Tiv Thaiv Menyuam

“Child Protection” Tiv Thaiv Menyuam yog nroog lub hoobkas uas saib xyuas cov ntaub ntawv qhia txog kev tsim txom thiab txiav txim siab seb yuav muab cov ntawv ntawd ua li cas.  Yog daim ntawv qhia tias ntxim tus menyuam raug xwm txheej, ces lawv xwj seb puas muaj kev ua phem tshwm sim.  Lawv kuj saib seb tsev neeg puas toobkas kev pab cuam.  Rau tej co rooj plaub, tej zaum “Child Protection” qhov chaw Tiv Thaiv Menyuam ua ntawv foob hauv tsev hais plaub thiab hais kom muab koj cov menyuam mus nrog niam txiv qhuav nyob.  

Yog daim ntawv qhia tias tsis ntxim tus menyuam raug xwm txheej, tej zaum lub nroog muab qhov ntaub ntawv no kaw lossis, yog lawv xav tias koj toobkas kev pab, tej zaum lawv yuav ua qhov Family Assessment ntsuam xyuas tsev neeg,  Yog koj kam ua qhov Family Assessment, ib tug ua haujlwm tiv thaiv menyuam yuav ua haujlwm nrog koj los nrhiav tej yam kev pab koj toobkas lossis xav tau. 

Kev tsim txom yog ua phem lossis tsis saib xyuas/tu tus menyuam. 

Ua Phem yog txhob txwm ua mob rau tus menyuam lub cev lossis kev siab xav.  Nws yog tej yam li:  

• pob txha lov thiab nqaij doog
• kub hnyiab
• ntaus uas tsis yog kev qhuab qhia
• txhua yam ua phem txog kev sib deev
• ua mob siab, ntxhov siab, tu siab
   

Tsis Saib Xyuas/Tu thaum tus menyuam tsis tau tej yam nws toobkas, xws li:

• zaub mov
• khaub ncaws
• chaw nyob
• kev kawm ntawv
• kho mob
• saib xyuas
• tiv thaiv kom txhob raug mob

• Muaj Kev Pab Cuam  
  Yog tus menyuam raug tsim txom, muaj feem tias yeej raug tsim txom, lossis tsis muaj leejtwg saib xyuas/tu, Tiv Thaiv Menyuam yuav qhib ib rooj plaub.  Ces lawv mam li muab kev pab xws li muab tus menyuam mus nrog niam txiv qhuav nyob, kho kev quav dej quav cawv, lwm yam kev kho, thiab nrog ib tug kws ntuas tham. Lawv muab tau cov kev pab cuam tsis tas mus hais hauv tsev hais plaub, yog tias niam txiv kam sib koom tes.  
  
   
• Pom Zoo Muab Tus Menyuam Tshem Tawm
  Cov neeg ua haujlwm tshem tsis tau tus menyuam tawm hauv tsev yog niam txiv tsis kam LOSSIS lawv muaj daim ntawv tsev hais plaub txiv txiam.  Yog tus neeg ua haujlwm xav tias tus menyuam raug xwm txheej tamsim ntawd tabsis hais tsis tau kom niam txiv kam, ces lawv hu tub ceevxwm.  Tub ceevxwm mam coj tus menyuam tawm hauv lub tsev mus rau ib lub tseb nkaum. 
  
  Nws yuav tsum hais rooj plaub tsis pub dhau 72 teev (tsis suav vas xaum vas thiv thiab cov koobtsheej so) los txiav txim siab sev puas cia tus menyuam nrog niam txiv qhuav nyob kom ntev dua. 
   

• Mus Hauv Tsev Hais Plaub
  Cov neeg ua haujlwm hauv Tiv Thaiv Menyuam hais tau kom Tsev Hais Plaub Menyuam muab tus menyuam tshem tawm hauv tsev vim muaj kev xoom xaim tias raug ua phem lossis tsis saib xyuas/tu.  Tej zaum muab tus menyuam mus nyob nrog ib tug txheeb ze, niam txiv qhuav, lossis lwm qhov chaw nyob.  
  
  Feem ntau, Tiv Thaiv Menyuam yuav tsum pab kom tsev neeg rov qab los nyob uake.  Tabsis yog zoo li tus menyuam tsis muaj kev ruaj ntseg hauv tsev, Tiv Thaiv Menyuam yuav nrhiav povthawj los txhawb qhov muab tus menyuam tshem tawm tas sim neej ntawm tus niam txiv ua phem lossis tsis saib xyuas/tus menyuam.

• Yog koj yog ib tug pog/yawg/niam tais/yawm txiv thiab tus menyuam nrog koj nyob qho ntsi ntawm 2 xyoo tas los lawm, koj muaj txoj cai hais tias koj yog “ib tog” rau rooj plaub no los  “cuam tshuam”.  Qhov no txhais tias koj nug kom tsev hais plaub kam cia koj koom tes rau cov plaub no. Leej txiv uas tsis “ib tog” muaj feem cuam tshuam tau thiab.  Koj mus nqa cov ntawv koj toobkas tom tsev hais plaub.
  
  Koj mus muab tau cov ntawv tsev hais plaub koj toobkas los “cuam ntsuam” ntawm www.mncourts.gov. (lus Askiv xwb)
• nias rau Get Forms rov saum toj phab ntawv
• nias rau Child Protection ntawm cov ntawv tawm los
• nias rau CHIPS Motion to Intervene xaiv qhov (pob ntawv).
• Nws [Packet] muaj txhua yam koj toobkas. Nyeem cov lus qhia kom zoo!

• Cov plaub Menyuam Toobkas Kev Tiv Thaiv lossis Kev Pab (CHIPS).  Tej zaum lawv ua ntawv foob qhov plaub CHIPS yog lawv ntseeg tias koj tus menyuam tsis muaj kev ruaj ntseg nrog koj lossis koj tsis koom tes txais cov kev pab kom koj tus menyuam muaj kev ruaj ntseg. 
  
  Lub nroog yuav tsum pab kom tus menyuam rov qab los rau koj.  Koj muaj feem los koom tes nrog lub nroog los npaj txoj kev pab koj rooj plaub.  Koj muaj 6 mus rau 12 hlis los ua kom tiav txoj kev npaj pab.  
  
  Yog tus menyuam tseem nrog niam txiv qhuav nyob thiab koj tsis ua raws li txoj kev npaj pab, lub nroog ua ntawv tshem tawm kom tas sim neej. 
   

• Tshem Tawm Tas Sim Neej.  Feem ntau, Muab Ua Niam Txiv Txoj Cai Tshem Tawm (TPR) thaum tsis muab cov menyuam rov rau niam txiv saib xyuas/tu lawm. 
  
  Yog xav paub ntxiv, saib peb cov ntawv tseeb Your Rights Under the Indian Child Welfare Act (lus Askiv xwb), thiab Txiv yog Leejtwg thiab Menyuam Nrog Leejtwg Nyob, thiab Tus Neeg Tsev Hais Plaub Taw los Sawv Cev rau Tus Menyuam yog Dab tsi?
  
  Thaum mus hais ib rooj plaub hauv tsev hais plaub, tus kws txiav txim taw tus neeg sawv cev, guardian ad litem (GAL) rau koj tus menyuam.  Tus GAL sau ntawv qhia tsev hais plaub tias qhov twg yog qhov zoo tshaj rau tus menyuam.  Tus GAL tsis yog tus menyuam tus kws lij choj.  Yog tus menyuam muaj 10 xyoo lossis tshaj, tus menyuam muaj cai kom tsev hais plaub taw ib tug kws lij choj rau nws.  Yog tus menyuam yau tshaj 10 xyoo, tsev hais plaub yuav tsis taw tus kws lij choj rau nws.  Nroog tus kws lij choj yog tus kws lij choj rau Tiv Thaiv Menyuam.
  
  Niam txiv qhuav lossis cov txheeb ze saib xyuas/tu tus menyuam ib ntu tuaj mloog cov plaub thiab thov tau tus kws txiav txim kom tso cai rau lawv hais lus seb qhov lawv xav tias yuav zoo tshaj rau tus menyuam. 

Nws muaj 2 txoj kev muab tau tus menyuam nrog niam txiv qhuav nyob. 

• Tsis Kam Tshem Tawm.  Cov no yog tsev hais plaub txiav txim kom Tshem Tawm Hauv Tsev txawm hais tias niam/txiv tsis kam. 
   
• Txaus Siab Tshem Tawm.  Thaum niam txiv pom zoo tias nws yog ib qho zoo tshaj rau mkawv tus menyuam mus nrog niam txiv qhuav nyob lossis tau kev kho ib ntu, lub nroog thiab niam txiv mam ua daim ntawv Pom Zoo Muab Tshem Tawm (Voluntary Placement Agreement).  Daim ntawv Pom Zoo qhia txog cov kev pab cuam yuav muab rau niam txiv thiab tus menyuam kom thiaj li cia tus menyuam rov los tsev. 
  
  Niam txiv hloov siab tau txog qhov kev tso lus thiab hais kom coj nkawv tus menyuam rov los tsev.  Lub nroog yuav tsum coj tus menyuam los tsev lossis lawv coj mus hais plaub thiab muaj povthawj tias tus menyuam yuav tsis muaj kev ruaj ntseg hauv tsev

Yog tus menyuam yuav tsum tau tshem tawm hauv tsev, lawv yuav tsum nrhiav tau tsev neeg lossis niam txiv qhuav uas totaub tus menyuam haiv neeg lossis kab li kevcai los ua tau. Tabsis tsis muaj txoj cai kom yuav tsum muab cov menyuam mus nyob nrog cov tsev neeg tib heev neeg lossis kab li kevcai nyob.  Leej niam/txiv hais tau kom muab tus menyuam nyob rau lub tsev qhuav uas coj kev cai dab qhuas tib yam.  

Txoj kevcai rau kab li kevcai txawv rau cov menyuam Qhab.  Saib peb daim ntawv tseeb Your Rights Under the Indian Child Welfare Act (lus Askiv xwb).