej kev pab cuam thiab txiaj ntsim no yog tias nws yuav ncua:

• koj qhov kev kawm mus rau qhov hauj lwm xav tau
   
• tau hauj lwm ua kiag tam sis ntawd los sis  
   
• cov ncauj lus qhia txog tej kev pab thaum yus yuav raug kev mob nkeeg.

VRS los sis SSB yuav saib seb koj tau nyiaj li cas. Nyob ntawm qhov seb koj tau nyiaj li cas, tej zaum koj kuj yuav tau pab them ib cov kev pab thiab. Qhov koj yuav tsum tau them rau kev pab cuam hu ua “consumer financial participation (CFP).”

TIAM SIS cov kev pab cuam no muab thiab pab dawb rau txhua tus, txawm tias yuav muaj thiab tsis muaj nyiaj:

• kev soj ntsuam seb puas tsim nyog txais kev pab thiab kev pab qhia koj ua tau hauj lwm
   
• cob qhia, pab tswv yim thiab xa npe mus rau lwm txoj kev pab
   
• nrhiav thiab coj mus ua hauj lwm
   
• kev pab yus tus kheej
   
• xiam oob qhab – txhais lus, tej twj txheej, pab nyeem ntawv los sis lwm yam kev pab uas koj yuav tsum tau siv cov kev ua hauj lwm

Yog koj tau pob nyiaj Social Security xiam oob qhab koj tsis tas yuav them rau tej kev pab li.

Thaum koj daim EP tiav lawm, koj yuav tsum xee npe rau daim ntawv sau cia. Yog koj tsis pom zoo li teev rau hauv daim EP, txhob xee npe rau. VRS thiab SSB yuav tsum muab ib daim EP uas muaj cov lus koj to taub rau koj. Daim EP yuav raug rov muab coj los saib xyuas thiab hloov tshiab txhua xyoo.

Yog koj muaj teeb meem nrog tus kws cob qhia koj nrhiav hauj lwm thaum ua daim EP, hu rau ntawm Client Assistance Project (CAP) kom pab koj.

Yog tias koj yog ib tus neeg txais kev pab los sis teev npe rau kev pab los ntawm VRS los sis SSB, koj hu tau ntawm Client Assistance Project (CAP) kom pab yog koj muaj lus nug, kev txhawj xeeb, los sis tej yam tsis txaus siab txog qhov kev pab cob qhia kom koj ua tau hauj lwm. CAP yuav tsis muab kev pab qhia ncaj qha rau koj kev npaj mus ua hauj lwm, xws li kev kawm ntawv, kawm hauj lwm los sis kev siv tej cav twj. Saib peb daim ntawv tseeb Kev Pab Txhawb (CAP).

Yog xav paub ntxiv txog CAP lossis rau kev thov rau CAP cov kev pab, hu rau:

• (612) 334-5970 (nroog ntxaib)
• 1-800-292-4150 (thoob xeev)