“TLR” SNAP Xadadka Waqtiga ee Dadka Waaweyn (Horey loogu aqoon jiray ABAWDs)

TLR waxa ay u taagan tahay “Helaha Waqtiga Xadidan.” Waxaa markii hore loogu yeeri jiray “Dadka Waaweyn ee Jir Ahaan Fayow ee aan Cidna Mas’uul ka Ahayn (ABAWD).” Waa qofka weyn oo da’diisu u dhaxayso 18 ilaa 64 sanno, oo aan curyaan ahayn, uur lahayn, aan jirranayn, oo aan ku noolayn hooy ay ku noolyihiin caruur ka yar da’da 14. Dadka ka yar 18 sanno ama ka weyn 64 sanno iyo wax ka badan ma aha TLRs. 

Haddaad tahay TLR, waxaad heli kartaa Gargaarka Cuntada (SNAP) 12 bilood oo keliya muddo u dhexeysa 36 bilood gudohhod, haddii aadan ahayn qof shaqeeya, ama dugsi aada, iskaa wax u qabso ku shaqeeya, ama ku suggan xaalad gaar ah. Haddaad tahay TLR, iskaa wax u qabso waad kaga qayb geli kartaa banaamijyada tababarada, oo ay ku jirto GED, ESL ama fasalada waxbarashada dadka waaweyn (ABE). 

Waa khasab inaad shaqeyso ama aad sameyso hawlo tabarucid ah 20 saacadood asbuucii ama 80 saacadood bishii. Haddii aad ku jirto barnaamij shaqo cayrtu ku geysay ah kolkaa waxaa dhici karta inaad leedahay shuruudo saacadaha ah oo ka duwan kuwa kale. La hadal hawl-wadeenkaaga degmadda haddii aad ku jirto barnaamij cayrtu shaqo ku gaysay. 

Gargaarka Cuntada (SNAP) ee ku siman 3- bilood kuma khuseeyo haddii :

• Da’daadu ka yartahay 18 sanno, ama ka weyn da’da 64. aad tahay Hindidda Mareykanka, ama Hindida Mareykan ee Beledyadda Degan ama Hindidda California sida uu u qeexo Sharciga Hagaajinta Daryeeladda Caafimaadka ee Hindidda Mareykanka
   
• Aadan shaqayn Karin 20 saacadood ama ka badan todobaadkii sababo la xiriira awood darro (tabar darro), dhibaato xagga maskaxda ah oo laga yaabo in aadan ka soo bogsan Karin ugu yaraan 30 maalmood gudahood.
   
• Haddii aad xanaanaynayso ilmo ka yar 14 (Khasab ma aha in aad waalid u tahay ilmaha)
   
• Haddii aad qaadatid Gargaarka Guud (GA), ama dakhliga badbaada ee dheeriga ah (SSI) ama dakhliga badbaada bulshada curyaanka ah (SSDI) ama dakhliga Gargaarka Dheeriga ah ee Minnesota (MSA)
   
• Haddii aad qaadatid dakhliga shaqa la’aanta ( shaqa beelka)
   
• Hadii aad uur leedahay
   
• Haddii aad gurigaaga ku xanaanayso qof jirran ama curyaan ah
   
• Haddii aad wado waxbarasho aad ka qaadanayso dugsi la aqoonsanyahay ama barnaamij tababar ah ugu yaraan nus waqtigaaga ka mid ah. 
   
• Haddii aad ku jirto barnaamij baxnaanin ah ee la xiriira maandooriye ama khamro.
   
• Haddii aad arji u qoratay Kabitaanka Dakhliga ee dheeriga ah (SSI), arjigaagana aan weli laga soo jawaabin.
   
• Haddii lagu siiyo adeeg baxnaaninta (Dhaqan celis) (DVR)
   
• Haddii lagu siiyo adeegga curyaamada aan waxba laga qaban karin (DD)

Waxaad dooran kartaa 12ka bilood ee ka mid ah 36 bilood (3 sanno) ee aad qaadan lahayd Gargaarka Cuntada (SNAP). Bil kasta oo aad qaadato Gargaar ka yar intii aad bil buuxda qaadan lahayd, laguma xisaabinaayo bilaahaaga wax ku tirsan. Arrin tanni waxay dhici kartaa marka aad Gargaarka codsato bisha kowdeeda ka dib ama aadan buuxin shuruudihii ku xirnaa maalmo ka mid ah bishaas. Haddii qof ka mid ah inta isku guri ku nool uusan helin Gargaarka Cuntada sabab la xiriirta waqtiga la xadiday, inta kale ee gurigaas ku nool way heli karaan Gargaarka Cuntada (SNAP).

Haddii aad weydid Gargaarka Cuntada (SNAP) sabab la xiriirta sharciga shaqo, ama laguu sheego in aad dhamaysatay mudadii bilaha aheyd ee laguu ogolaa, laakiin aadan ku raacsanayn go’aankaas, waxaad markiiba codsataa racfaan (dib u eegid). Hadii aad codsato racfaan muddo 10 maalmood gudohood ah, weli waxaad heli kartaa Gargaarka Cunto (SNAP) inta racfaanka lagu jiro.

Codsiga racfaanka (dib u eegidda), waxaad warqad u dhiibtaa qofka haya dacwadaada oo aad ku sheegayso sababta diidmada iyo taariikha diidmada, nuqul (koobi) kala har.

Ama, waxa aad booqan kartaa buuxinta iyo soo gudbinta foomka racfaan ka qaadashada. 

Waxaa kaloo jira tilmaan bixin. Haddaad rabto in aad akhrido. Si taxadar leh u akhri foomka, buuxi si dhamaystiran waxa lagu weydiiyay, dabadeedna riix halka ay ku qoran tahay “ Gudbi” dhanka midig ee hoose. Waxaa haboon in aad koobi ka daabacato.

Ka fiiri bogga xaqiiqooyinka Racfaan U Qaadashada DHS faahfaahin intaas kabadan. Ka wac xafiiska gargaarka sharciyada (legal aid) ee deegaankaaga 1-(877) 696-6529 haddii aad caawino u baahan tahay.