Fasaxa Shaqada: Dhimasho ama Geeri

Haddii aad ka soo baxdo shuruudaha (hoos akhri), sharciga dawladda dhexe ee lagu magacaabo FMLA ayaa xuquuq kuu siinaya in aad qaadan karto ilaa 12 blilood oo fasax ah. Shaqadaada waa laguu heynayaa haddii aad qaadato fasaxa FMLA. Taasi waxa ay ka dhigan tahay in shaqadaada dib laguugu soo celiyo ama lagu siiyo mid u dhiganta dhamaadka fasaxaaga FMLA.

Haddii uu kuu ururay fasax bukaan ama fasax caadi ah, waxa aad isticmaali kartaa mudada fasaxa FMLA. Waxaa laga yaabaa in madaxdaadu kugu khasbaan in aad isticmaasho. Mudada aad fasaxa ku jirto, ceymiskaaga caafimaadka waad heysaneysaa sidii adiga oo sheqeynaya oo kale. Waa in aad bixisaa lacagta bisha ee ceymiska.

Si aad xaq ugu yeelato  FMLA, waa:

1. U shaqeysaa loo shaqeeyaha sharcigu waajib kaga dhigayo fasaxa FMLA
2. In aad shaqeysay 1,250 saacadood 12ka bilood ee ka horeeya inta aanu fasaxa bilaaban. 

3. In aad ka shaqeyso goob ay 50 ama wax ka badan oo shaqaale ah ka shaqeeyaan ama meel u jirta 75 mayl, oo aad

4. Aad ka shaqeysay goobtaas ugu yaraan 12 bilood.

Sababta aad fasaxa FMLA u codsaneyso waa in ay noqotaa sabab sharcigu ogol yahay,  Taas waxaa ka mid ah mid kasta oo ka mid ah sababaha soo socda:

• Ma shaqeyn kartid xanuun aad u daran oo adiga ku haya darteed.
• Waxa aad u baahan tahay daaweyn xanuun aad u khatar ah oo ku haya. 
• Waxa aad u baahan tahay in aad xanaaneyso waalid, ilmo, ama xaaas/say oo dhibaato caafimaad heyso.

Waa in aad goobta shaqada siisaa 30 maalmood oo ogeysiis ah, haddii aad awoodo. Haddii aadan horey u wargelin, ogeysii sida ugu dhaqsaha badan. Waa in aad u sheegto goobta shaqada sababaha aad uga soo baxday shuruudaha FMLA. Kani waa xafiiskaaga shaqaada oo ogsoon in aad weydiisaneyso FMLA. Fasax bukaan oo aad weydiisato kaliya kuma filna.

Loo shaqeeyaha waxa uu ku weydiiisan karaa cadeyn ku saabsan dhibaatada, sida cedyn uu soo qoro dhakhtarkaaga. Loo shaqeeyaha waxa uu la xiriiri karaa dhakhtarkaaga si uu hubiyo macluumaadka. Fasax kaama doonayaan si ay sidan u sameeyaan.

Fiiro gaar ah: xaaladda caafimaadku waa in ay noqotaa mid aad khatar u ah. Xaaladdu waa mid aad khatar u ah haddii uu tahay “xanuun, dhaawac, naafanimo ama xaalad kale oo jirka ama dhimirka ah oo u baahan in bukaanka la dhigo isbitaalka ama u baahan dhakhar inuu gacanta ku hayo”

Cabasho u soo gudbi Wasaaradda Shaqada  ee Mareykanka, Qeyba Mushaharka Iyo Saacadaha Shaqada.

Ka soo wac 1-(866) 4USWAGE 1-(866- 487-9243).

Waxaa kale oo aad qabsan kartaa qareen si aad u diiwaangeliso dacwad.

FMLA wuu joogsanayaaba haddii qofkii xanuunsanaa uu geeriyoodo. Loo shaqeeyaha khasab kuma aha inuu fasaxa kuu siiyo dhimashada qofka qoyskaaga ka tirsan, laakiin waxaa laga yaabaa in loo shaqeeyuhu kuu ogolaado in aad fasax u qaado “fasaxa geerida.” Kala hadal ama akhri nidaamka u degsan loo shaqeeyaha. 

Haddii adiga qof aad kuugu dhow oo qoyska ka tirsan ay la il daran yihiin xanuun aad u daran ama xaalad caafimaad oo dhimirka ah dhimashada qofkaas dartiis, waxaa suurogal ah in aad qaadan karto fasaxa FMLA. Laakiin xaaladda caadiga ah ee ka dhalata geerida kama mid ah waxyaabaha uu ogol yahay fasaxa MFLA. 

Haddii aad ka shaqeyso Minneapolis ama St. Paul, waxa aad qaadan kartaa fasax sida ay dhigayaan sharciyada xaunuunka Iyo Badbaadada.  Waxaa dhici karta iyana inaad xaq u yeelato fasaxa xanuunka haddii aad guriga ku shaqeyso adigoo ku sugan Minneapolis gudaheeda.

• Labada magaalaba waxa kuu ururaya 1 saac oo fasax ah 30kii saacadood ee aad shaqeysaba.

• Waxaa kuu ururaya 48 saacadood sanadkiiba.  

• Minneapolis, haddii ay goobta ka shaqeeyaan 6 shaqaale ama wax kabadan, fasaxa caafimaadka waa in la siiyaa shaqaalaha. 

Sharciga Minnesota waxa uu dhigayaa in ay shaqaalaha u ogolaadaan in ay isticmaalaan fasaxa bukaanka ee lacagta la siiyo (haddii uu ururay) si ay u xanaaneeyaan qof qoyska ka tirsan oo xanuunsan.  

Shaqaalaha intooda badan waa in ay u ogolaadaan in shaqaaluhu isticmaalaan fasaxooda bukaanka (haddii uu ururay) si uu uga caawiyo dagaal qoyska dhex mara, xadgudub loo geysto, ama xaalad qashqashaad ah oo dhex marta shaqaalaha iyo qof qoyska ka tirsan.   

Xubnaha ee sharcigan ogol yahay waa ilmaha (kuwa aad dhashay ama aad korsatay), xaaska/sayga, waalidka, sodohda, sodogga, ilmaha aad awoowaha u tahay, waalidka awoowaha kuu ah, iyo ilmaha aad hooyadood/aabahood isu dhaxdaan.

Minnesota Department of Labor and Industry (Waaxda Shaqaalaha Iyo Warshadaha ee Minnesota)
www.doli.state.mn.us
(651) 284-5005 or
1-800-DIAL-DLI (1-800-342-5354)

U.S. Department of Labor (Waaxda Shaqada Ee Mareykanka)
www.dol.gov
1-866-4-USA-DOL (1-866-487-2365)