Kaw Cua Sov

Yog koj tsis them koj cov nqi fais fab, cua sov, nkev, lawv yuav raug kaw. Qhov no muaj feem ua tau txawm yog caij ntuj no. Tab sis, nyob rau 10 hli ntuj vasthib 1 rau 4 hli ntuj vasthib 30 muaj cai pab tiv thaiv kom txhob raug kaw. Daim ntawv qhia tseeb hais txog kev pab cuam nkev thiab fais fab yog toob kas rau cua sov. Cov kev cai no npog cov tuam txhab tsim hluav taws xob ntiag tug. Muaj cov kev cai sib xws rau co-ops thaib lub nroog hluav taws xob. Cov cai tsis siv rau cov neeg muag roj, thee, thaib ntoo.

Yog koj tsiv mus rau ib qhov chaw tshiab, soj ntsuas seb koj cov nuj nqis ntua npaum li cas kom koj zam qhov raug kaw. Ua ntej koj tsiv, nug txog tus nqi cua sov thiab hluav taws xob rau qhov chaw tshiab ntawm tus tswv tsev, tus tswv ua ntej, lossis lub tuam txhab hluav taws xob. Ces tseg nyiaj them. Nco ntsoov tus nqi rau cua sov kim dua rau caij ntuj no.

Yog koj tsiv lossis nyob qhov chaw qub, cov tuam txhab hluav taws xob muaj kev npaj pab rau koj tseg nyiaj. Qhov kev npaj pab muab tus nqi faib rau lub xyoo kom koj them ib tus nqi txhua hli. Qhov no muaj feem ua yooj yim them tus nqi. Nug koj lub tuam txhab hluav taws xob txog kev npaj pab tseg nyiaj thiab nws yuav kim npaum cas.

Tej zaum koj txais tau kev pab cuam hluav taw xob los pab them koj cov nuj nqis. Lawv pab nuj nqi cua sov thiab muab tau xwm txheej ceev pab nres kom txhob raug kaw. Lub khooskas pab them hluav taws xob Energy Assistance txais ntawv thov lub Kaum hli hnub tim 1 mus txog Tsib hlis hnub tim 31. 

Mus nhriav kev pab cuam hluav taw xob ze koj, hu rau United Way thoob lub xeev 2-1-1. Koj muaj feem ntaus koj tus zauv cheeb tsam hauv xov tooj ntawm 898-211 rau pab hauv zos lossis tham hauv online ntawm www.211unitedway.org/about-211/hmong/. 

Tej zaum koj mus muab kev pab ntawm lub nroog qhov chaw pab xwv ceev Emergency Assistance lossis Emergency General Assistance rau fais fab, dej, thiab nkev. Tiv tauj lub hoob kas tsoomfwv pab nyiaj hauv koj lub nroog txog cov kev pab cuam. Yog koj cov nuj nqi siab vim tus tswv tsev tsis kam kho lub tsev, yuam koj tus tswv tsev kho. Mus saib peb daim ntawv qhia tseeb, Kom Tus Tswv Tsev Kho Vajtse

Yog koj xav tias lub tuam txhab hluav taws xob ua yuam kev, qhia lawv tam sis ntawd. Lub tuam txhab hluav taws xob yuav tsum: 

• Xyuas cov lus tseeb tam sim ntawd 

• Qhia koj seb lawv xyuas li cas thiab qhov lawv nhriav tau thiab 

• Sim nhriav ib txoj hauv kev los nrog koj kho cov teebmeem  

Lawv yuav tsum tshawb nhriav thiab sau rau koj qhov lawv nhriav tau ua ntej lawv muab koj hluav taws xob kaw.  

Yog koj tseem tsis pom zoo nrog yam lawv txiav txim rau, hu rau koj hoob kas legal aid ntawm 1-(877) 696-6529, lub Public Utility Commission ntawm (651)296-0406 lossis 1-(800) 657-3782, lossis lub Minnesota Attorney General rau (651) 296-3353 lossis 1-(800) 657-3787. 

Yog koj them tsis tau tag nhro tus nqi nkev thaib hluav taws xob rau lub caij Kaum hli Ntuj vasthib 1 mus rau Plaub hli Ntuj vasthib 30, ib lub tuam txhab hluav taws xob tsis muaj cai kaw koj hluav taws xob yog koj ua ib txoj kev npaj them thiab raws qhov kev npaj ntawm. Thaum koj tham nrog lub tuam txhab hluav taws xob txog kev npaj them, sau cov npe koj nrog tham thiab cov lawv hais li cas. Sau ib tsab ntawv qhia txog txoj kev npaj them. Luam ib diam cia. Pej xeem lub tuam txhab hluav taws xob (xws li Xcel lossis CenterPoint) tsis muaj cai kom koj them ntau tshaj 10% ntawm koj cov nyiaj khwv tau los thaum lub caij ntuj no.  

Yog koj raug kaw lawm rau lub caij no, lub tuam txhab hluav taws xob yuav tsum siv lub zog los rov qab taw koj qhov hlauv taws xob ntawm li 24 teev lawv thaum lawv txais koj qhov kev npaj them.  

Tab sis txoj cai caij ntuj no tsuas tiv thaiv koj raug kaw hlauv taws xob yog tias muab hluav taws xob lossis nkev kaw yuav cuam tshuam koj cov cua sov. 

Nyob rau txhua lub tuaj txhab hluav taws xob, koj muaj feem tsim txoj kev npaj them nqi:

Kev Npaj Them Nqi
     Koj muaj feem npaj them txhua hli rau tag nhro lub ciaj no nrog lub tuam txhab nkev thiab hluav taws xob. Tus nqi no tsawg dua tus nqi tag nrho. Tus nqi no yuav tsum phim nrog koj cov nyiaj tau los. Koj tsis raug kaw yog koj them tag nrho cov nyiaj. Hu rau lub tuam txhab yog koj them tsis tau qhov nyiaj raws li koj pom zoo thiab ua sim ua ib txoj kev npaj them tshiab.

     Nrog cov tuam txhab hluav taws pej xeem siv (xws li Xcel lossis Centerpoint), yog koj them 10% ntawm koj nyiaj hli rau tus nqi tiv ces koj muaj kev tiv thaiv tsis raug kaw.

10% Kev npaj them
    Yuav tsis kaw hluav taws xob lub hli uas koj them tsawg kawg yog 10% ntawm koj cov nyiaj khwv tau los rau qhov nqi. Kev pab Energy Assistance tsis suav tias yog nyiaj tau los. Yog koj tau nkev los ntawm ib lub tuam txhab thiab hluav taws xob ntawm lwm lub, qhov 10% yuav faib rau ob lub tuam txhab.  

Yog lub tuam txhab hluav taws xob ua kev npaj them tsis ncaj ncees, koj ua ntawv rov hais dua rau PUC. Ua kom sai – lub sijhawm luv heev. Hu rau koj lub hoob kas legal aid ntawm 1-(877) 696-6529 kom pab koj. 

Mus ua ntawv rov hais dua:

• Mus nug koj lub tuam txhab hluav taws xob rau daim ntawv rov hais dua. Yog lawv tsis kam muaj rau koj, hu mus rau PUC thiab muab ib daim (saib hauv qab). Teb cov lus hauv  daim ntawv thiab xa mus rau ntawm PUC. PUC yuav tsum tau koj daim ntawv tsis pub dhau 7 hnub thaum daim ntawv ceeb toom kaw hluav taws xob tuaj txog.

• PUC mam tsim txoj kev npaj them nyob rau 30 hnub. Koj yuav tsis raug kaw thaum lub caij koj rov hais dua.

Yog muaj dabtsi tshwm sim thiab koj tsis muaj nyiaj them raws li koj txoj kev npaj them, tiv tauj lub tuam txhab hluav taws xob kom lawv hloov txoj kev npaj them tam sis ntawd. Yog lub tuam txhab hluav taws xob tsis pom zoo hloov, rov hais dua rau PUC tam sis ntawd kom zam tsis txhob raug kaw.

Koj tiv tauj PUC tau ntawm:     

Minnesota PUC
121 7th Place East, Suite 350
St. Paul, MN  55101

(651) 296-0406 or 1-(800) 657-3782