Ma Ka heli karaa Adeegyo SSB?

Sharciga Xirfadeynta Naafada ee Dowlada Dhexe (Rehabilitation Act) waxa uu leeyahay lacagta waa khasab in loo isticmaalo adeegyada tababarka xirfadaha ee dadka naafada ah. Adeegyadaasi waxa ay kaa caawin karaan inaad shaqo hesho ama sii wadato. Minnesota, Hay’ada Adeegyada Gobolka ee Indhoolayaashu [State Services for the Blind (SSB)] waxay u fidisaa adeegyo dadka indha la’ ama indhaha sida fiican aan wax uga arag ee doonaya inay shaqaystaan.

Inta badan, xaq ayaad u leedahay inaad hesho adeegyada ay bixiso SSB hadii aad:

1. Hadii indhaha aadan si fiican wax uga arag. Taa oo loo qeexo:
   • Indho curdoonaan 20/60 ah ama ka yar isha roon iyadoo leh toosin ugu fiican
   • Maqnaanta ugu yaraan hal gabal oo buuxa ee qalabka bidhaaminta araga ama
   • Cudur jirka ah ama aragtida oo mar walba hoos u sii dhacda, taasoo keenta indho-la’aan aakhirka  

                     iyo

2. Inaad u baahan tahay adeegyada tababarka xirfadaha si aad diyaar ugu noqoto inaad shaqo hesho aadna sii wadato shaqadaa

                     iyo

3. Inaad ka faa’iidi kartid adeegyada tababarka xirfadaha.  

Markiiba xaq aad u leedahay hadii aad qaadato Dakhiga Kaabaha ah ee Sooshal Sakuuratiga (SSI) ama kan Caymiska Naafada ee Sooshal Sakuuratiga (SSDI) sababatoo ah aragti la’aanta.  

Hadii hay’ada SSB ay go’aansato inaadan ka faa’iidi karin adeegyada sababtoo ah naafadanimaada oo aad u culus awgeed, waa khasab inay taa cadeeyaan “ iyagoo soo bandhigayda daliilo cad oo shaki la’aan ah.”   

Dadka naafanimada ugu yar lehi waxaa dhici karta inaysan helin adeegyo gabi ahaanba, aan ka ahayn in barnaamijka SSB du uu hayso dhaqaale uu cid walba ugu adeegi karo. 

Waxa aad leedahay naafanimo daran hadii:

1. naafanimadaadu ay ka dhigto wax aad u adag mid ama in ka badan oo ah waxyaabahan soo socda:
    
   • meelo isaga socodka
   • la hadalka iyo dhagaysiga dadka kale
   • daryeelida naftaada
   • sameysiga iyo fulinta qorshayaal
   • u akaysiga shaqo (waxaad u baahan tahay gacanqabad si aad shaqadaada u guduto)
   • lahaanshaha xirdafo shaqo si aad u shaqaysato
   • la heshiin dadka kale

                     iyo

1. waxa aad u baahan tahay in ka badan hal adeeg muddo dheer si aad ugu diyaar garowdo aad u hesho aadna u sii hayso shaqo.

                     iyo

3. marka laga reebo arag xumadaada, waxaad kaloo leedahay naafanimo jireed am mid maskaxiyan ah ama dhowr naafanimo oo isku jira oo keena waxqabsi xummo culus.

1. Waa khasab inaad qoraal ahaan ku codsato adigoo warqad qoraya ama u diraya foomka codsiga oo buuxsan barnaamijka SSB.
   
   Si aad u hesho codsi, wac:
    
   • (agagaarka beledyada): (651) 539-2300
   • Khadka Lacag La’aanta ah: 1(800) 652-9000

Waydii inaan la hadasho qof ka tiran Qaybta Horumarinta Shaqo-ku-jaynta.

Waxaad kaloo isticmaali kartaa khadka (online) ee codsiyada akhbaarta ee https://mn.gov/deed/ssb/about/contact/locations/ssbinfoform.jsp.

Waa khasab inaad saxiixido foomka  “bixinta akhbaarta.” Taasi waxay u ogolaan barnaamijka SSB inuu helo akhbaartaada caafimaad si u uu cadeeyo inaad indhaha naafo ka tahay.

2. Arrimaha intooda, la taliyaha SSB ku waxa uu kugula kulmaa adiga bil gudaheed kolka aad codsiga xareysato. La taliyahu waxa uu kuu sharxi kolkaa hanaanka xirfadaynta iyo mashaariicda kala duwan ee uu fidiyo barnaamijka SSB. Waxaa kaloo dhici karta inaad u baahato inaad ka qaybgasho fadhi akhbaar aqoon-iswaydaarsi ah oo ku saabsan adeegyada SSB.

La taliyahu waxa uu ku waydiiyaa adiga wixii akhbaar ah ee uu u baahan yahay si ay u ogaadaan xaq u yeeladkaaga. Waxay noqon karaan waxyabaha tarriikhdaada shaqo, tacliintaada, tababaradaada, awoodahaaga iyo xiisahaaga, baahida xirfadeynta, iyo hadafyada meheradaha suurta gal ah.

Kolka uu soo aruurinayo akhbaarta, barnaamijka SSB waxa uu eegaa akhbaarta jirta intii la awoodo. Hadii taasi aysan ku filnayn in la go’aansado xaq u yeeladka adeegyada, barnaamijku waxa uu kala shaqeeyaa adiga sidii laguugu heli lahaa akhbaarta kale ee uu u baahan yahay. Hadii uu jiro wax kharash ah oo ku baxaya helida akhbaartaa, waxa aad waydiisan kartaa barnaamijka SSB inuu isagu bixiyo.

Go’aamada intooda badan waxaa lagu gaaraa 60-cisho gudahood laga bilaabo maalinta codsiga aad keentay. Hadii waqti kale loo baahdo, SSB waa inay adiga kula hadashaa si kolkaa labadiinuba aad u wada gaartaan heshiis ku saabsan waqti kordhinta.

Hadii SSB ay diido codsigaaga adeegyada ama ku geliso jaad mudnaan ah oo ka hooseeya kuwa iminka loo adeegayo, waa khasab inay kuu soo diraan warqad kuu sheegaysa:

1. Sababta laguu diiday ama laguu geliyey jaadka lagu geliyey

2. Waxa ay yihiin xaquuqdaada sharciyanka ah iyo waxa kula gudboon oo aad sameyn karto iyo
3. Barnaamijka Gargaarka Macmilka (CAP) iyo sida CAP laga yaabo inuu kuu caawin karo adiga  

Hadii SSB ay go’aansato in naafanimaada ay aad u ba’an tahay oo aadan xaq u lahayn adeegyada, waa inay ku siiyaan fursad aad ku marto la talin buuxda ka hor inta aysan ku diidin. Hadii laguu diido sababtan awgeed, waxaad leedahay 2 xaquuqood oo aasaasi ah:   

1. SSB waxay dib u eegi codsigaaga sannad walba si ay eegto inaad xaq u yeelato mar kale ama  

2. Racfaankaan ayaad ka qaadan kartaa diidmada markiiba.

Hadii barnaamijka SSB uu g’aansado inaadan xaq u lahayn adeegyada tababarka xirfadaha, waa khasab inay eegaan inaad xaq u leedahaya mid ka mid ah barnaamijyadooda kale sida is-meel marinta, is-daryeelida ama adeegyada xirfadaynta ilmaha.

Hadii aad tahay macmil ama codsade adeegyada hay’adaha VRS ama SSB, waxa aad wici kartaa Mashruuca Gargaarka Macmilka (CAP) si aad caawimaad uga hesho, hadii aad qabto su’aalo,walaac, ama ashtako ku saabsan adeegyada tababarada xirfadaha. Hay’ada (CAP) ma bixiso adeegyo tababaro xirfadeed ah oo toos ah, sida, tacliin, tababarid, ama qalab.

Eeg warqadayada xoga aruursan ee Mashruuca Gargaarka Macmilka (CAP). 

CAP waxa ay qayb ka tahay  Xarunta Sharciyada Dadka Naafadda ee MN [MN Disability Law Center (MDLC)]. Wixii akhbaar ah ee kale ee ku saabsan (CAP) ama sida loo codsado adeegyada (CAP), ka wac:  

• (612) 334-5970 (agagaarka beledyada)
• 1-800-292-4150 (gobolka oo dhan)