Xeerarka Canshuurta ee Ilmaha Korsiga loo Qaato, Dadka Dowlada Ilmaha u Haya Iyo Ehelada Ilmaha Korisa

Waxaa jira xeerar ku saabsan cidda aad sheegan kartid. Waxaa jira “ilmo ama ehelo” xaq u leh in canshurta lagu xareysan karo.  

• Ilmahu waa inuu noqdaa ilmo uu dhalay canshuur bixiyahu, ilmo uu xilahiisu dhalay ilmo dowlada loo hayo oo xaq u leh in canshuur lagu xareysan karo, walaal, waalaalay,  ama ilmo ka soo farcamay mid ka mid ah eheladaa. Kuwaa waxaa ku jira ilmaha qof canshuur-bixiyaha ah loo geeyey si uu u korsado. Xataa hadii nidaamka loo maro ilmaha loo qaadanayo korsigu uusan wali wada dhamaan. Ilmaha dowladda loo hayaa waa ilmaha ay u geeyso canshuur-bixiyaha hay’ad loo ogol yahay meelaynta ilmaha ama maxkamad.
• Ilmahu waa khasab inuu kula noolaadaa canshuur-bixiyaha in 6-bilood oo sannadka ka mid ah wadanka Mareykanka (U.S.).  Si ku meel gaar ah ugu maqnaanta iskuul, fasax, daryeel caafimaad, adeeg ciidan, ama u jira xabsiyada kurayda waxaa lagu xisaabiyaa waqtiga guriga ku noolida. Waxaa jira arrimo kuwaa laga reebo oo quseeya waalidka is-fura ama kala baxa. Ka reebidu waxa ay u ogolaataa waalidka aan ilmaha la noolayn in ka badan sannadka barkii inuu sheegan karo inuu ilmaha wax taro kuna xareysan karo canshuurta ilmaha si uu u helo lacagta canshuurta ilmaha la isagu soo celiyo. Laakiin labada waalid mid uun baa si buuxda u sheegan kara ilmaha oo ku xareysan kara canshuurta. Ka reebidani MA quseeyso martabada xareysiga canshuurta ee qofka ah madaxa qoyska ama Lacagta Canshuurta ee Dakhliga la Kasbado (EITC).

• Ilmahu waa inuu ka yar yahay  qofka canshuur-bixiyaha ah aan ka ahayn kolka uu ilmahu buuxda ah oo rasmi ah uu naafo u yahay. Waxaa jira xadidaadyo da’da ku xiran oo kala duwan oo uu ay leeyihiin nidaamyada lacag soo celintu:
  • Ku Xisaabinta Canshuurta Kharashaadka Daryeelida Ilmaha– ilmahu waa inuu ka yar yahay 13-sanno jir kolka daryeelka la siinayey ama da’ kasta ayuu jiri karaa ilmahu hadii u naafo yahay uusana awoodin in asagu uu naftiisa daryeelo. 
  • Lacagta Canshuurta Ilmaha uga soo noqota – ilmaha xaqqa u yeelanayaa waa inuu 17-sanno jir yahay Deseembar 31, 2020.
  • Maratabada Canshuur Xareysiga Madaxa Qoyska iyo Lacagta Canshuurta uga soo noqota Dakhliga la kasbado (EITC) – ilmaha xaqqa u yeelanayaa waa inuu 19-sanno jir ka yar yahay ama uu yahay arday waqti buuxa iskuul dhigta oo ka yar 24-sanno Deseembar 31, 2020, ama da’ kasta jiri kara laakiin si rasmi ah oo buuxda naafo u ah.
• Ilmahu uusan isagu naftiisa siin karin in ka badan bar gargaarka ay naftiisu u baahnayd sannadka. Manfacyada Sooshal Sakuuratiga (Social Security) ga ee uu ilmahu helay isagoo ah cidda xaq u leh waalidka dhinta ama naafada ah xaqiisa waxaa loogu xisaabiyaa dakhli uu ilmahu leeyahay oo kale. Tijaabada gargaarka (ilmahu isagu naftiisa gargaaraya) ma quseeyso kolka la ogaanayo in canshuur-bixiyahu uu haysto ilmo xaq u leh lacagta ilmaha la isugu soo celiyo ee (EITC).

• Hadii ilmaha ay u sheegan u karaan labada waalidba sidii ilmo xaq u leh in canshuurta lagu xareysto, laakiin labada waalid uusan midna sheegan ilmaha kolkaa, CID KALE ma ay sheegan karto ilmaha aan ka ahayn kolka Dalkhliga Guud (AGI) ee qofka sheeganayaa ilmaha uusan ka badnayn wadarta Dakhliga Guud (AGI) ee labada waalid ee ilmaha dhalay. Xaaladan oo kale waxa ay dhacdaa kolka dad ehel ah oo badani ay meel ku wada nool yihiin.

• Hadii ilmo ay xaq u leeyihiin inay canshuurta ay ku xareyan karaan in ka badan hal qofi, aysana ku heshiin karin cidda sheeganaysa ilmaha labada waalidi, kolkaa waalidka ilmaha waqtiga ugu badan la noolaa sannadkaa waa inuu sheegtaa ilmaha. Hadii ilmahu uu la noolaa waqti is le’eg labada waalidba, kolkaa labada waalid kan dakhliga badani waa inuu sheegtaa ilmaha.

Hadii ilmahu:

1. uusan labada waalid midna la noolayn,
2. uu yahay ilmo xaq u leh in canshuurta ay ku xareysan karaan dad ka badan hal qof
3. dadkaa canshuur-bixiyayaasha ahina aysan isku raacin kara cidda sheeganaysa ilmaha, kolkaa canshuur-bixiyaha dakhliga ugu badan leh ayaa sheeganaya oo ku xareysanaya canshuurta ilmaha.

Ehelka xaqqa u yeelan kara ku xareysigu waa qof:

• muwaadin Mareykan ah (U.S.) ama ku noolaan jiray United States, Canada ama Mexico,
• xubin ka ahaa qoyskaaga sannadka oo dhan, (xataa hadii uusan qofkaasi qaraabo kula ahayn) ama qof qoyska ka tirsan oo ay dhici karto inuu kula noolaa ama uusan kula noolayn adiga sida:
  • ilmahaaga, ilmo aad awoowe ama ayeeyo u tahay, ama xilahaagu dhalay
  • walaalkaa, walaashaa, walaalhaaga aabe, walaashaada aabe,
  • waalidkaa, awoowe, ayeeyo, qofka hooyo ama aabe ay isqabaan
  • eedadaa iyo adeerkaa, ama ilmaha aad adeerka ama eedada u tahay,
  • sodogaa, sodohdaa, ninka gabadhaada qaba, gabadha wiilkaagu qabo,
  • seedigaa, ama dumaashidaa,

Ilmaha ama qofku badanaa ma noqon karo qof aad mas’uul ka tahay hadii:

• qof isqabaan ayna qofkaas canshuurta u wada xareystaan sdii dadka isqaba oo kale. 
• ay soo gashay qof lacag ka badan $4,200 sannadka 2020. Laakiin, hadii qofku uu yahay ilmo aad adigu dhashay oo ka yar 19-sanno jir ama arday ka yar 24-sanno jir, waa uu noqon karaa qof aad mas’uul ka tahay waana ay kasban karaan lacag ka badan $4,200.

Xeerarka kor ku xusan waxa ay quseeyaan canshuurta dowlada dhexe. Minnesota waxa ay u isticmaashaa xeerar kuwaa oo kale ah canshuurta dakhliga iyo tan dhulkaba. Wax ka waydii arrintan qofka canshuurta kuu xareeya.

Qoraalada ay soo saarto Hay’ada (IRS) ee 17 iyo 501 waxa ay leeyihiin warqado kaa caawin kara inaad ogaato inaad ka soo baxayso shuruudaha gargaarida. Waxa aad ka wici kartaa hay’ada (IRS) khadka ah 1-800-TAX-1040 ama gal shabakadooda (website) ah www.irs.gov si aad u hesho qoraaladaa.

Dadka dowladda ilmaha u haya ee sheegta “uga jarida samafalid” qaar ka mid ah kharashaadku (ka eeg hoos) uma isticmaali karaan isla kharashyadaa si uga soo baxaan shuruudaha gargaarida ee la isaga rabo.

Hadii aad ka soo baxdo xeerarka si aad u sheegato ilmo inaad mas’uulka tahay, ilmaha aad sheeganaysaa waa inuu ka yar yahay 17-sanno jir, aadna kasbatay ugu yaraan $2,500 oo dakhkli ah, waxaa dhici karta inaad awoodo inaad hesho Lacagta Canshuurta ee Ilmaha la isagu soo celiyo, taa oo noqon karta ilaa iyo 2,000 halkii ilmoodba. Ilaa iyo $1,400 oo ka mid ah $2,000 waxaa la isugu soo celin karaa ilmo walba oo xaq u yeesha. Hadii aadan xaq u yeelan Lacagta Canshuurta ee Ilmaha, waxaa dhici karta inaad xaq u yeelato Lacagta Dadka Kale ee aad Mas’uulka ka tahay la isugu soo celinayo taa oo noqon karta $500 oo la isku siiyo halkii qof oo aan mas’uul lka tahayba.

Hadii aad bixisay waxyaabo caawinaya daryeelka, gargaarayana ilmaha la hayo, aysana lacagtaa kuu soo celin dowladu (dib u siin), kolkaa waxaa dhici karta inaad u sheegato lacagtan sidii “deeq samafalid” ah oo kale aadna bixiso canshuur ka yar intii aad bixin lahayd. Waxa aad u baahan tahay inaad buuxiso warqada Jaan-goynta A, ee Jarida Mid-midka ah.

Wixii lacag ah ee aad ku kharash garaysay, laakiin ay KUU soo celisay dowladdu LOOMA sheegan karo inay tahay wax u “Jarmaysa Samafalid” ahaan oo kale oo kale.

Mas’uuliyiinta Sharciyeysani uma sheegan karaan inay uga jarmaan sidii jaritaan samafalid oo kale wixii kharashaad ah ee ay jeebkooda ka bixyaan oo lagu daryeelayo laguna gargaaraayo ilmaha.   

Haa, hadii ilmahaasi uu ka soo baxo shuruudaha “ilmaha xaqqa u leh” in canshuurta lagu xareysan karo ee bogga koowaad ee warqadan xogta aruursan. “Ehelka xaqqa u leh” laguma sheegan karo barnaamijyada (EITC) ama (WFTC).

Waxaa dhici karta inaad hesho Lacagta Dowlada dhexe ee Daryeelka iyo Mas’uuliyada Ilmaha ama tan Minnesta ee Daryeelka iyo Mas’uuliyada Ilmaha, hadii ilmahu uu 

• xaq u leeyahay inuu noqdo ilmo mas’uul laga noqon karo,  
• ka yaraa 13-sanno jir xilligii sannad-canshuureedka, UUNA
• hayey qof kale (oo aad lacag ku siisay) intii aad shaqo jirtay ama aad shaqo raadiska ahayd.  

Hadii ilmahu uu ahaa 13-sanno jir ama kuu ka waynaa, uuna naafa ahaa oo uusan awoodin inuu naftiisa daryeelo, kolkaa waxaa dhici karta sidoo kale inaad hesho lacagahaa.

Qaar badan oo qoysaska danyarta ah oo aan sheegan karin lacagta ay dowlada dhexe bixiso, waxa ay sheegan karaan lacagta uu gobolka Minnesota bixiyo.

Lacagta Canshuurta la isaga soo Celiyo Ilmo Korsigu waa lacag la isugu soo celiyo kharashaad ku galay adiga xilligii hawsha ilmaha aad korsanayso aad ku jirtay. Lacagta ugu badan ee soo noqon kartaa waa $14,300 ilmahiiba. Kharashaadka lagu xisaabiyo hawshan waa waxyaabaha sida

• kidmadaha la isaga qaado ilmo korsiga  
• kharashaadka maxkamada
• khidmadaha qareenka
• kharashaadka caafimaad
• kharashaadka safarada

Ilmahu waa khasab inuu ka yaraado 18-sanno jir uuna jir ahaan iyo maskax ahaanba uu naafo u yahay. Hadii aad u qaadato inaad korsato ilmo baahi gaar ah leh, waxaa dhici karta inaad hesho lacagta oo dhan xataa hadii aadan kharash garayn cadadkaa oo dhan. Si aad u hesho lacagta, ilmaha baahida gaarka ah lehi waa khasab inuu muwaadin Mareykanka (U.S.) ah uu yahay, hay’ada ilaalinta hagaagsanaanta ilmaha ee gobolkuna waa khasab inay go’aansatay in gargaar ilmaha korsiga loo qaadanayo ah aadan adigu ka maarmayn inaad hesho si aad u soo dhamaystirto nidaamka ilmo korsiga.

Ogow: Kharashaadka lagu bixiyo korsiga ilmaha xilahaagu uu dhalay xaq UMA laha.

Lacagta Canshuurta ee Dakhliga la Kasbado (EITC) iyo lacagaha kale ee canshuurta la isaga soo celiyaa waxaa la sheegan karaa ilaa 3-sanno ka dib kolkii la rabay in la xareysto. Hadii aadan canshuur xareysan qaar ama dhamaan 3-dii-sanno ee la soo dhaafay, hadda waa aad xareysan kartaa waana aad sheegan kartaa lacagta (EITC) da iyo lacago kale oo kuu soo noqon kara. Foomamka iyo cadadka lacagta ah ee la ogol yahay waa ay isbedbedelaan sannad walba. Hubi inaad isticmaasho foomka loogu talagalay sannadka aad xareysanayso! Foomamka si aad u hesho ka wac hay’ada (IRS) telefanka hoose ama waxa aad ka heli kartaa iyaga shabakadooda (website) ah, www.irs.gov. Hadii aad canshuur xaraysatay laakiin aadan wada sheegan lacago hadda aad is leedahay inaad sheegatay ahayd, waxa aad xareysan kartaa cusboonaysiinta  Foomka 1040X (Form 1040X) (dowlada dhexe) ama kan M1X (Minnesota) mid walba oo ka mid ah 3-dii-sanno ee la soo dhaafay.  

Su’aalaha canshuurta dowlada dhexe, ka wac (800) TAX-1040.

Su’aalaha canshuurta Minnesota, ka wac (651) 296-3781.

Canshuur bilaash loogu xareeyo ayey heli karaan dadka danyarta ah, ama naafada ah, ama waayeelka ah. Si aad u hesho rug caawimaad fidisa oo ku dhow, ka wac khadka ah (651) 297-3724 ama ka wac hay’ada United Way, lambarkeeda gobolka oo dhan ah ee 2-1-1, ama ka wac telefan gacanta ah lambarka (800) 543-7709. Waxaad kalood ka heli kartaa akhbaarta caawimaadaha bilaash ah ee deegaankaaga shabakada www.irs.gov/vita.