Racfaanada SSB

Adeegyada Gobolka ee Indhoolayaashu (VRS) waxa ay leeyihiin nidaam racfaan qaadasho ah hadii aadan ku qanacsanayn go’aanka ay ka gaartay kiiskaaga. Hadii aad tahay codsade ama jaa aad horey u ahayd macmil waxa aad xaquuq u leedahay:

1. inaad codsato dib u eegid ladifan oo uu sameeyo kormeere oo ka tirsan SSB
   
       iyo/ama
    
2. codsi dhexdhexaadin. Taa macnaheedu waa qof sedexaad oo dhexdhexaad ah inuu kala shaqeeyo adiga iyo VRS inaad heshiis gaartaan
   
       iyo/ama
    
3. inaad u soo bandhigto daliilo, akhbaar iyo makhraatiyaal mas’uulka aan eexda lahayn ee dacwooyinka qaada. Mas’uulkaasi waxa uu ka dib ka gaari go’aan kiiskaaga.

Waxaa khasab inaad ka hesho ogaysiis ku saabsan xaquudaada racfaanka SSB.   

• Ogaysiisku waa inuu qornaadaa
• Ogaysiisku waa inuu noqdaa qaabka aad jeceshahay in la adeegsado kolka lagu la soo xiriirayo (af-ajnabi, farta Bariilka, iwm.)
• Ogaysiisku waa inuu kuu sheegaa Barnaamijka Gargaarka Macmilka (CAP) sida (CAP) uu kaaga caawin karo racfaanka.

Waa khasab inaad hesho ogaysiiska xaquuqda racfaanka kolka: 

• Aad codsato adeegyada SSB ka
• SSB ay ku geliso habka kala xulashada
• SSB ay go‘aansato inaadan xaq u lehayn
• Qorshahaaga Shaqada ee uu kuu gaarka ah (IPE) la sameeyey (sidoo kalana la yiraa EP)
• SSB ay qorshaynayso inay laasho, yareyso, ama joojiso adeegyada aad hesho.

Hadii SSB ay wax ka bedesho Qorshahaaga Shaqada aadna doonayso inaad racfaan ka qaadato taa, SSB waa khasab inay sii wado adeegyada xilliga dacwada racfaanku ay socoto. Adeegyadu waa inay sii socdaan ilaa iyo inta go’aan kama dambays ah laga gaarayo iyadoo la adeegsato dib u eegid ladifan, dhexdhexaadin, ama nidaam weyn oo dacwo qaadid ah. Laakiin adeegyadaasu ma sii socon doonaan hadii aad markii hore ku heshay musuq-maasuq, been sheegid, ama wax kale oo fal dambiyeed ah.

Hadii aadan ku qanacsanayn go’aanka ay gaartay hay’ada VRS, waxaa jira qaabab kala duwan oo loo xalin karo dhibka. Qaababkaa kala duwan waxaa loo kala qaybiyey 3 nooc oo aasaasi ah:

• Dib u eegid (ama maamul) ladifan
• dhexdhexaadin
• dacwo qaadid eex la’aan ah

Kuwaa ama aha in loo sameeyo wax qaab kala horeyn ah. Hadii si kale loo yiraa, khasab kuguma aha inaad isticmaasho dib eegida ladifan ama habka dhexdhexaadinta ka hor inta aadan codsan dhagaysi dacwo oo weyn.

Codsiga dacwo qaadida aan eexda lahayn waa khasab in lagu sameeyo 60-cisho gudahood laga bilaabo maalinta adiga iyo wakiilkaagu aad heshaan ogaysiiska qoran ee wixii go’aan ah ee uu gaaro La taliyaha Xirfadeynta ee SBB.

Hadii aadan ku qanacsanayn go’aan uu la taliyahaaga xirfadeyntu ka gaaray arrintaada, waxaad racfaan u qoran kartaa Agaasimaha SSB. Dib u eegida ladifan sidoo kale waxaa la yiraa  “maamulida dib u eegida.”

Waa khasab inaad ku codsato dib u eegida ladifan 60-cisho gudahood ka dib kolka aad go’aanka hesho. Si aad u bilowdo habka dib uu eegida ladifan, warqad u qor kuna hagaaji:  

Director of State Services for the Blind
2200 University Ave. W., #240
St. Paul, MN  55114-1840

Xiliga dib eegida ladifan la sameynayo, waxa aad xaq u leedahay inaad la kulanto qofka arrintaada dib u eegaya si aad ugala hadasho sababta aadan ugu qanacsanayn go’aanka. Arrintaada waxaa dib u eegaya kormeere aan qayb ka ahayn go’aankii hore ee arrintaada laga gaaray.

Kormeerahu waa inuu go’aan ku gaaraa 10-cisho gudahood kolka aad codsato racfaan. Waa khasab inaad nuqul qoraal ah aad ka hesho go’aankaa. Go’aanka qorani waa inuu sheegaa asbaabta go’aanka, sidoo kalena waa inuu kuu sheegaa xaquuqdaada rafcaanka ee cusub.

Hadii aadan ku qanacsanayn go’aanka ay ka gaartay hay’ada SSB arrintaada, waxa aad codsan kartaa habka qaadida dacwadaha ee aan eexda lahayn. Tani waa sida dhagaysiga dacwada maxkamadaha oo kale, laakiin ma aha maxkamadeyn. Dhagaysiga dacwada waxaa qaada xaakim maamulka sharciga qaabilsan (ALI).

Qoraal ahaan ku waydiiso habka qaadida dacwada aan eexda lahayn, 60-cisho gudahood laga bilaabo maalinta qoraal ahaan lagugu soo ogaysiiyo go’aanka la taliyaha. Warqadaada waa in lagu hagaajiyaa:

Director of State Services for the Blind
2200 University Ave. W., #240
St. Paul, MN  55114-1840

Dhagaysiga dacwada waa khasab in lagu qabto 45-cisho gudahood kolka aad codsado. Waxa aad xaq u leedahay inuu wakiil kaa noqdo taakuleye. Qareen ka socda xafiiska Xeer-Ilaaliyaha Guud ayaa wakiil ka noqonaya hay’ada SSB xilliga dhagaysiga dacwada.

Waxaad la imaan kartaa wixii akhbaar ah ama makhraatiyaal ah ee aad is leedahay waa ay caawin karaan arrintaada. 

Dhagaysiga dacwada ka dib, xaakimka maamulku waxa uu soo saaraa go’aan qoran.

20 gudahood ka dib kolka la soo saaro go’aanka qoraalka ah, labada qolo tii rabta ayaa waydiisan karta Gudoomiyaha Waaxda Shaqada iyo Dhaqaalaha ee Minnesota inuu dib u eego go’aanka. Waxaad kaloo soo diri kartaa akhbaar kale xilligan hadii aad is leedahay waxaa dhici karta inay caawiso arrintaada.

Gudoomiyahu ma uu burin karo go’aanka xaakimka maamulka aan ka ahayn inay jiraan “cadeymo shaki la’aan ah” oo ah in go’aanka ay “iska cadahay inuu khaldanaa (aanu qumanayn).” Gudoomiyahu isaga ayaa go’aanka kama dambaysta ah ku gaara 30-cisho gudahood laga bilaabo maalinta la codsado dib u eegida. Go’aanku waa inuu qornaadaa waana khasab inuu ku jirto warbixin buuxda oo ah xukunka iyo asbaabaha go’aanka.

Labada qolo kii raba ayaa dacwo madani ka furi kara maxkamad gobol ama mid dowlada dhexe leedahay si ay dib ugu eegto go’aanka gudoomiyaha. Dacwada madaniga ah waa khasab in lagu xareysto 30-cisho gudahood kolka go’aanka kama adambaysta ah la soo saaro.

Waxaa fiican inaad si degdeg ah ugu hesho caawimaad dhanka sharciga ah dacwadahan oo kale. Waqtiyada xareysiga dacwadahan caynkaan ahi waa qariib.

Go’aanka kama dambaysta ah ee gudoomiyaha wali waa jiri inta dib u eegida dacwadu socoto. Taa macnaheedu waa adiga iyo SSB ba ma xareysan kartaan dacwo madani ah si aad uga hor tagtaan go’aanka kiiskaagu inuusan dhaqan gelin.

Hadii aad tahay macmil ama codsade adeegyada hay’adaha VRS ama SSB, waxa aad wici kartaa Mashruuca Gargaarka Macmilka (CAP) si aad caawimaad uga hesho, hadii aad qabto su’aalo,walaac, ama ashtako ku saabsan adeegyada tababarada xirfadaha. Hay’ada (CAP) ma bixiso adeegyo tababaro xirfadeed ah oo toos ah, sida, tacliin, tababarid, ama qalab. Eeg warqadayada xogta aruursan ee Mashruuca Gargaarka Macmilka.

Wixii akhbaar ah ee kale ee ku saabsan (CAP) ama sida loo codsado adeegyada (CAP), ka wac:

• (612) 334-5970 (agagaarka beledyada)
• 1-800-292-4150 (gobolka oo dhan)